Connect with us

Kosovë

Kosovë, partitë politike me gjuhë të ashpër para fushatës

Published

on

Kanë mbetur edhe nëntë ditë deri në fillimin zyrtar të fushatës zgjedhore për zgjedhjet parlamentare të gjashtë tetorit në Kosovë, por partitë politike tashmë ka kohë qëkanë filluar takimet me qytetarë e paraqitjet nëpër debate, në atë që po vlerësohet si “parafushatë” nga organizatat e shoqërisë civile.

Mexhide Demolli Nimani drejtoreshë e Lëvizjes FOL, i tha Zërit të Amerikës se një gjë e tillë ndodhë për shkak të mungesës së ligjeve që e rregullojnë situatën para fushatës zgjedhore në Kosovë.

“Të gjitha partitë politike mund të themi se që nga shpërbërja e kuvendit e madje ndoshta edhe që nga dorëheqja e kryeministrit kanë filluar fushatat e tyre ndërkaq derisa mungon një ligj i cili do të ishte më konkret në disa ndalesa që mund të bëhen edhe partitë ndoshta nuk do të fillonin kaq herët fushatën dhe do të prisnin afatin zyrtar”, thotë ajo.

Blerta Aliu nga koalicioni i organizatave jo qeveritare Demokracia në Veprim thotë shqetësuese është gjuha e partive politike ende pa filluar fushata.

“E kemi parë me shumë shqetësim një gjë të tillë dhe ju kemi bërë thirrje të gjithë kandidatëve të tregohen të përmbajtur e profesionistë dhe të ndajnë vlera e të respektojnë njëri-tjetrin gjatë debateve të tyre dhe asesi të mos lëshohen në përdorim të gjuhës jo adekuate duke kaluar në ofendime apo të eskalojnë në dhunë, gjë që është e pa arsyetueshme dhe dënon vlerat e demokracisë, të procesit zgjedhor dhe njëkohësisht rrezikon që të nxisë përleshje pastaj edhe te qytetarët”, thotë ajo.

Një gjuhë e tillë, thotë zonja Demolli – Nimani, është pasqyrim i mungesës së programeve të mirëfillta për qeverisje.

“Ajo që kemi parë deri tani është se të gjitha partitë pa dallim nuk janë duke kursyer mjet as gjuhë për ta mundur ta quaj kështu kundërshtarin e tyre. Mund të them se mund të jetë mungesa e një programi adekuat që do të duhej t’ua ofronin votuesve bën që partitë politike të mundohen të jenë në vëmendje të qytetarëve me akuza të ndërsjella ndaj njëri-tjetrit”, thotë zonja Demolli – Nimani.

Fushata zyrtare do të hapet më 25 shtator dhe do të përfundojë më 4 tetor, dy ditë para zgjedhjeve të 6 tetorit, shpallja e të cilave pasoi situatën e krijuar pas dorëheqjes së kryeministrit Ramush Haradinaj, i cili u thirr për t’u marrë në pyetje në Prokurorinë e Posaçme në Hagë e cila trajton pretendimet për krime lufte dhe të pasluftës në Kosovë./VOA

Continue Reading

Kosovë

Gorani e quan “sadaka” vendimin e Kurtit për dhënien e 100 eurove

Published

on

Opinionisti Dukagjin Gorani e ka quajtur ‘sadaka’ vendimin e fundit të qeverisë së Kosovës për ndarjen e 100 eurove më shumë për muajin nëntor për pensionistët.

Komentet Gorani i bëri në emisionin Pressing në T7.

“Veprimi i fundit i qeverisë me këtë ‘sadakanë’ me këtë shpërndarjen formale të njëfarë ndihme. Kjo nuk dallon shumë prej qeverive se si kanë bërë qeveritë e mëhershme. Për këtë arsye nuk kemi nevojë me sulmu, për faktin se është duke u sjellë ngjashëm si qeveritë e tjera që i kemi pas më herët në kohëra kritike për të”, thotë Gorani.

“Manipulimi me ndihma financiare dhe rritje të rrogave që ka qenë gati njëfarë shenje dalluese e qeverisë Thaçi. Ka qenë një normë, që sado që mund të quhet e pavend, qeveritë bëjnë kësi gjëra”, shtoi ai.

“Vetëvendosjen e ka sjell në pushtet tregimi se do të jesh e ndryshme se për që qeveria e sotme e pranon që edhe ne duhet me i përdor mjetet që i kanë përdorur qeveritë tjerë meqenëse janë mjete të lejueshme, atëherë kerkush prej nesh s’kish pas problem”, shpjegon ai.

Continue Reading

Kosovë

ZRrE vendos të mos ketë sivjet shtrenjtim të rrymës

Published

on

Zyra e Rregullatorit të Energjisë (ZRrE) ka marrë vendim që të mos ketë sivjet rritje të çmimit të energjisë elektrike.

Sipas vendimit të Bordit të ZRRE-së, çmimet e energjisë do të jenë ato të vitit të kaluar deri në prill të vitit të ardhshëm, më 2022.

“Në këtë seancë janë aprovuar tarifat e energjisë elektrike për vitin tarifor 2021, për Operatorin e Sistemit të Transmetimit dhe Tregut (KOSTT); Operatorin e Sistemit të Shpërndarjes (KEDS) dhe për Furnizuesin me Shërbim Universal (KESCO). Tarifat me pakicë të energjisë elektrike për konsumatorët me Shërbime Universale të Furnizimit do të mbesin të njëjta si vitin e kaluar”, thuhet në komunikatën e Zyrës së Rregullatorit të Energjisë.

Bordi po ashtu ka shqyrtuar edhe disa ankesa të konsumatorëve si dhe çështje të tjera të ndërlidhura me rregullimin e sektorit dhe funksionimin e Zyrës së Rregullatorit.

Continue Reading

Kosovë

Tërmet në Kosovë

Published

on

Sonte rreth orës 19:00 ka ndodhur një tërmet në Kosovë.

Sipas Rrjetit Sizmologjik-Shërbimi Gjeologjik i Kosovës, Epiqendra ishte 6 km Veri-Perëndim të Shtimes, magnituda 2.5.

Sipas raportimeve tërmeti është ndjerë kryesisht në pjesën jugore të Kosovës dhe në Suharekë. /Kp/

Continue Reading

Aktuale