Lajme

ASH: Ja pse Arbër Ademi duhet të japë dorëheqje

Published

4 years ago

25.09.2019

B.SH

Departamenti i arsimit pranë “Aleancës për Shqiptarët” fton ministrin e arsimit që është radha të reflektojë dhe sa më shpejtë të jap dorëheqje duke marrë parasysh skandalet që e kanë përcjellë këtë ministër dhe që përsëriten sot e kësaj dite. Veç një demagog i llojit të tillë pranon dhe vazhdon të qëndrojë ende në atë pozitë.

Departamenti i arsimit pranë “Aleancës për Shqiptarët” e informon dhe e përkujton opinionit publik nj numër të vogël të skandaleve të ministrit dhe dikasterit që udhëheq. Edhe pse këto janë skandale të përditshme, ministri shtiret sikur asgjë nuk ndodh gjithmonë duke folur për kohën e ardhshme dhe duke përdorur frazat: “veç sa nuk u realizua”, “projekti është gati”, “tenderi u anulua”, etj.

Ja dhjetë (10) prej tyre:

-Premtoi depolitizimin e arsimit e nga ana tjetër shkollat i shndërroi në parlamente pa opozitë;

-Premtoi reforma ku profesorët do të vlerësohen dhe do të rangohen sipas meritave, ndërsa i shndërruan në profesor që jetojnë me frikën e përjashtimit nga puna nëse nuk je militant partiak;

-Premtoi decentralizimin e arsimit, nga ana tjetër merr ingerencat nga e vetmja komunë opozitare – Gostivarit, dhe jo të bashkëpartiakut nga Struga dhe bashkëqeveritarit nga Gazi Baba për skandale shumë më të mëdha;

-Premtoi barabarësi në arsim, ndërkaq që bën segregacion etnik: shkolla “Kiro Gligorov” me kopsht botanik ndërsa shkollat shqiptare në Çair si në shekullin e kaluar; libra të muzikës me recensent shqiptar, ndërkaq që lejon që shqiptarët të mësojnë këngë vetëm nga kompozitor maqedonas dhe i njëjti emërohet në grupin e punës për krijimin e programeve dhe librave të reja të muzikës;

-Me gojën plot flet dhe mburret me ndërtimin e universitetit “Nëna Terezë” në Shkup, ndërkaq në çdo rebalanc buxheti, shkurtohen mjetet e dedikuara për këtë projekt;

-Premtoi ndërtimin e shkollës fillore në Reçicë të vogël, dhe ai premtim ngeli vetëm në letër. Ndoshta mendon që shqiptarëve të këtij vendbanimi nuk u duhet shkolla fillore se kanë dy universitete;

-Premtoi libra të reja, ndërsa mundësoi marrëveshje milionëshe në katër sy; Dhe që kjo mos të mjaftojë, një muaj pas fillimit të vitit shkollor, nxënësit ende mësojnë me libra të vjetra dhe të shqyera;

-Si zëvendësministër bashkëpunoi me ministreshën për anulimin e testimit ekstern, por si ministër nuk krijoi mekanizma-indikator për vlerësim të cilësisë së arsimit duke krijuar anarki të paparë;

-Propozoi, më pas u miratua ligji për arsim fillor, ku kërkohet inkluzion për nxënësit me nevoja të veçanta, por nuk shohim program për kushtet që duhet të plotësojnë shkollat për të realizuar këtë proces; dhe

-Promovoi zbatim të ligjit, por degradoi inspektorin republikan Gjorgji Ilievski në pozitë më të ulët, pse zbuloi avancimin tënd profesional në mënyrë joligjore në USHT.

Mjafton vetëm një nga këto skandale dhe çdo person me vetëdije të lartë dhe me pak përgjegjësi do jepte dorëheqje morale, por jo edhe ministri i arsimit Arbër Ademi. Edhe pas skandaleve të përditshme, ai pa fije turpi vazhdon të ushtrojë detyrën e ministrit, ndërkohë që nxënësit dhe arsimi shqip dita ditës degradohet dhe shkatrohet.

Lajme

Edhe në sondazhin e ri Taravari shumë pranë Ahmetit

Published

2 hours ago

27.03.2023

G.A

Lideri i ASH-së, Arben Taravari sërish i afrohet me popullaritet atij të BDI-së, Ali Ahmeti. Në sondazhin e fundit realizuar nga Instituti për Politika Publike (IPP) “Arbën Xhaferi”, Taravari është katër përqind pas Ahmetit.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut

