Connect with us

Lajme

Shyrete Elezi: Reformat në kontrollin e brendshëm financiar publik po zbatohen intenzivisht

Published

on

„Zbatimi i reformave në fushat e përgjegjësisë menaxheriale, planifikimit strategjik dhe financiar, inspektimin financiar dhe cilësinë e sistemeve të kontrollit të brendshëm të sektorit publik është një sfidë serioze. Vendi ynë po zbaton intenzivisht reformat në këto fusha, me qëllim të përmirësimit të sistemeve të menaxhimit dhe kontrollit të fondeve publike “, tha zëvendësministrja e financave Shiret Elezi në përmbylljen zyrtare të Konferencës së pestë rajonale të Kontrollit të Brendshëm Financiar Publik të mbajtur në Shkup.

Në Konferencë u shkëmbyen përvoja në fushën e përgjegjësisë menaxheriale që do të ndihmojnë në arritjen e qëllimeve të sektorit publik dhe forcimin e besimit të qytetarëve në sektorin publik.

“Ministria e Financave ka bërë përpjekje të konsiderueshme vitet e fundit në fushat e menaxhimit financiar dhe kontrollit, kontrollit të brendshëm dhe inspektimit financiar dhe ka realizuar me sukses aktivitetet për krijimin e parakushteve për krijimin dhe zhvillimin e sistemit të kontrollit të brendshëm financiar”, tha zëvendësministrja Elezi.

Në këtë konferencë fjalim kishte edhe Rejmond Hill, drejtuesi i ekipit për kontrollin e brendshëm financiar publik në Drejtorinë e Përgjithshme të Komisionit Europian për Buxhet.

“Komisioni Europian promovon bashkëpunim të vazhdueshëm midis të gjitha vendeve në rajonin e Ballkanit Perëndimor. Kjo konferencë në Republikën e Maqedonisë Veriore ka qenë një sukses i madh dhe vendet kanë treguar përparim në përmirësimin e sistemeve të tyre të kontrollit të brendshëm. Komisioni Europian do të vazhdojë të sigurojë mbështetje teknike për zbatimin e mëtejshëm të reformave”, tha Hill.

Shkëmbimi i përvojave në fushën e kontrollit të brendshëm financiar publik ka një rëndësi të madhe duke pasur parasysh që krijimi i një sistemi efikas rrit efikasitetin e përdorimit të fondeve publike. Në të njëjtën kohë, funksionimi efektiv i sistemit të kontrollit të brendshëm publik është shumë i rëndësishëm për operimin e mbajtjes së amvisërisë, transparencë dhe punë të përgjegjshme.

Përndryshe, në mars të këtij viti, Qeveria e Republikës së Maqedonisë Veriore miratoi dokumentin “Politika e Kontrollit të Brendshëm Financiar të Sektorit Publik me Planin e Veprimit 2019-2021”. Ky është një dokument strategjik për zhvillimin e mëtutjeshëm të sistemit të kontrollit të brendshëm në sektorin publik në vendin tonë.

Sipas planit të veprimit të këtij dokumenti, disa nga aktivitetet e parashikuara në periudhën e kaluar tashmë janë realizuar, siç është përgatitja e Projektligjit për Kontrollin e Brendshëm Financiar Publik.

Continue Reading

Lajme

Luma për incidentin në Kuvend: Ky akt duhet dënuar

Published

on

By

Luma për incidentin në Kuvend: Ky akt duhet dënuar

VIDEO

Continue Reading

Lajme

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Published

on

By

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Continue Reading

Kosovë

Kurti: S’do të lejoj “republikë serbe të dytë” në Kosovë

Published

on

Kryeministri i Kosovës Albin Kurti ka deklaruar se nuk do të lejojë një ‘republikë të dytë serbe’ në Kosovë ngjashëm me atë në Bosnjë e Hercegovinën.

Kurti ka thënë se në Bosnjë e Hercegovinë kanë filluar duke i bashkuar komunat me shumicë serbe drejt krijimit të një entiteti autonom i cili saboton shtetin e BeH.

