Connect with us

Kosovë

Në prag të zgjedhjeve iu bëjnë vend “jaranave”

Published

on

Ndërsa data e zgjedhjeve të parakohshme parlamentare po avitet, partitë që ende i kanë në duar frerët e shtetit, po mundohen që sa më mirë ta shfrytëzojnë pozicionin e tyre. Për ta rritur numrin e elektoratit, “miqve” të tyre po ua sigurojnë edhe ndonjë vend të punës, ose po i fusin në listat për veteranë, raportojnë të përditshmet tona.

Njëri prej sektorëve me të cilin është abuzuar në këtë drejtim, është ai i diplomacisë. Behxhet Pacolli, Ministër i Jashtëm i Republikës së Kosovës në detyrë, ka emëruar disa zyrtarë në funksion të shërbimit të jashtë diplomatik, e ndërsa ata kanë një të kaluar si anëtarë të partisë që ai e drejton – Aleanca Kosova e Re.

Kështu, Ngadhnjim Makolli, Liridon Sadrija e Ramiz Ismajli dalin të jenë bashkëpunëtorë partiak, madje të vjetër, të Pacollit. MPJ-ja pretendon që këta emra janë përzgjedhur në bazë të një konkursi të shpallur në mars të këtij viti. Sipas Kohës Ditore, të tri gradimet janë të firmosura nga dora e Pacollit.

Diplomacia kosovare, edhe ashtu e shkallmuar e pa rezultate, po vuan edhe për mungesë të disa emërimeve të tjera. Kohë më parë është bërë emërimi edhe i gjashtë ambasadorëve të Kosovës në disa shtete të tjera të botës, të cilat, po ashtu po kontestohen. Për më shumë, gazeta Zëri raporton se nga njohës të kësaj fushe, ka pasur zëra që emrat e lakuar presidenti as që duhet të i akreditojë.

Kështu për pozitë ambasadorësh janë përmendur Ilir Dugolli – si ambasador në Turqi, Frymëzim Isufaj në Britani të Madhe, Lulzim Mjeku në Arabi Saudite, Lendita Haxhitasimi në Itali, Lulzim Pllana në Austri e Adriatik Kryeziu në Kanada.

Por nuk është vetëm sektori i diplomacisë, ai që po keqpërdoret në prag të zgjedhjeve. Një tjetër fenomen u ka rënë në sy mediumeve tona. Listat e veteranëve të UÇK-së, kanë nisur rishtaz të fryhen.

Ndonëse për këtë punë janë hapur hetimet dhe vetëm pak muaj më parë, ka qenë ndër top temat e trajtuara edhe nga ana e mediave, dikush po guxon t’i certifikojë si veteranë, të gjithë ata që duan të përfitojnë nga kjo situatë e mjegullt.

E gjitha po bëhet për dobi të fushatës, për ta shtuar numrin e elektoratit. Siç dihet, ekziston një aktakuzë e ngritur ndaj dymbëdhjetë anëtarëve të Komisionit Qeveritar, pikërisht për dyshime rreth: «Keqpërdorim të autoritetit ose pozitës zyrtare». Praktikisht Agim Çeku, Nuredin Lushtaku, Sadik Halitjaha, Shkumbin Demaliaj, Qelë Gashi, Shukri Buja, Ahmet Daku, Rrustem Berisha, Faik Fazliu, Smajl Elezaj, Fadil Shurdhaj dhe Xhavit Jashari – janë nën hetime.

Që nga rasti i Elez Blakajt; Prokuror Special – i dorëhequr, kjo çështje ka mbetur pezull. Ai ka qenë duke u marrë pikërisht me hetimin e këtyre listave, ku, sipas tij, janë hetuar manipulime të mëdha. I detyruar ta lëshojë Kosovën, ai ka rrëfyer se si gjatë punës së tij, ka qenë edhe i kërcënuar.

