Connect with us

Lajme

Partitë politike së shpejti pritet të rikthejnë debatin për ndryshime eventuale në legjislaturën zgjedhore

Published

on

Këtë e bëri të ditur ministrja e Drejtësisë, Renata Deskoska, e cila tha se ndryshimet do të burojnë nga rekomandimet e OSBE/ODIHR-së.

Por Deskoska shtoi se asnjë ndryshim nuk do të zbatohet pa konsensus mes partive politike.

“Këtu janë çështja e hapjes së listave zgjedhore të kandidatëve dhe ndryshimi i modelit zgjedhor. Ministria e Drejtësisë do të jetë në rolin e ndërmjetësuesit i cili do ta koordinojë procesin mes partive politike por dua të theksoj se asnjë reformë në legjislaturën zgjedhore nuk ta mbështesim nëse nuk merr konsensus nga partitë kryesore politike”-tha Renata Deskoska, ministre e Drejtësisë.

Presidenti Stevo Pendarovski shtoi se reformat pa konsensus me opozitën do të ishin zgjedhje më e keqe se sa mbetja e modelit aktual. Ai kërkoi të aplikohet një model i ri i cili do të rrisë përfaqësimin e qytetarëve dhe llogaridhënien e partive politike.

“Qëndrimi im jo shumë i largët ka qenë në mbështetje të iniciativës për reforma në modelin zgjedhor në në drejtim të demorkatizimit, më shumë llogaridhënie nga partitë, veçanërisht gjatë financimit të fushatave zgjedhore dhe në përgjithësi në financimin e punës së partive politike, krijimin e një hapësire më të madhe për garë të ideve politike dhe më e rëndësishmja, përfaqësim më të mirë të qytetarëve si në nivel qendror, ashtu edhe në nivel lokal. Kjo reformë mund të përfshijë edhe ndryshim të numrit të njësive zgjedhore dhe përfshirjen e listave të hapura dhe nëse merremi vesh, edhe ndryshim të tërësishëm të modelit proporcional, të përzier ose të shumicës”-pohoi Stevo Pendarovski, President.

Në Kuvend tashmë janë dorëzuar dy iniciativa për kalimin nga gjashtë në një njësi zgjedhore.

Kritikët vlerësojnë se modeli aktual i zgjedhjeve, veçanërisht atyre parlamentare ku garohet me lista të mbylla të kandidatëve për deputetë, ka ndikuar në centralizimin e partive politike, ngushtimin e hapësirës për vendimmarrje brenda-partiake, zhvillimin e klientelizmit politik dhe përgjegjësi më të ulët për punën e bërë.

Ndërkohë njësitë zgjedhore pësojnë ndryshime varësisht rritjes ose uljes së numrit të votuesve mes tyre dhe disproporcioni mes tyre shpesh është i lartë.

Fjalimet ishin pjesë e projektit “Qytetarë të lirë dhe qytetarë për shoqëri të lirë” në konferencën e organizuar nga Qendra për liri “Civil”.

Continue Reading

Bota

OBSH-ja i bën thirrje G20-s që të angazhohet për t’i dhënë fund pandemisë

Published

on

Organizata Botërore e Shëndetësisë (OBSH) dhe grupet e tjera të ndihmës të enjten u bënë thirrje udhëheqësve të 20 ekonomive më të mëdha në botë për të financuar një plan prej 23.4 miliardë dollarësh për të sjellë vaksina, teste dhe ilaçe për COVID-19 në vendet më të varfra vitin e ardhshëm.

Plani ambicioz përshkruan strategjinë e Përshpejtuesit të Mjeteve të Aksesit për COVID-19 (ACT-A) deri në shtator 2022, që pritet të përfshijë përdorimin e një pilule eksperimentale orale antivirale të bërë nga Merck për trajtimin e rasteve të lehta dhe të moderuara .

Nëse pilula miratohet nga autoritetet rregullatore, kostoja mund të jetë deri në 10 dollarë për një person, tha plani, në përputhje me një draft dokument.

“Kërkesa është për 23.4 miliardë dollarë. Kjo është një shumë e drejtë parash, por nëse e krahasoni me dëmin që i është bërë ekonomisë globale nga pandemia, nuk është në të vërtetë aq shumë”, ka thënë Carl Bildt, i dërguari special i OBSH-së në ACT-Accelerator.

Kërkesa vjen përpara një takimi këtë fundjavë të udhëheqësve të Grupit 20 që përfshin ekonomitë më të pasura dhe në zhvillim në botë.

Bildt, një ish-kryeministër i Suedisë, pranoi se ACT-A ka luftuar për të siguruar financimin e mëparshëm dhe vuri në dukje se Norvegjia dhe Afrika e Jugut bashkëkryesojnë një përpjekje për mbledhjen e fondeve.

