Connect with us

Lajme

ASH merr edhe Këshillin komunal në Gostivar

Published

on

Në seancën e sotme të Këshillit të Komunës së Gostivarit ka pasur përmbysje të shumicës së këshillit komunal, pasi Kryetari i këshillit, Nasir Musliu i BDI, ka dhënë dorëheqje që në fillim të seancës,Këtë post tani e tutje do ta mbajë Besim Memedi, përcjell in7.

Pas zgjedhjeve, Memedi falënderoi për besimin që iu dha, duke shtuar se tani e tutje ai pret mbështetje nga të gjithë këshilltarët.

Arsyet e dorëheqjes, sipas Musliut, ishin presionet nga kreu i Komunës së Gostivarit, Arben Taravari.

“Përmes sekretarit komunal më informoi se ka formuar shumicën në këshill dhe normal kërkoi nga unë që të dorëhiqem. Po paraqitja e kryetarit të komunës në panik dhe duke mos i qenë i sigurt se i ka shumicën e votave paraqiti një dhunë që nivelit të atij nuk i takon nga posti që ka si kryetar komune. Në momentin që hyri në sallë filloi me fjalët “tërhiqu e kam shumicën përse nuk tërhiqesh, ndërsa unë prisja që ai të vjen në sallë dhe të paraqesë dorëheqjen dhe të vjen kreu i ri i këshillit”, ka thënë për Alsat-M, Nasir Musliu, kryetari në dorëheqje i Këshillit Komunal të Gostivarit.

Kreu i komunës së Gostivarit Arben Taravari ka hedhur poshtë akuzat e Musliut. Sipas tij, krijimi i shumicës së re në Këshill me kalimin e njërit nga këshilltarët e koalicionit të VMRO-së në koalicionin e udhëhequr nga Aleanca për Shqiptarët ka determinuar dorëheqjen e Musliut.

“Unë ia kam thënë para më se një muaj se kemi shumicë të re, kemi 16-tëshe dhe ai vet më ka thënë se kur të keni 16 unë me gjithë qejf do dorëzoj mandatin tim dhe sot kishte 16 por ai e prolongonte punën që të tensionohet situata që nuk e deshëm krejt. Andaj dhe e luta që së paku pas dy vitesh dil dhe jep dorëheqje se kemi përbërje të re, sepse gjitha institucionet që janë në bashkëveprim me komunën i kishin të bllokuara shkaku i këshillit komunal” ka thënë Arben Taravari, kryetar i komunës së Gostivarit.

Me ndryshimet e fundit në Këshillin e Komunës së Gostivarit, partnerët BDI dhe LSDM kanë 15 këshilltarë ndërsa koalicioni Aleanca për Shqiptarët- VMRO 16 këshilltarë.

Continue Reading

Kosovë

Escobar: Njohja reciproke do të ishte ideale për normalizim të marrëdhënieve Kosovë-Serbi

Published

on

Zëvendësndihmës-Sekretari amerikan i Shtetit për Evropën dhe Euroazinë, njëherësh i dërguari për Ballkanin Perëndimor, Gabriel Escobar ka thënë të enjten se administata e presidentit amerikan, Joe Biden ka dyfishuar përkushtimin amerikan për të punuar me aleatë dhe partnerë që Ballkani Perëndimor të avancojë në rrugën evropiane.

Në një dëshmi para Nën-Komitetit të Dhomës së Përfaqësuesve për Evropë, Energji dhe Ambient, ai ka thënë se autoritetet amerikane janë duke punuar me partnerë të Bashkimit Evropian për të përforcuar mesazhin se anëtarësimi mbetet mundësi brenda afateve realiste kohore, më pas shtysë për kryerjen e reformave, si dhe për forcim të rezistencës ndaj ndikimit rus dhe kinez në prag të Evropës.

“Mesazhi më i fuqishëm që mund të japë tani BE-ja është që të caktojë nisjen e bisedimeve për anëtarësim me Maqedoninë e Veriut dhe Shqipërinë, para fundit të këtij viti”, ka deklaruar Escobar.

Sipas tij, vonesat në këtë drejtim mund të nxisin dyshime dhe rrezikojnë të shkatërrojnë shpresat e një brezi të ri për të ardhmen evropiane.

Për këtë arsye, ai ka thënë se Sekretari amerikan i Shtetit, Antony Blinken dhe Përfaqësuesi i Lartë i BE-së për Politikë të Jashtme dhe Siguri, Josep Borrell, kanë dalë me komunikatë të përbashkët,më herët gjatë këtij muaji, për të theksuar se anëtarësimi në bllokun evropian është rruga e vetme përpara për rajonin.

Gjatë dëshmisë së tij, ai ka përmendur edhe rëndësinë e vazhdimit të dialogut mes Kosovës dhe Serbisë, që ndërmjetësohet nga BE-ja.

Escobar ka thënë se për këtë arsye ka udhëtuar në Bruksel muajin e kaluar për të përkrahur përpjekjet e Përfaqësuesit Special të BE-së për dialog, Mirosllav Lajçak, që të shtyjë të dyja palët për të shtensionuar situatën për shkak të targave të makinave dhe për të gjetur zgjidhje.

Escobar i është referuar marrëveshjes së arritur mes Kosovës dhe Serbisë më 30 shtator, sipas së cilës, makinat e regjistruara në Kosovë dhe në Serbi duhet të vendosin letra ngjitëse mbi simbolet shtetërore në targat e makinave kur të kalojnë në territorin e njëra-tjetrës.

“Së bashku e kemi bërë të qartë se dialogu është forum në të cilin të dyja palët, si të barabarta, duhet të punojnë për të zgjidhur dallimet e tyre dhe për të normalizuar marrëdhëniet, në mënyrë ideale përmes një njohjeje reciproke”./Rel/

Continue Reading

Lajme

Taravari prezanton shumicën e re në Këshillin Komunal

Published

on

Sot në komunën e Gostivarit u formua këshilli komunal, ky keshill komunal ka 31 anetar. ASH ka arritur tē siguroj shumicen me partite tjera dhe kanë 19 keshilltar, informon portali tetova1.

Arben Taravari në rrjetin e tij social facebook shkruan:

Shumicë e re në komunën e Gostivarit 19/31

Continue Reading

Lajme

436 raste të reja dhe 7 viktima nga COVID-19 në 24 orët e fundit

Published

on

Gjatë 24 orëve të fundit sipas njoftimit të Ministrisë së Shëndetësisë janë regjistruar 436 raste të reja të të infektuarve me Kovid-19.

Numri më i madh i të infektuarve është regjistruar në Shkup, 203, Manastir-23, Veles-21, Kumanovë dhe Kavadar nga 22, e kështu me radhë.

Ndërkohë nga Instituti i Shëndetit Publik (ISHP) njoftojnë për 497 pacientë të shëruar dhe 7 të tjerë të cilët e kanë humbur betejën me koronavirusin

Continue Reading

Aktuale