“Sondazhi i IPP Arbën Xhaferi i realizuar ekskluzivisht me shqiptarë në Maqedoninë e Veriut tregon se kur bëhet fjalë për opinionin publik për liderët partiakë, Ali Ahmeti (BDI) është më i popullarizuari, me besueshmëri neto prej zero (neutrale) dhe 49.7% të opinioneve pozitive. Arben Taravari (ASh) qëndron afër si i dyti, me besueshmëri neto prej -9.4 dhe 45% të opinioneve pozitive”, thuhet në sondazhin e relaizuar nga IPP “Arbën Xhaferi”.
Pas Ahmetit dhe Taravarit radhitet Izet Mexhi, si figure politike e popullarizuar te shqiptarët edhe pse nuk është kryetar partie. Pas Mexhitit janë Kasami i Besës dhe lideri i Alternativës, Gashi radhitet i fundit.
“Pas tensioneve të brendshme në BDI, Izet Mexhiti, lideri i fraksionit brenda BDI-së i njohur si “Grupi i Zjarrit” është lideri i tretë partiak më i popullarizuar me besueshmëri neto prej -28.8% dhe 35.3% të opinioneve pozitive. Bilall Kasami (Lëvizja Besa) renditet i katërti, me besueshmëri neto prej -43% dhe 28.2% të opinioneve pozitive. Lideri partiak me përkrahjen më të vogël popullore është Afrim Gashi (Alternativa), me besueshmëri neto prej -74.6% dhe vetëm 12.4% të opinioneve pozitive”, thuhet më tej në sondazhin e relaizuar nga IPP “Arbën Xhaferi”.
30.8% e shqiptarëve kanë thënë se do të votonin për BDI-në nëse zgjedhjet parlamentare do mbaheshin nesër. ASh renditet e dyta me 14.9%, e ndjekur nga Lëvizja Besa me 9.6%. Alternativa do të merrte vetëm 2% të votave, ndërsa PDSH është fare afër zeros (0.3%). Ndër partitë maqedone, 1.6% e shqiptarëve do të votonin për LSDM-në dhe vetëm 0.1% për VMRO-DPMNE-në.

Sondazhi i Institutit për Politika Publike Arbën Xhaferi për matjen e opinionit publik shqiptar në Maqedoninë e Veriut

“Interesante është se në mesin e atyre që kanë thënë se do të votonin për BDI-në, një e treta prej tyre (31.7%) do të zgjidhnin të votonin për “Grupin e Zjarrit” në rast se ky fraksion do të kandidonte si i pavarur nga BDI-ja. Kjo do të ndikonte seriozisht në skenën politike shqiptare, duke ulur përqindjen e votave të BDI-së në 19.5%, ndërsa “Grupi i Zjarrit” do të renditej si forca e katërt politike me 9.3%”, qendron në sondazhin e relaizuar nga IPP “Arbën Xhaferi”.
Sondazhi është realizuar me 1,000 të anketuar të moshës 18 vjeç e lart ku pjesëmarrësit janë anketuar ndërmjet 15 dhe 21 marsit përmes intervistave telefonike. Hulumtimi është kryer duke përdorur metodologjinë e përzgjedhjes rastësore, duke siguruar një përfaqësim gjithëpërfshirës të popullatës shqiptare në Maqedoninë e Veriut, bazuar në karakteristikat demografike si gjinia, mosha, arsimi, si dhe njësia zgjedhore dhe komuna ku ata jetojnë. Margjina e gabimit është 3.1 pikë, me një nivel besimi 95 për qind.

Lajme

Taravari: Me anëtarësimin në NATO, Maqedonia e Veriut është bërë shtet i sigurt

Published

12 hours ago

27.03.2023

G.A

Kryetari i Aleancës për Shqiptarët Arben Taravari, thotë se me anëtarësimin në NATO, Maqedonia e Veriut është shtet i sigurt dhe larg çdo rreziku të sovranitetit dhe integritetit.
Në Facebook ai shkruan se RMV si anëtare e NATO-s jep kontributin e saj për çdo vend në të cilin duhet të sigurohet paqja botërore.
“Më 27 mars të vitit 2020, Republika e Maqedonisë së Veriut u bë anëtare më e re në NATO. Nga ky moment RMV, si pjesë e Aleancës më të fuqishme Veriatlantike, është shtet i sigurtë dhe larg çdo rreziku të sovranitetit dhe integritetit të vendit. RMV, si anëtare e NATO-s, jep kontributin e saj për çdo vend në të cilin duhet të sigurohet paqja botërore. Agresioni rus kundër Ukrainës duke rrezikuar sigurinë globale, edhe njëherë dëshmoi se duke qenë pjesë e NATO-s, qytetarët tanë dhe vendi janë të mbrojtur nga ana e aleancës së shteteve më të fuqishme në botë”.
“Aleanca për Shqiptarët kishte fatin që të kontribuojë në procesin e anëtarësimit të Maqedonisë së Veriut në NATO. ASh me dinamikë dhe seriozitet të njëjtë do të japë kontributin politik dhe programor në përshpejtimin e procesit të anëtarësimit në BE së bashku me sfidat e ndryshimeve kushtetuese që janë parakusht dhe objektiv parësor i anëtarësimit të vendit në BE”, ka shkruar Taravari me rastin e 3 vjetorit të anëtarësimit të RMV-së në NATO.

Lajme

Anëtarë te Besës nga Gostivari kalojnë në ASH

Published

2 days ago

25.03.2023

G.A

Katër anëtarë nga Lëvizja BESA nga Gostivari, sonte kanë kaluar në ASH. Kjo është dëshmuar përmes një fotografie të publikuar në rrjetet sociale ku ata shihen bashkë me kryetarin e ASH, Arben Taravari ku i shoqëron edhe kryetari i Degës së ASH-së në Gostivar, Gazmend Abdija.
Fotografia të cilën e ka publikuar Abdija mbanë shkrimin “Aleanca për Shqiptarët çdo ditë po forocohet”.
Ky kalim kalim i katërshes, e cila ka qenë në krye të BESËS në Gostivar, është festuar me një kafe të përbashkët.
Ndryshe, jo zyrtarisht ditëve në vazhdim pritet edhe anëtarë dhe simpatizantë të tjerë nga Lëvizja Besa në Gostivar të kalojnë në ASH.