Connect with us

Lajme

Askush nuk guxon t’ju shqetësojë në vendin e punës, në të kundërtën ka sanksione dhe dënime

Published

on

Çdo lloj ngacmimi në vendin e punës si dhe abuzimi i të drejtave në vendin e punës është i ndaluar me ligj, shkruan in7.

Ngacmimi në vendin e punës mund të jetë në formën e ngacmimit psikologjik dhe seksual.

Si ngacmim psikologjik në vendin e punës, llogaritet çdo sjellje negative nga një individ ose grup që përsëritet, në vazhdimësi dhe në formë sistematike, e që shkel dinjitetin, integritetin, reputacionin dhe nderin e punonjësit dhe i shkakton atij një ndjenjë frike ose siklet, poshtërim, qëllimi i të cilit mund të jetë një shkelje e shëndetit fizik dhe mendor, duke kompromentuar të ardhmen profesionale të punonjësve, ndërprerjen e punësimit ose largimin nga puna.

Ndërsa ngacmimi seksual, në kuptimin e këtij akti, është çdo sjellje verbale, jo-verbale, apo fizike që ka natyrë seksuale, që synon ose përbën shkelje të dinjitetit të kandidatit për punësim ose të punësuarit, e cila shkakton ndjenjë frike ose siklet, apo poshtërim.

Kush mund të jetë kryesi i ngacmimit?

Si ekzekutorë të ngacimit në vendin e punës mund të jetë: një ose më shumë persona me sjellje negative, pavarësisht nga statusi i tyre – punëdhënësi në cilësinë e personit fizik, personi përgjegjës tek punëdhënës – person juridik, i punësuar ose grupi i punonjësve tek punëdhënës ose një palë e tretë me të cilin punonjësi apo punëdhënësi vjen në kontakt gjatë kryerjes së punës në vendin e punës.

Vendi ku ndodh ngacmimi

Si vend ku mund të kryhet ngacmimi psiqik apo seksual në vendin e punës cilsohet vendi/vendet ku kalon i punësuari dhe që i nënshtrohet ngacmimit gjatë largimit apo ardhes së tij në punë, vetëm nëse ngacmimi vjen nga i punësuar tek i njëjti punëdhënës, apo me punonjësin e punëdhënësit të njëjtë me të cilin udhëtoni bashkë.

Procedura e mbrojtjes

Punonjësi ose personi i angazhuar në një kontratë pune me një punëdhënës dhe i cili e konsideron veten të ngacmuar në vendin e punës duhet t’i drejtohet me shkrim personit të cilin ata e konsiderojnë ngacmues dhe ta këshillojë atë që sjellja e tij ose e saj është e papërshtatshme, e papranueshme dhe e padëshirueshme, me synimin për të zgjidhur situatën e diskutueshme, d.m.th., kërkohet një zgjidhje pa filluar procedurën për mbrojtje kundër ngacmimit në vendin e punës dhe për të paralajmëruar se do të kërkojë mbrojtje ligjore nëse sjellja e tillë nuk pushon menjëherë.

Para paraqitjes së padisë në gjykatën kompetente, punëmarrësi mund të paraqesë kërkesë me shkrim për mbrojtje kundër ngacmimit tek punëdhënësi.Kërkesa mund të paraqitet brenda gjashtë muajve nga koha e fundit kur ngacmimi në vendin e punës është kryer për herë të fundit. Punëdhënësi mund të vendosë një nga masat për mosrespektimin e rendit të punës dhe disiplinës, pra shkeljen e detyrimeve të punës, e nëse në afat prej gjashtë muajsh përsëri ai kryen ngacmim ose abuzim, punëdhënësi mund të anulojë kontratën e punës për ngacmuesin, ose të vendosë një masë të ndërprerjes së punës në përputhje me ligjin.

