Connect with us

Lajme

Tusk/Maqedonia e Veriut kreu detyrimet e saj, tani rradhën e ka BE

Published

3 years ago

on

Presidenti i Këshillit Evropian, Donald Tusk sot ka qëndruar për vizitë në Republikën e Maqedonisë së Veriut. Ai ka realizuar takime me kreun e shtetit dhe me Kryeministrin e vendit.

Në konferencën e përbashkët për shtyp me kreun e Qeverisë Zoran Zaev ai ka thënë se Maqedonia e Veriut ka kryer detyrimi e saj kurse tani në rradhë është BE-ja ajo që duhet të bëjë pjesën e saj dhe të japë një datë për fillimin e negociatave.

“Maqedonia e Veriut i ka tejkaluar të gjitha pengesat për integrimet euroatlantike. Unë i kam shprehur qëndrimet e mia në korrik, vendi i juaj ka bërë gjithçka që pritej nga ju për të filluar bisedimet për anëtarësim në BE. Dua të jetë e qartë se nuk ekziston dyshim në Bruksel për përkushtimin duaj për sundimin e së drejtës. Gjithashtu e dimë se qeveria juaj është e vendosur për vazhdimin e punës së Prokurorisë Speciale. Nuk kam dyshime se Maqedonia e Veriut ka cilësi dhe kjo duhet të vlerësohet. Shkupi është vendi më i mirë, prej ku mund t’i ftoj liderët e BE-së për ta bërë punën e tyre, pasi Maqedonia e Veriut e ka bërë punën e saj”, tha mes tjerash Tusk.

Vizita e Tusk në Shkup është përpara vendimit të pritshëm për të marrë një datë për fillimin e bisedimeve të pranimit në BE në tetor.

Mandati i presidentit aktual të Këshillit Evropian skadon më 1 dhjetor, kurse në vendin e tij do të vijë kryeministri belg, Charles Michel.

https://www.facebook.com/in7.tv/videos/480971845820359/

Related Topics:
Continue Reading

Bota

Hovenier këndon himnin amerikan për nder të Ditës së Pavarësisë së SHBA-së (Video)

Published

7 hours ago

on

01.07.2022

By

Në oborrin e Ambasadës Amerikane në Kosovë po zhvillohet një manifestim në përkujtim të Ditës së Pavarësisë Amerikane.

Kryeparlamentari Glauk Konjufca dhe kryetarja Vjosa Osmani janë në mesin e disa personaliteteve publike.

Ambasadori amerikan në Kosovë, Jeffrey M. Hovenier, ka performuar edhe himnin kombëtar para të ftuarve për të intensifikuar edhe më shumë natyrën emocionale të kësaj ceremonie.

“I lumtur të pres partnerët dhe miqtë kosovarë këtë mbrëmje, ndërsa shënojmë përvjetorin e 246-të të Ditës së Pavarësisë. Faleminderit që festuat me ne” shkroi Hovenier në Twitter.

Continue Reading

Lajme

Propozimi francez, grup i qytetarëve proteston para Qeverisë

Published

8 hours ago

on

01.07.2022

By

Pasditen e sotme para godinës së Qeverisë një grup i qytetarëve po proteston kundër propozimit të ri francez.

Protestuesit me flamuj qëndrojnë para Qeverisë, ndërkaq kërkojnë dorëheqjen e ekzekutivit, ndërsa thonë se i njëjti është i dëmshëm për interesat shtetërorë.

Përndryshe, edhe VMRO-DPMNE-ja opozitare ka paralajmëruar protesta kundër këtij propozimi me arsyetimin se qeveria pronon bullgarizimin e vendit. /Telegrafi/

Continue Reading

Kosovë

Policia jep detaje për aksionin në veri, gjeti laborator për kultivimin e kanabisit

Published

8 hours ago

on

01.07.2022

By

Policia e Kosovës pas hetimeve paraprake, sot ka parashtruar kërkesë për urdhër-kontroll në organet e drejtësisë për kontrollin e një objekti pronë e të dyshuarit G.J., në Leshak të Leposavicit, pasi në objekt dyshohej se kultivohej bima e kanabisit.

Sipas Policisë, pas marrjes së këtij urdhri, sot rreth orës 10:10, gjatë realizimit të kontrollit të objektit, në dy kate të tij, janë gjetur pajisje për kultivimin e kanabisit me vlerë qindra-mijëra euro.

“Laboratori ishte i pajisur mirë dhe ishte në gjendje të gatshme për të filluar mbjellja e bimëve të kanabisit, pra aty mungonin vetëm bimët, pasi gjithçka tjetër ishte e gatshme. Në konsultim me prokuroren ka filluar sekuestrimi i pajisjeve që janë gjetur në atë ndërtesë.

I dyshuari gjendet në arrati, kurse policia do të vazhdojë me hetimin dhe kompletimin e rastit”, thuhet në njoftimin e policisë.

Continue Reading

Aktuale