Connect with us

Lajme

Greqia s’do bëjë ndarje mes Maqedonisë së Veriut dhe Shqipërisë për marrjen e datës për bisedime me BE-në

Published

on

Qeveria greke do të ketë të njëjtin qëndrim për celjen e negociatave si për Shqipërinë ashtu edhe për Maqedoninë e Veriut në samitit e 18 tetor.

Kështu pohoi përfaqësuesi i qeverisë Stelios Pecas.

“Pas diskutimeve me Bashkimin Europian qendrimi ynë është i qartë: nuk ka ndarje për perspektivën europiane mes Shqipërisë dhe Maqedonisë e Veriut. Nuk do të hapet asnjë kapitull negociatash për Maqedoninë e Veriut me Bashkimin Europian nëse nuk respektohen interesat e Greqisë. Sic e dini pritet një procedurë për vendet e Ballkanit Perëndimor dhe do të shohim si do të shkojë në vijimësi”, ka thënë Stelior Petsas, përfaqësues i Qeverisë Greke”, ka thënë Stelior Petsas, përfaqësues i Qeverisë Greke.

Gjithashtu përfaqësuesi i qeverisë së Kiriakos Micotaqis nënvizoi se marrëveshja e Prespës nuk ka kthim pas.

“Qendrimi yne per marreveshjen e Prespes nuk ka ndryshuar, ne beme maksimumin tone. Te mos nenshkruhej më pas të mos miratohej. Ajo cka mund të bëjmë tani pas miratimit të saj, është të mos lejojmë të ketë pasoja negative për Greqinë, kryesisht për produktet maqedonase”, ka thënë Stelior Petsas, përfaqësues i Qeverisë Greke.

Athina zyrtare bëri të ditur se në Nju Jork gjatë punimeve të asamblesë së përgjithshme të okb, kryeministri grek Kiriakos Micotakis do të takohet me presidenti amerikan Donald Trump më 24 shtator si dhe me atë turk Taip Erdogan.

Gjithashtu pritet zbardhja e axhendës për takimet me kryeministrin shqiptar Edi Rama dhe atë maqedonas Zoran Zaev.

Continue Reading

Bota

Pritet rritja e prodhimit të naftës

Published

on

By

Pritet rritja e prodhimit të naftës

Një studim i përkrahur nga Kombet e Bashkuara ka thënë se bota duhet të zvogëlojë më shumë se gjysmën e prodhimit të thëngjillit, naftës dhe gazit në dekadën e ardhshme, në mënyrë që ngrohja globale të mos arrijë në nivele të rrezikshme.

Programi i Kombeve të Bashkuara për Ambient, ka thënë se në raportin e publikuar më 20 tetor se shtetet janë duke planifikuar që të shpojnë apo gërmojnë më shumë se gjysmën e sasisë së thëngjillit, naftës dhe gazit, në përputhje me kufizimin e ngrohjes globale në 1.5 gradë Celsius deri në fund të shekullit.

Vetëm 10 ditë para se të mbahet Samiti për Klimën në Glasgou të Skocisë, i cili po konsiderohet kyç për të jetësuar synimet për temperaturën, të arritura në Marrëveshjen e Parisit për Klimën, studimi ka gjetur se prodhimi i thëngjillit do të ulet, mirëpo prodhimi i gazit do të rritet më së shumti në 20 vjetët e ardhshëm, në nivele që nuk janë në përputhje me synimet për temperaturën, për të cilat është arritur pajtueshmëri në Paris.

“Hulumtimi është i qartë: prodhimi global i thëngjillit, naftës dhe gazit duhet të zvogëlohet menjëherë në mënyrë që të jetë në përputhje me kufizim të ngrohjes globale në 1.5 gradë Celsius”, ka thënë Ploy Achakulwisut, autore e raportit nga Instituti i Stohholmit për Ambient.

“Megjithatë, qeveritë vazhdojnë të planifikojnë dhe të mbështesin prodhimin e naftës së papërpunuar, të cilat janë shumë më të mëdha sesa ne mund të djegim”, ka thënë ajo.

Në muajin gusht, një panel i OKB-së për ndryshimet klimatike, ka paralajmëruar se temperatura mesatare globale, do të mund të kalojë 1.5. gradë Celsius brenda 20 vjetëve, përveç nëse nuk merren masa të menjëhershme, të shpejta dhe të shkallës së gjerë, për të zvogëluar emetimet e gazrave serrë.

Vlerësimet preliminare sugjerojnë se prodhimi global i naftës së papërpunuar ka mundur të zvogëlohet për 7 për qind më 2020, kryesisht për shkak të pandemisë së koronavirusit dhe masave kufizuese.

Mirëpo, sipas një raportit të ri, shtetet planifikojnë të prodhojnë 110 për qind më shumë naftë më 2030, sesa është paraprarë për të mos rritur temperaturën mbi 1.5 gradë, dhe 45 për qind më shumë sesa që duhet, për të mos rritur temperaturën në 2 gradë Celsius.

Në raport përmenden 15 prodhues të mëdhenj përfshirë Rusinë, Australinë, Arabinë Saudite, Shtetet e Bashkuara dhe Mbretërinë e Bashkuar.

Rusia vitin e kaluar ka miratuar strategjinë e re për energji deri më 2035.

Sipas skenarit “optimist” të strategjisë, prodhimi i gazit dhe thëngjillit do të rritet për 38 për qind dhe 52 për qind, respektivisht, nga 2018 deri më 2035, dhe 18 për qind dhe 10 për qind, respektivisht, sipas një skenari “pesimist”.

Për dallim nga gazi dhe thëngjilli, strategjia parasheh rënie të prodhimit të naftës.

Continue Reading

Lajme

Tërmeti dridh rajonin e Ohrit

Published

on

By

Tërmeti dridh rajonin e Ohrit

Mëngjesin e sotëm, respektivisht në ora 03:26, në rajonin e Ohrit është regjistruar tërmet me intensitet prej 3,1 shkallëve sipas Rihterit, përcjell Alsat. Epiqendra e tërmetit ka qenë dy kilometra larg Ohrit, respektivisht në Elbasan të Shqipërisë.

Continue Reading

Bota

Shpërthen vullkani Aso

Published

on

By

Shpërthen vullkani Aso

Në jugperëndim të Japonisë ndodhi një shpërthim në vullkanin Aso në prefekturën Kumamoto.

Sipas Agjencisë Meteorologjike Japoneze (JMA), vullkani shpërtheu në orën 11:43 sipas kohës lokale me kohën lokale në kraterin “Nakadake” 1 të vullkanit.

Vullkani hodhi hirin në një lartësi prej 3.5 kilometrash. Gjithashtu thuhet se niveli i paralajmërimit të aktivitetit vullkanik JMA është ngritur në nivelin 3, i cili është një rekomandim për “publikun të mos i afrohet vullkanit”.

Aso njihet si vullkani më i madh aktiv në vend i cili ndodhet në Kumamoto, në rajonin jugperëndimor Kyushu.

Continue Reading

Aktuale