Kryeministri Zoran Zaev mendon se grupet e punës nuk janë aq larg arritjes së marrëveshjes për ligjin për PP-në, sipas tij, duhet të bëhen më shumë përpjekje që “të kapërcejmë veten”, ndërsa për liderin e opozitës VMRO-DPMNE, Hristijan Mickoski për momentin palët negociuese kanë qëndrime shumë të ndryshme, të dy liderët janë të gatshëm për një takim liderësh, por pasi gruper e punës të japin sinjalin, transmeton in7.

Një takim i ri i grupeve të punës për ligjin e PP, sot nuk do të mbahet, konfirmojnë nga Ministria e Drejtësisë për MIA-n, edhe pse dje deputeti i VMRO-DPMNE-së, Antonio Milishoski ka thënë se është i mundur një takim i tillë të realizohet sot, një mundësi të tillë nuk e ka perjashtuar edhe kryeministri Zaev.

“Prisnim që takim të kishte dje. Ne ishim gati edhe për sot, vërejmë që qeveria nuk po nxiton për arsye ndoshta objektive ose subjektive. Na u tha që mund të kemi një mbledhje nesër. Nëse ata janë të gatshëm dhe të disponueshëm, ne nuk kemi asnjë problem”, ka thënë dje Miloshoski.

Kryeministri Zaev dje ka dhënë një mesazh se do të ulet me liderin e VMRO-DPMNE në lidhje me ligjin e PP, por pasi grupet e punës të japin sinjal, për të dhe drejtuesin e opozitës, se ka përparim. Ai mendon se nuk janë larg arritjes së marrëveshjes dhe apelon që të bëhen më shumë përpjekje në këtë drejtim.

“Unë besoj se mund të bëjmë përpjekje, nuk jemi vërtet larg, thjesht duhet të kapërcejmë veten, tani kushtet janë pjekur, pasi lëndët janë siguruar dhe kanë të ardhmen e tyre. Le t’i dërgojmë një mesazh partnerëve ndërkombëtarë të BE-së se ne me të vërtetë kemi rënë dakord me konsensus që të votojmë në Kuvend për gjithçka që lidhet me reformat e BE-së dhe për këtë ligj të PP. Unë qëndroj në dispozicion. Sapo grupet e punës më japin sinjalin për mua dhe për z. Mickovskin dhe ne do të ulemi për të rënë dakord për këtë ligj për Prokurorinë Publike”, ka thënë Zaev.

Ndërkaq, Mickoski në një intervistë për MIA, ka thënë se nga takimi i fundit i liderëve nuk ka pasur asnjë komunikim zyrtar, në nivelin e kryetarëve të partive, midis tij dhe kryetarit të LSDM-së dhe kryeministër, dhe se për momentin pozicionet e dy palëve negociuese janë shumë të ndryshme.

Sipas tij, pushtetit nuk i konvenon që të sillet një ligj i tillë dhe se LSDM dëshiron që ta frenojë të gjithë këtë proces.

“Pozicionet tona janë shumë të ndryshme për momentin. Pozicioni ynë është që proceset të jenë në përputhshmëri me ligjet dhe me Kushtetutën. Pozicioni i tyre është individual, njerëz që në të gjithë këtë proces i kanë shërbyer Zaevit, thotë ai, duke shtuar se ai pret që grupet e punës të takohen këto ditë.Sa i përket asaj se nëse ai do të takohet përsëri me Zaevin për këtë çështje, Mickoski thotë se një takim i tillë është i mundur nëse ekziston një përafrim i pozicioneve të të dy palëve.

Kanë kaluar rreth dhjetë ditë nga takimi i fundit i liderëve. Natën vonë në mes 10 dhe 11shtatorit, Zaev dhe Mickoski, në prani të grupeve punuese të të dyja palëve, tentuan që të gjejnë gjuhë të përbashkët për ligjin e ri për prokurorinë, por pas bisedimeve maratonike, që zgjatën pothaj se 6 orë, nuk arritën të merren vesh. Dallimi kryesor, ku edhe u thyen heshtat, ishte fati i lëndëve të PSP-së./in7.tv/