“Pra, ne presim një sinjal të fortë nga (G20) që do të dalë nga takimi në Romë gjatë fundjavës” , tha ai.

Buxhete të barabarta prej 7 miliardë dollarësh janë caktuar si për vaksinat ashtu edhe për testet diagnostike, me 5.9 miliardë dollarë të tjerë për rritjen e sistemeve shëndetësore dhe 3.5 miliardë dollarë për trajtimet, përfshirë antiviralët, kortikosteroidet dhe oksigjenin mjekësor.

COVAX, krahu i vaksinave të ACT-A, ka shpërndarë rreth 400 milionë doza të vaksinës anti-COVID në më shumë se 140 vende me të ardhura të ulëta dhe të mesme, ku normat e vaksinimit mbeten të ulëta, tha shefi shkencëtar i OBSH-së, Soumya Swaminathan.

Rreth 82 vende ka të ngjarë të humbasin objektivin global të OBSH-së prej 40% të mbulimit të vaksinimit deri në fund të vitit, por disa prej tyre mund t’ia dalin nëse ka furnizime.

Continue Reading

Kosovë

Escobar: Njohja reciproke do të ishte ideale për normalizim të marrëdhënieve Kosovë-Serbi

Published

on

Zëvendësndihmës-Sekretari amerikan i Shtetit për Evropën dhe Euroazinë, njëherësh i dërguari për Ballkanin Perëndimor, Gabriel Escobar ka thënë të enjten se administata e presidentit amerikan, Joe Biden ka dyfishuar përkushtimin amerikan për të punuar me aleatë dhe partnerë që Ballkani Perëndimor të avancojë në rrugën evropiane.

Në një dëshmi para Nën-Komitetit të Dhomës së Përfaqësuesve për Evropë, Energji dhe Ambient, ai ka thënë se autoritetet amerikane janë duke punuar me partnerë të Bashkimit Evropian për të përforcuar mesazhin se anëtarësimi mbetet mundësi brenda afateve realiste kohore, më pas shtysë për kryerjen e reformave, si dhe për forcim të rezistencës ndaj ndikimit rus dhe kinez në prag të Evropës.

“Mesazhi më i fuqishëm që mund të japë tani BE-ja është që të caktojë nisjen e bisedimeve për anëtarësim me Maqedoninë e Veriut dhe Shqipërinë, para fundit të këtij viti”, ka deklaruar Escobar.

Sipas tij, vonesat në këtë drejtim mund të nxisin dyshime dhe rrezikojnë të shkatërrojnë shpresat e një brezi të ri për të ardhmen evropiane.

Për këtë arsye, ai ka thënë se Sekretari amerikan i Shtetit, Antony Blinken dhe Përfaqësuesi i Lartë i BE-së për Politikë të Jashtme dhe Siguri, Josep Borrell, kanë dalë me komunikatë të përbashkët,më herët gjatë këtij muaji, për të theksuar se anëtarësimi në bllokun evropian është rruga e vetme përpara për rajonin.

Gjatë dëshmisë së tij, ai ka përmendur edhe rëndësinë e vazhdimit të dialogut mes Kosovës dhe Serbisë, që ndërmjetësohet nga BE-ja.

Escobar ka thënë se për këtë arsye ka udhëtuar në Bruksel muajin e kaluar për të përkrahur përpjekjet e Përfaqësuesit Special të BE-së për dialog, Mirosllav Lajçak, që të shtyjë të dyja palët për të shtensionuar situatën për shkak të targave të makinave dhe për të gjetur zgjidhje.

Escobar i është referuar marrëveshjes së arritur mes Kosovës dhe Serbisë më 30 shtator, sipas së cilës, makinat e regjistruara në Kosovë dhe në Serbi duhet të vendosin letra ngjitëse mbi simbolet shtetërore në targat e makinave kur të kalojnë në territorin e njëra-tjetrës.

“Së bashku e kemi bërë të qartë se dialogu është forum në të cilin të dyja palët, si të barabarta, duhet të punojnë për të zgjidhur dallimet e tyre dhe për të normalizuar marrëdhëniet, në mënyrë ideale përmes një njohjeje reciproke”./Rel/

Continue Reading

Lajme

Taravari prezanton shumicën e re në Këshillin Komunal

Published

on

Sot në komunën e Gostivarit u formua këshilli komunal, ky keshill komunal ka 31 anetar. ASH ka arritur tē siguroj shumicen me partite tjera dhe kanë 19 keshilltar, informon portali tetova1.

Arben Taravari në rrjetin e tij social facebook shkruan:

Shumicë e re në komunën e Gostivarit 19/31

Continue Reading

Aktuale