Connect with us

Lajme

VMRO-DPMNE kërkon zëvendësimin e Ruskovskës dhe në vend të saj të jetë një profesor

Published

on

Kjo prokuroru duhe të ngelë e njëjta, por me një prokuror të ri për krimin e organizuar dhe korrupsionin, i cili gjithashtu mund të jetë profesor, është përgjigja e VMRO-DPMNE-së ndaj propozimit të ekipit qeveritar për ligjin e prokurorisë publike, njofton in7.

Opozita vlerëson se duhet të ndrohet prokurorja Vila Ruskoska dhe ka ofruar katër skenare për zgjdhjen e një prokurori të ri dhe në të gjitha këto ofertat, VMRO-DPMNE ka fjalën e fundit për zgjedhjet.

Deputeti Antonio Milososki, i cili është pjesë e ekipit negociator, dje ka thënë se modeli standard aktual duhet të ngelet si i tillë, i pandarë. Sipas tij, marrja e kompetencave nga PSP e deritanishme është OK, dhe nëse do të sillet ligji i ri për prokurorinë, ky ligj duhet të përmbajë edhe metodologji për zgjedhjen e një prokurori të ri për ndjekje të krimit të organizuar dhe korrupcionit, ku opozita, Kuvendi dhe Komisioni për Zgjedhje dhe Emërime duhet të kenë një rol kyç.

“Në lidhje me vetë zgjedhjen, ne propozojmë një metodologji që do të sigurojë që qeveria të mos ketë fjalën e fundit dhe të zgjedhë një prokuror të kualifikuar nga qeveria, siç është rasti me zonjën Ruskovska, por opozita të propozojë një person nga ata që kanë konkuruar për këtë prokurori, nëse ky propozim nuk kalon atëherë të përsëritet e gjithë procedura edhe një herë, nëse teoritikisht edhe ai propozim nuk kalon atëherë opozita dhe shumica qeverisëse kanë mundësi që të propozojnë një personalitet të përbashkët deri tek Këshilli i Prokurorëve Publikë, por nëse edhe ky nuk kalon, atëherë opozita të ketë të drejtë që të propozojë tre kandidatë deri tek Këshilli i Prokurorëve Publikë, i cili do të vendosë në përputhje me standardet e ligjit dhe të zgjedhë prokurorin”, ka thënë Miloshoski.

Opozita beson se për zgjedhjen e prokurorit, përveç përgatitjeve profesionale, një prokuror për këtë prokurori mundet të nominohet edhe nga sfera akademike, që ka përvojë të përshtatshme në të drejtën penale, përkatësisht mund të jetë edhe profesor universitar.

Kryeministri Zoran Zaev dje ka thënë se nuk ishte i njohur me këtë propozimin, por theksoi se çdo propozim vlen për vëmendje, dhe se nuk duhet të lejohen situata kur politikanët dhe partitë të ndryshojnë prokurorët kur t’u kujtohet dhe bien dakord për diçka që është papranueshme.

“Ne nuk duhet të lejojmë – liderët, partitë të ulën kur t’ju kujtohe për të ndryshuar prokurorë. Vilma Ruskovska ka një mandat katër vjeçar, deri më tani është për dhjetë muaj si prokurore. Vilma Ruskovska udhëheq shumë raste, përfshirë atë dhe prokurorinë që udhëheq ajo. Njëra është ngjarjet e 27 Prillit dhe shumë të tjera dhe kjo është një arsye tjetër për të mos lejuar disa veprime që pengojnë këtë proces, kjo do të thotë gjyqësi e pavarur”, ka thënë Zaev.

Lidhur me një takim të ri të mundshën lidersh, Kryeministri Zaev ka thënë se ata do të presin sinjal nga grupet e punës dhe pastaj së bashku me ta, si udhëheqës të dy partive më të mëdha, apo vetëm të grupet e punës do të duhet që të zgjidhet kjo çështje e cila, sipas tij, është e rëndësishme për të siguruar vazhdimësinë e rasteve dhe se kjo është pritja minimale nga qytetarët dhe Bashkimi Evropian.

Continue Reading

Bota

Hovenier këndon himnin amerikan për nder të Ditës së Pavarësisë së SHBA-së (Video)

Published

on

Në oborrin e Ambasadës Amerikane në Kosovë po zhvillohet një manifestim në përkujtim të Ditës së Pavarësisë Amerikane.

Kryeparlamentari Glauk Konjufca dhe kryetarja Vjosa Osmani janë në mesin e disa personaliteteve publike.

Ambasadori amerikan në Kosovë, Jeffrey M. Hovenier, ka performuar edhe himnin kombëtar para të ftuarve për të intensifikuar edhe më shumë natyrën emocionale të kësaj ceremonie.

“I lumtur të pres partnerët dhe miqtë kosovarë këtë mbrëmje, ndërsa shënojmë përvjetorin e 246-të të Ditës së Pavarësisë. Faleminderit që festuat me ne” shkroi Hovenier në Twitter.

Continue Reading

Lajme

Propozimi francez, grup i qytetarëve proteston para Qeverisë

Published

on

Pasditen e sotme para godinës së Qeverisë një grup i qytetarëve po proteston kundër propozimit të ri francez.

Protestuesit me flamuj qëndrojnë para Qeverisë, ndërkaq kërkojnë dorëheqjen e ekzekutivit, ndërsa thonë se i njëjti është i dëmshëm për interesat shtetërorë.

Përndryshe, edhe VMRO-DPMNE-ja opozitare ka paralajmëruar protesta kundër këtij propozimi me arsyetimin se qeveria pronon bullgarizimin e vendit. /Telegrafi/

Continue Reading

Kosovë

Policia jep detaje për aksionin në veri, gjeti laborator për kultivimin e kanabisit

Published

on

Policia e Kosovës pas hetimeve paraprake, sot ka parashtruar kërkesë për urdhër-kontroll në organet e drejtësisë për kontrollin e një objekti pronë e të dyshuarit G.J., në Leshak të Leposavicit, pasi në objekt dyshohej se kultivohej bima e kanabisit.

Sipas Policisë, pas marrjes së këtij urdhri, sot rreth orës 10:10, gjatë realizimit të kontrollit të objektit, në dy kate të tij, janë gjetur pajisje për kultivimin e kanabisit me vlerë qindra-mijëra euro.

“Laboratori ishte i pajisur mirë dhe ishte në gjendje të gatshme për të filluar mbjellja e bimëve të kanabisit, pra aty mungonin vetëm bimët, pasi gjithçka tjetër ishte e gatshme. Në konsultim me prokuroren ka filluar sekuestrimi i pajisjeve që janë gjetur në atë ndërtesë.

I dyshuari gjendet në arrati, kurse policia do të vazhdojë me hetimin dhe kompletimin e rastit”, thuhet në njoftimin e policisë.

Continue Reading

Aktuale