Connect with us

Lajme

Ceca në Shtip për 20 mijë euro!? Paraja publike shpenzohet për pikë të qejfit!

Published

on

Në kuadër të manifestimit tradicional “Pastermaliada” të organizuar nga Komuna e Shtipit, të shtunën performoi edhe pop ylli Svetllana Razhnjatoviq – CECA me një shumë prej 20 mijë euro.

Autoritetet nga Komuna e Shtipit thanë se në festivalin treditorë gjatë kësaj fundjave morën pjesë artistë nga vendi dhe rajoni, duke argëtuar mbi 70 mijë vizitorë nga i gjithë Ballkani.

Sipas tyre, Komuna ka ndarë një buxhet prej 2,5 milion denarë ose 40,650 euro, ndërsa mjetet tjera janë nga sponsorët. Nga Komuna e Shtipit thonë se në marrëveshjen me diven serbe CECA, ka një klauzolë të privatësisë që nuk lejon të tregoj detaje për çmimin se sa para janë ndarë nga fondi publik i komunës dhe sa të tjera janë ndarë nga sponsorët.

Por, një gjë është e qartë se CECA taksapaguesve të Komunës me shumë borxhe, u kushtoi plotë 20 mijë euro për një performancë 30 minutëshe./in7.tv

 

Continue Reading

Bota

Hovenier këndon himnin amerikan për nder të Ditës së Pavarësisë së SHBA-së (Video)

Published

on

Në oborrin e Ambasadës Amerikane në Kosovë po zhvillohet një manifestim në përkujtim të Ditës së Pavarësisë Amerikane.

Kryeparlamentari Glauk Konjufca dhe kryetarja Vjosa Osmani janë në mesin e disa personaliteteve publike.

Ambasadori amerikan në Kosovë, Jeffrey M. Hovenier, ka performuar edhe himnin kombëtar para të ftuarve për të intensifikuar edhe më shumë natyrën emocionale të kësaj ceremonie.

“I lumtur të pres partnerët dhe miqtë kosovarë këtë mbrëmje, ndërsa shënojmë përvjetorin e 246-të të Ditës së Pavarësisë. Faleminderit që festuat me ne” shkroi Hovenier në Twitter.

Continue Reading

Lajme

Propozimi francez, grup i qytetarëve proteston para Qeverisë

Published

on

Pasditen e sotme para godinës së Qeverisë një grup i qytetarëve po proteston kundër propozimit të ri francez.

Protestuesit me flamuj qëndrojnë para Qeverisë, ndërkaq kërkojnë dorëheqjen e ekzekutivit, ndërsa thonë se i njëjti është i dëmshëm për interesat shtetërorë.

Përndryshe, edhe VMRO-DPMNE-ja opozitare ka paralajmëruar protesta kundër këtij propozimi me arsyetimin se qeveria pronon bullgarizimin e vendit. /Telegrafi/

Continue Reading

Kosovë

Policia jep detaje për aksionin në veri, gjeti laborator për kultivimin e kanabisit

Published

on

Policia e Kosovës pas hetimeve paraprake, sot ka parashtruar kërkesë për urdhër-kontroll në organet e drejtësisë për kontrollin e një objekti pronë e të dyshuarit G.J., në Leshak të Leposavicit, pasi në objekt dyshohej se kultivohej bima e kanabisit.

Sipas Policisë, pas marrjes së këtij urdhri, sot rreth orës 10:10, gjatë realizimit të kontrollit të objektit, në dy kate të tij, janë gjetur pajisje për kultivimin e kanabisit me vlerë qindra-mijëra euro.

“Laboratori ishte i pajisur mirë dhe ishte në gjendje të gatshme për të filluar mbjellja e bimëve të kanabisit, pra aty mungonin vetëm bimët, pasi gjithçka tjetër ishte e gatshme. Në konsultim me prokuroren ka filluar sekuestrimi i pajisjeve që janë gjetur në atë ndërtesë.

I dyshuari gjendet në arrati, kurse policia do të vazhdojë me hetimin dhe kompletimin e rastit”, thuhet në njoftimin e policisë.

Continue Reading

Aktuale