Mirëpo është kohë fushate zgjedhore, andaj llogaritë janë bërë ndryshe. Meqë procesi i verifikimit të listave ka mbetur pa u përfunduar, dikush është i interesuar që ta rris numrin e votuesve. Kjo nuk vlen vetëm për rastin e veteranëve të rrejshëm, por edhe për të punësuarit në sektorin e diplomacisë – kështu të paktën thonë njohësit e rrethanave politike në vend./Gazetaere.com/

Continue Reading

Kosovë

Kurti: S’do të lejoj “republikë serbe të dytë” në Kosovë

Published

on

Kryeministri i Kosovës Albin Kurti ka deklaruar se nuk do të lejojë një ‘republikë të dytë serbe’ në Kosovë ngjashëm me atë në Bosnjë e Hercegovinën.

Kurti ka thënë se në Bosnjë e Hercegovinë kanë filluar duke i bashkuar komunat me shumicë serbe drejt krijimit të një entiteti autonom i cili saboton shtetin e BeH.

“Unë nuk jam kundër serbëve, por Serbia është kundër nesh dhe nuk mund të lejoj një republikë serbe të dytë në Kosovë ngjashëm siç e kanë në Bosnje sepse edhe atje kanë filluar duke i bashkuar komunat me shumicë serbe drejt krijimit të një entiteti autonom, i cili e saboton shtetin e Bosnje Hercegovinës”.

“Unë besoj se ngjashëm e kanë synimin edhe në Kosovë, pa harruar asnjëherë se krerët në Serbi janë ata që para pak viteve provuan ta bëjnë projektin e shkëmbimit territorial, i cili si ide nuk mund të them se ka vdekur, por si projekt gjithsesi dështoi. Pra, të njëjtët që provuan ndarjen e Kosovës në emër të shkëmbimit territorial, janë ata të cilët tashmë me shumë ngulm e kërkojnë asociacionin e komunave me shumicë serbe, që është i papranueshëm për ne. Prej marrëveshjeve që përmendët, besoj se kryesorja që kurrsesi nuk bën të zbatohet është kjo”, tha Kurti.

Kurti në Syri Tv ka deklaruar edhe njëherë se nuk e dëshiron nismën “Ballkani i Hapur” që mbështetet nga Edi Rama dhe Presidenti serb Vuçiç. Kurti theksoi se Serbia kërkon të destabilizojë Ballkanin.

“Nuk besoj që PS është Partia e Punës, mirëpo sa i përket disa iniciativave rajonale ne nuk pajtohemi. Unë besoj se Serbia do të destabilizojë Ballkanin, që nuk është neutrale, por ka marrë anën e Kremlinit. Nuk mund të jesh neutral mes zjarrfikësit dhe zjarrit. Ata i kanë 14 aviona MIG29. 8 i kanë marrë nga Bjellorusia dhe 6 nga Rusia dhe këtu nuk ka dilema”, tha Kurti.

Më tej kryeministri i Kosovës tha se “nisma e Ramës dhe Vuçiçit me ‘Ballkanin e Hapur’ do të dështojë sepse Ballkani nuk mund të hapet ndaj askujt tjetër, pasi është e hapur prej vitesh vetëm ndaj BE-së, SHBA-së dhe NATO-s”.

“Nuk e di plotësisht nëse plani është ta zëmë, ky Ballkani i Hapur si ide. Unë nuk mendoj se do të ketë sukses. Edhe mendoj se është i gabueshëm. Ballkani i Hapur nënkupton një synim që nuk na qenka i hapur, por duhet ta hapim, por ndaj kujt? Ne jemi të hapur ndaj BE-së dhe SHBA-së, dhe NATO-s. Por të hapet Ballkani ashtu siç është hapur Serbia për Federatën Ruse dhe Kinën, unë mendoj se është gabim”, deklaroi Kurti.

Ndër të tjera lidhur me këtë çështje, Kurti u shpreh se çdo gjë që nuk është e mirë për Kosovën, nuk është e mirë as për Shqipërinë.

