Një tragjedi ka ndodhur në Kolumbi. Në stadiumin “El Espinal” të Tolimas shumë persona ishin mbledhur për të ndjekur përleshjet me demat.

Një pjesë e stadiumit u shemb, tifozët u përfshinë nga paniku dhe nxituan të zbrisnin në fushë. Bilanci? Katër të vdekur dhe shumë të plagosur, rreth 322, 30 nga të cilët në gjendje të rëndë.

Videoja e postuar nga presidenti i sapozgjedhur i Kolumbisë, Gustavo Petro, tregon një tribunë plot me spektatorë që shembet, ndërsa njerëzit vrapojnë të tmerruar.

Koha e Neymarit në Paris Saint-Germain po i vjen fundi sipas RMC Sport. Klubi francez ka marrë vendimin për të shitur brazilianin 30-vjeçar këtë verë dhe vetë lojtari ka pranuar vendimin e tyre dhe ka pranuar të largohet.

Neymar iu bashkua PSG-së nga Barcelona në verën e vitit 2017 për 222 milionë euro, por ai nuk ka arritur të shfaq asnjëherë atë që bëri te klubi katalunas.

Dhe tani ai është lojtari i tretë më i rëndësishëm në skuadër pas Kylian Mbappes dhe Lionel Messit. Nasser Al-Khelaifi ka folur ashpër edhe për paraqitjen e brazilianit vitin e kaluar.

Neymar nuk kishte planifikuar të largohej nga PSG-ja këtë verë – ai do të udhëheqë ekipin kombëtar brazilian në Kupën e Botës në Katar më vonë këtë vit dhe shpresonte të ruante qëndrueshmërinë dhe rregullsinë para asaj kohe.

Por, zhvillimet e fundit e kanë bërë atë të mendojë rreth të ardhmes. Chelsea, Manchester United dhe Newcastle United janë skuadrat që i duan shërbimet e tij dhe mund të përballojnë pagën e tij të majme. /Telegrafi/

Sipas raportimeve nga “Sky Sport UK”, një ofertë nga Chelsea do të vijë së shpejti në drejtim të Manchester City për Raheem Sterling.

Sulmuesi anësor anglez me shumë mundësi do të largohet nga drejtimi i Pep Guardiolës.

Sipas mediave angleze, Manchester City do ta lejonte të largohej vetëm për një shifër minimale prej 55 milionë euro./albeu.com