Mbrojtja ligjore

Nëse punonjësi nuk është i kënaqur me rezultatin e procedurës së mbrojtjes së ngacmimit, ai ose ajo mund të paraqesin padi në gjykatën kompetente. Në një proces gjyqësor, një punonjës që e gjen veten të ekspozuar ndaj ngacmimit në punë mund të kërkojë:

– konstatim se ai ose ajo ka pasur ngacmime në vendin e punës,
– ndalimi i sjelljes që paraqet ngacmim në punë, d.m.th. ndalimi i përsëritjes së ngacmimit në punë,
– ndërmarrjen e veprimeve për të eleminuar pasojat e ngacmimit në vendin e punës, dhe
– kompensimin e dëmit material dhe jomaterial të shkaktuar nga ngacmimet në vendin e punës.

Ndërkaq barra e provave se nuk ka patur sjellje specifike që paraqet ngacmim në vendin e punës i takon të pandehurit.

Sanksionet

Gjobë në vlerë prej 5,000 deri në 6,000 Euro në kundërvlerë në denarë do t’i shqiptohet punëdhënësit – personit juridik, nëse:

1) ngacmon në vendin e punës dhe abuzon me të drejtën e mbrojtjes nga ngacmimet në vendin e punës;
2) nuk merr masat e nevojshme parandaluese dhe të tjera për të mbrojtur punonjësin nga ngacmimet në vendin e punës;
3) nuk e informon punonjësin para punësimit dhe punonjësit që janë në punë në lidhje me ndalimin e ngacmimit në vendin e punës, detyrimet dhe përgjegjësitë në lidhje me kryerjen e ngacmimit në vendin e punës, mënyrën dhe mundësitë e mbrojtjes./in7.tv/

Continue Reading

Bota

Varfëria arrin nivelin më të lartë që nga viti 1990 në Gjermani

Published

on

Shkalla e varfërisë në Gjermani ka arritur nivelin më të lartë që nga ribashkimi i dy Gjermanive në vitin 1990, transmeton Anadolu Agency (AA).

Në “Raportin e varfërisë” të publikuar nga Ulrich Schneider, kreu i shoqatës bamirëse “Paritaetische Wohlfahrtsverband” thuhet se përqindja e të varfërve në vend, e cila ishte 16.2 për qind në 2020, u rrit në 16.6 për qind në 2021.

“Nuk ka pasur kurrë më parë një shkallë kaq të lartë varfërie në Gjermani”, thuhet në raport dhe se numri i të varfërve në Gjermani, me një popullsi prej rreth 83 milionë banorësh, është rritur me rreth 300 mijë krahasuar me vitin 2020 dhe ka arritur në 13.8 milionë në vitin 2021.

Në raport thuhet se shkalla e varfërisë ka qenë në rritje që nga viti 2006 dhe se shkalla e të varfërve në vend është rritur nga 14 për qind në 16.6 për qind ndërmjet viteve 2006 dhe 2021.

Theksohet se shkalla e varfërisë për fëmijët dhe të rinjtë arriti nivel rekord me 20.8 për qind ndërsa kjo normë ishte 17.4 për qind tek të moshuarit.

Në raport, ku theksohet se në dy vitet e fundit të pandemisë së COVID-19, veçanërisht ata që punonin në vetëpunësim ranë nën kufirin e varfërisë, thuhet se shkalla e varfërisë tek të vetëpunësuarit ishte 9 për qind në 2019 dhe u rrit në 13.1 për qind në 2021.

Kreu i “Paritaetische Wohlfahrtsverband”, Schneider tha se jo vetëm punëtorët e kontraktuar ose të vetëpunësuar ishin përgjegjës për rritjen e shkallës së varfërisë në vend. “Varfëria në Gjermani nuk ishte përhapur aq shpejt sa gjatë periudhës së pandemisë. Kjo rritje është e paprecedentë. Pandemia reduktoi edhe një herë tendencën ekzistuese të varfërisë në Gjermani dhe e rriti atë në masë më të madhe”.

Ai theksoi se shkalla e varfërisë për ata që rrisin vetëm fëmijët e tyre është mbi 40 për qind dhe mbi 30 për qind për familjet me shumë fëmijë.

Duke shpjeguar se ka dallime në shkallën e varfërisë ndërmjet shteteve, Schneider tha se shteti i Bavarisë ka shkallën më të ulët me 12.6 për qind ndërsa shteti i Bremenit me 28 për qind.