“Çdo gjë që nuk është e mirë për Kosovën nuk është e mirë as për Shqipërinë , çka nuk është e mirë për Shqipërinë nuk është e mirë as për Kosovën. Ne jemi dy shtete por jemi një komb dhe duhet të rrisim bashkëpunimin dhe ndjeshmërinë për njëri-tjetrin. Në ‘Procesin e Berlinit’ udhëheq Gjermania, në ‘Ballkanin e Hapur’ udhëheq Serbia, unë besoj se procesi i Berlinit nën udhëheqjen e kancelarit Scholz është rruga e duhur drejt integrimit evropian. Nuk është shpejt por nuk ka rrugë më të mirë dhe mos harroni që Serbia dëshiron që faktorët perëndimorë të mos jenë në një vijë. Serbia dëshiron që as Gjermania të mos pajtohet me Francën dhe as Brukseli më Uashingtonin. Ndërkohë që interesi i shqiptarëve është raporti i mirë trans-atlantik, ne kemi interes sinkronizimin e dyfishtë, sinkronizimin Paris-Berlin dhe Bruksel-Uashington”, tha Kurti.

Continue Reading

Kosovë

Takimi Kurti-Lajçak: Qeveria e angazhuar për dialog parimor

Published

on

Kryeministri i Republikës së Kosovës, Albin Kurti, priti në takim Përfaqësuesin Special të Bashkimit Evropian për Dialogun Kosovë-Serbi dhe çështje të tjera rajonale të Ballkanit Perëndimor, Miroslav Lajčák.

Në takim u bisedua për mbarëvajtjen e deritanishme të takimeve, qasjes konstruktive përgjatë tërë procesit të dialogut në Bruksel, parimet, vlerat dhe synimin e këtij procesi.

Kurti ritheksoi se Qeveria e Republikës së Kosovës është e angazhuar për dialog parimor, nga i cili duhet të përfitojnë qytetarët e të dyja vendeve, nëpërmjet një marrëveshjeje të qëndrueshme dhe të zbatueshme, që në qendër ka njohjen reciproke.

Kryeministri Kurti dhe Përfaqësuesi Special i BE-së, Lajčák folën edhe për marrëveshjen mbi zbatimin e udhërrëfyesit të energjisë sipas marrëveshjeve të vitit 2013 dhe 2015.

Ai theksoi angazhimin e Qeverisë në zbatimin e tij, me qëllim të përfundimit të një problematike të trashëguar, tё furnizimit dhe pagesës sё energjisë në katër komunat në veri tё vendi

Në sajë të kësaj marrëveshje, pas më shumë se 20 vitesh, katër komunat në veriun e Kosovës, Leposaviq, Zubin Potok, Zveçan dhe Mitrovicë Veriore, do të kalojnë në një rend të rregullt të faturimit të energjisë.

Me këtë marrëveshje, buxhetit të Republikës së Kosovës do t’i kursehen me dhjetëra milionë euro në vit, të paguara më herët për mbulimin e kostove energjetike të veriut të vendit./21Media

Continue Reading

Kosovë

Kosova përcakton çmimet, sa do të shitet nafta, benzina dhe gazi

Published

on

By

Kosova përcakton çmimet, sa do të shitet nafta, benzina dhe gazi

Ministria e Industrisë Ndërmarrësisë dhe Tregtisë në Kosovë ka caktuar çmimet e naftës për 24 orët e ardhshme.

Sipas vendimit që ka nxjerrë MINT, lejohet që çmimi maksimal i naftës të jetë 1.85 euro për litër, benzina 1.74 euro për litër dhe çmimi i gazit të jetë 0.78 për litër.

Çmimet e të gjitha produkteve të lëndëve djegëse janë të vlefshme nga ora 10:00 e ditës së sotme deri të nesërmen.

Continue Reading

Aktuale