Connect with us

Lajme

Nesër vendoset për fatin e Fetait, Ristoskës dhe prokurorëve tjerë të Speciales

Published

on

Pasiguria në Prokurorinë Speciale Publike edhe më tej vazhdon. Pas katër vitesh të kaluara në PSP, prokurorët specialë me siguri të hënën do ta mësojnë se ku do ta vazhdojnë karrierën e tyre.

Këshilli i Prokurorëve Publikë do të mbajë seancën në të cilën do të diskutohet statusi i tyre. Duke pasur parasysh se mandati u përfundoi më 15 shtator, kryetari i Këshillit, Aco Kolevski, thotë se të hënën do të konstatohet përfundimi i mandatit të tyre. Sipas tij, me siguri ata do të kthehen në prokuroritë e tyre amë prej ku i rekrutoi shefja e tyre, Katica Janeva.

“Ne do të duhet t’i zbatojmë dispozitat e ligjit për Prokurori Speciale për të përfunduar funksionin e tyre sepse atje është paraparë që mandati i tyre nuk mund ta tejkalojë mandatin e prokurorit special. Ne vetëm këtë do ta konstatojmë me vendim”-pohoi Aco Kolevski – Kryetar i Këshillit të Prokurorëve Publikë

 

Pas shkarkimit të Katica Janevës nga posti i shefes së Speciales, Kolevski tha se këshilli nuk do të emërojë ushtrues detyre prokuror special pasi që emërimi është me propozim të Kuvendit.

“Qëndrimi i Këshillit ishte se nuk ekzistojnë kushte për emërimin e një ushtruesi të detyrës në Prokurorinë Speciale duke pasur parasysh vetë ligjin e PSP-së, i cili thotë se propozim për emërimin e prokurorit special jep Kuvendi. Ne presim propozim nga Kuvendi. Nëse dorëzohet, sepse ky ligj është akoma në fuqi, ne do të veprojmë sipas propozimit”-tha Aco Kolevski – Kryetar i Këshillit të Prokurorëve Publikë.

Këshilli i Prokurorëve Publikë e shkarkoi prokuroren Speciale Katica Janeva në një seancë të jashtëzakonshme të shtunën, një ditë para se të skadonte mandati i saj. Shkarkimi u bë për shkak të punës së pandërgjegjshme, të paligjshme dhe joprofesionale. Procesi filloi me një raport të Këshillit për shkarkimin e Janevës të dorëzuar te Komisioni parlamentar për Zgjedhje dhe Emërime, i cili, nga ana tjetër, i sugjeroi Kuvendit që ta shkarkonte Janevën. Ish-shefja e PSP-së, Katica Janeva është e dyshuar në rastin Reket dhe është në paraburgim tashmë 25 ditë.

ALSAT

Continue Reading

Lajme

Luma për incidentin në Kuvend: Ky akt duhet dënuar

Published

on

By

Luma për incidentin në Kuvend: Ky akt duhet dënuar

VIDEO

Continue Reading

Lajme

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Published

on

By

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Continue Reading

Kosovë

Kurti: S’do të lejoj “republikë serbe të dytë” në Kosovë

Published

on

Kryeministri i Kosovës Albin Kurti ka deklaruar se nuk do të lejojë një ‘republikë të dytë serbe’ në Kosovë ngjashëm me atë në Bosnjë e Hercegovinën.

Kurti ka thënë se në Bosnjë e Hercegovinë kanë filluar duke i bashkuar komunat me shumicë serbe drejt krijimit të një entiteti autonom i cili saboton shtetin e BeH.

“Unë nuk jam kundër serbëve, por Serbia është kundër nesh dhe nuk mund të lejoj një republikë serbe të dytë në Kosovë ngjashëm siç e kanë në Bosnje sepse edhe atje kanë filluar duke i bashkuar komunat me shumicë serbe drejt krijimit të një entiteti autonom, i cili e saboton shtetin e Bosnje Hercegovinës”.

“Unë besoj se ngjashëm e kanë synimin edhe në Kosovë, pa harruar asnjëherë se krerët në Serbi janë ata që para pak viteve provuan ta bëjnë projektin e shkëmbimit territorial, i cili si ide nuk mund të them se ka vdekur, por si projekt gjithsesi dështoi. Pra, të njëjtët që provuan ndarjen e Kosovës në emër të shkëmbimit territorial, janë ata të cilët tashmë me shumë ngulm e kërkojnë asociacionin e komunave me shumicë serbe, që është i papranueshëm për ne. Prej marrëveshjeve që përmendët, besoj se kryesorja që kurrsesi nuk bën të zbatohet është kjo”, tha Kurti.

Kurti në Syri Tv ka deklaruar edhe njëherë se nuk e dëshiron nismën “Ballkani i Hapur” që mbështetet nga Edi Rama dhe Presidenti serb Vuçiç. Kurti theksoi se Serbia kërkon të destabilizojë Ballkanin.

“Nuk besoj që PS është Partia e Punës, mirëpo sa i përket disa iniciativave rajonale ne nuk pajtohemi. Unë besoj se Serbia do të destabilizojë Ballkanin, që nuk është neutrale, por ka marrë anën e Kremlinit. Nuk mund të jesh neutral mes zjarrfikësit dhe zjarrit. Ata i kanë 14 aviona MIG29. 8 i kanë marrë nga Bjellorusia dhe 6 nga Rusia dhe këtu nuk ka dilema”, tha Kurti.

Më tej kryeministri i Kosovës tha se “nisma e Ramës dhe Vuçiçit me ‘Ballkanin e Hapur’ do të dështojë sepse Ballkani nuk mund të hapet ndaj askujt tjetër, pasi është e hapur prej vitesh vetëm ndaj BE-së, SHBA-së dhe NATO-s”.

“Nuk e di plotësisht nëse plani është ta zëmë, ky Ballkani i Hapur si ide. Unë nuk mendoj se do të ketë sukses. Edhe mendoj se është i gabueshëm. Ballkani i Hapur nënkupton një synim që nuk na qenka i hapur, por duhet ta hapim, por ndaj kujt? Ne jemi të hapur ndaj BE-së dhe SHBA-së, dhe NATO-s. Por të hapet Ballkani ashtu siç është hapur Serbia për Federatën Ruse dhe Kinën, unë mendoj se është gabim”, deklaroi Kurti.

Ndër të tjera lidhur me këtë çështje, Kurti u shpreh se çdo gjë që nuk është e mirë për Kosovën, nuk është e mirë as për Shqipërinë.

“Çdo gjë që nuk është e mirë për Kosovën nuk është e mirë as për Shqipërinë , çka nuk është e mirë për Shqipërinë nuk është e mirë as për Kosovën. Ne jemi dy shtete por jemi një komb dhe duhet të rrisim bashkëpunimin dhe ndjeshmërinë për njëri-tjetrin. Në ‘Procesin e Berlinit’ udhëheq Gjermania, në ‘Ballkanin e Hapur’ udhëheq Serbia, unë besoj se procesi i Berlinit nën udhëheqjen e kancelarit Scholz është rruga e duhur drejt integrimit evropian. Nuk është shpejt por nuk ka rrugë më të mirë dhe mos harroni që Serbia dëshiron që faktorët perëndimorë të mos jenë në një vijë. Serbia dëshiron që as Gjermania të mos pajtohet me Francën dhe as Brukseli më Uashingtonin. Ndërkohë që interesi i shqiptarëve është raporti i mirë trans-atlantik, ne kemi interes sinkronizimin e dyfishtë, sinkronizimin Paris-Berlin dhe Bruksel-Uashington”, tha Kurti.

Continue Reading

Aktuale