Sipas tij, shkalla e varfërisë është 16.3 për qind në shtetet perëndimore të vendit dhe 17.9 për qind në shtetet lindore të vendit. “Varfëria u rrit me shpejtësi gjatë viteve të pandemisë. Nuk ka pasur kurrë kaq shumë varfëri që nga ribashkimi i dy Gjermanive. Gjermania nuk ka qenë kurrë kaq e ndarë”, tha Schneider.

“Varfëria është thelluar me rritjen e kostove të jetesës që nga vjeshta e vitit 2021. Ndihma e dhënë nga shteti nuk mbron nga varfëria”, potencon Schneider.

Continue Reading

Lajme

Treni në Maqedoni përplas për vdekje dy emigrantë që flinin në hekurudhë

Published

on

Policia në Maqedoninë e Veriut njoftoi se dy emigrantë humbën jetën në jug të vendit, mëngjesin e të mërkurës herët të mërkurën kur një tren mallrash i goditi teksa flinin pranë shinave në errësirë.

Ngjarja ka ndodhur gjatë natës jashtë Miravcit, një fshat afër kufirit me Greqinë. Policia tha se dy emigrantët vdiqën menjëherë. Ata nuk dhanë asnjë informacion mbi identitetin apo kombësinë e viktimave.

Në njoftimin e Ministrisë së Punëve të Brendshme të Maqedonisë së Veriut thuhet se të mërkurën në ora 02:20 në Stacionin Policor të Gjevgjelisë është raportuar se në linjën hekurudhore, ndërmjet stacionit hekurudhor Miravci dhe stacionit hekurudhor të Klisurës, një tren mallrash i cili udhëtonte në linjën Stacioni Hekurudhor Gjevgjeli – Ngarkesa Trubarevë, ka goditur dy persona të cilët kanë qenë të shtrirë në hekurudhë. Organet kompetente po punojnë për identifikimin e trupave të pajetë.

Emigrantët shpesh përdorin shinat hekurudhore si udhërrëfyes ndërsa në mënyrë klandestine nisen drejt Evropës qendrore. Një aksident i ngjashëm vrau 14 emigrantë nga Afganistani dhe Somalia në vitin 2015-të.

Policia tha se ka kapur qindra emigrantë në muajt e fundit pasi e ashtuquajtura rrugë ballkanike, e cila kalon përmes Maqedonisë së Veriut, është bërë më aktive pas heqjes së kufizimeve të udhëtimit nga COVID-19.

Continue Reading

Bota

Stoltenberg: Marrëdhëniet me Rusinë në gjendjen më të keqe që nga Lufta e Ftohtë

Published

on

I pyetur nëse NATO po supozon se ne po hyjmë në një Luftë të dytë të Ftohtë, Stoltenberg thotë se NATO është përpjekur për marrëdhënie më të mira me Rusinë për dekada, përcjell Bota sot.

I pyetur nëse NATO po supozon se ne po hyjmë në një Luftë të dytë të Ftohtë, Stoltenberg thotë se NATO është përpjekur për marrëdhënie më të mira me Rusinë për dekada, përcjell Bota sot.

Ai thotë se Rusia u ftua të merrte pjesë në shumë aktivitete dhe u konsiderua një partner strategjik i NATO-s në vitin 2010, por “është Rusia ajo që u largua” nga përpjekjet për të ndërtuar partneritet.

Ai e ka bërë këtë me një model sjelljeje – duke përdorur forcën kundër Gjeorgjisë, duke aneksuar Krimenë dhe duke përdorur forcën në Donbas në Ukrainën lindore që nga viti 2014, thotë ai.

Marrëdhëniet e NATO-s me Rusinë janë në nivelin më të ulët që nga fundi i Luftës së Ftohtë, thotë ai, por nuk ka dyshim se përgjegjësia për këtë është nga Rusia.

Ai thotë se anëtarët e NATO-s dhe vendet e tjera me të njëjtin mendim dëshirojnë t’u drejtohen vendeve që “nuk janë po aq të mendimit”, por “ne nuk mund të jemi naivë” dhe ka nevojë të sigurohet se nuk ka rrezik për ndonjë veprim ushtarak kundër një vend i NATO-s.

Continue Reading

Aktuale