“Unë nuk jam kundër serbëve, por Serbia është kundër nesh dhe nuk mund të lejoj një republikë serbe të dytë në Kosovë ngjashëm siç e kanë në Bosnje sepse edhe atje kanë filluar duke i bashkuar komunat me shumicë serbe drejt krijimit të një entiteti autonom, i cili e saboton shtetin e Bosnje Hercegovinës”.

“Unë besoj se ngjashëm e kanë synimin edhe në Kosovë, pa harruar asnjëherë se krerët në Serbi janë ata që para pak viteve provuan ta bëjnë projektin e shkëmbimit territorial, i cili si ide nuk mund të them se ka vdekur, por si projekt gjithsesi dështoi. Pra, të njëjtët që provuan ndarjen e Kosovës në emër të shkëmbimit territorial, janë ata të cilët tashmë me shumë ngulm e kërkojnë asociacionin e komunave me shumicë serbe, që është i papranueshëm për ne. Prej marrëveshjeve që përmendët, besoj se kryesorja që kurrsesi nuk bën të zbatohet është kjo”, tha Kurti.

Kurti në Syri Tv ka deklaruar edhe njëherë se nuk e dëshiron nismën “Ballkani i Hapur” që mbështetet nga Edi Rama dhe Presidenti serb Vuçiç. Kurti theksoi se Serbia kërkon të destabilizojë Ballkanin.

“Nuk besoj që PS është Partia e Punës, mirëpo sa i përket disa iniciativave rajonale ne nuk pajtohemi. Unë besoj se Serbia do të destabilizojë Ballkanin, që nuk është neutrale, por ka marrë anën e Kremlinit. Nuk mund të jesh neutral mes zjarrfikësit dhe zjarrit. Ata i kanë 14 aviona MIG29. 8 i kanë marrë nga Bjellorusia dhe 6 nga Rusia dhe këtu nuk ka dilema”, tha Kurti.

Më tej kryeministri i Kosovës tha se “nisma e Ramës dhe Vuçiçit me ‘Ballkanin e Hapur’ do të dështojë sepse Ballkani nuk mund të hapet ndaj askujt tjetër, pasi është e hapur prej vitesh vetëm ndaj BE-së, SHBA-së dhe NATO-s”.

“Nuk e di plotësisht nëse plani është ta zëmë, ky Ballkani i Hapur si ide. Unë nuk mendoj se do të ketë sukses. Edhe mendoj se është i gabueshëm. Ballkani i Hapur nënkupton një synim që nuk na qenka i hapur, por duhet ta hapim, por ndaj kujt? Ne jemi të hapur ndaj BE-së dhe SHBA-së, dhe NATO-s. Por të hapet Ballkani ashtu siç është hapur Serbia për Federatën Ruse dhe Kinën, unë mendoj se është gabim”, deklaroi Kurti.

Ndër të tjera lidhur me këtë çështje, Kurti u shpreh se çdo gjë që nuk është e mirë për Kosovën, nuk është e mirë as për Shqipërinë.

“Çdo gjë që nuk është e mirë për Kosovën nuk është e mirë as për Shqipërinë , çka nuk është e mirë për Shqipërinë nuk është e mirë as për Kosovën. Ne jemi dy shtete por jemi një komb dhe duhet të rrisim bashkëpunimin dhe ndjeshmërinë për njëri-tjetrin. Në ‘Procesin e Berlinit’ udhëheq Gjermania, në ‘Ballkanin e Hapur’ udhëheq Serbia, unë besoj se procesi i Berlinit nën udhëheqjen e kancelarit Scholz është rruga e duhur drejt integrimit evropian. Nuk është shpejt por nuk ka rrugë më të mirë dhe mos harroni që Serbia dëshiron që faktorët perëndimorë të mos jenë në një vijë. Serbia dëshiron që as Gjermania të mos pajtohet me Francën dhe as Brukseli më Uashingtonin. Ndërkohë që interesi i shqiptarëve është raporti i mirë trans-atlantik, ne kemi interes sinkronizimin e dyfishtë, sinkronizimin Paris-Berlin dhe Bruksel-Uashington”, tha Kurti.

Continue Reading

Aktuale