Connect with us

Lajme

Gjermania, 6 kushte Ramës për hapjen e negociatave me BE-në

Published

on

Gjermania, vendi kryesor i Bashkimit Evropian nuk ka një përgjigje për çështjen e negociatave të Shqipërisë me Bashkimin Evropian.

Pasiguria në grupimet politike kryesore të CDU/CSU dhe SPD në Gjermani mund të ketë një ndikim për një tjetër shtyrje të negociatave me Shqipërinë.

Nga burime tepër të sigurta të grupimit politik CDU/CSU, Shqipërisë nuk priten t’i hapen negociatat. Sipas burimit në fjalë, rezultonte se Shqipëria nuk kishte plotësuar asnjë kusht për hapjen e negociatave me Bashkimin Evropian.

Këtu përfshiheshin reformat në fushën e drejtësisë dhe dënimi i zyrtarëve të lartë, si kritere themelore për Shqipërinë.

Kësaj here janë mediat gjermanë të cilat e konstatojnë një qëndrim të tillë. madje media pranë grupimit të majtë politik në Gjermani, SPD.

Një artikull i publikuar nga “Rrjeti Editorial Gjerman” thekson se Bashkimi Evropian do t’i vendosë kushte të reja Shqipërisë për çeljen e negociatave për anëtarësim në Bashkimin Evropian. Shkrimi mban emrin e gazetarit Damir Fras, korrespondentit për çështjet evropiane në këtë media.

Damir Fras gjatë analizës së tij thekson se “Unioni kristandemokrat dhe SPD do të vonojnë çeljen e negociatave me Ballkanin. Ata nuk e shohin si të përshtatshme krizën dhe pasigurinë ligjore në Shqipëri”.

Në shkrimin e tij Fras thekson se Shqipëria duhet së pari të reformojë ligjin zgjedhor dhe të vendosë në funksion sistemin gjyqësor. Këto kushte sipas tij janë nga më kryesoret përpara hapjes së kapitujve të parë të anëtarësimin me BE-në.

Gazetari shton gjithashtu se një çështje që ka hapur diskutime është lidhja e gjyqësorit me krimin në Shqipëri. “Shqipëria do të duhej të reformonte ligjin e saj zgjedhor dhe të garantonte “funksionimin” e gjyqësorit, dhe shumë më tepër. Ndër të tjera, “përparim i qëndrueshëm në luftën kundër korrupsionit dhe krimit të organizuar në të gjitha nivelet”. Mbi të gjitha, lidhjet mes politikës, gjyqësorit dhe mafies vazhdojnë të shkaktojnë diskutime” shkruan Fras.

“Kjo do të sjellë vendosjen e kushteve të reja të cilat do ë shtyjnë akoma më shumë procesin e nisjes së negociatave. Sa i përket samitit të tetorit gazetari nënvizon se ndërsa Bundestagu duhet të marrë ende një vendim, Holanda dhe Franca janë shprehur kundër çeljes së negociatave. Bashkimi Evropian do të deklarojë gatishmërinë e saj për të negociuar me Shqipërinë për anëtarësim. Në fund të fundit, ato nuk do të fillojnë për disa vite” mbyllet artikulli.

Lidhjet midis politikës dhe mafies

Gjermania në të gjitha reagimet e saj ndaj Shqipëria e ka vënë theksin tek problematike e lidhjes midis politikës dhe mafies. Sipas mediave gjermane, Shqipëria duhet pa tjetër të realizojë një ndarje të plotë midis krimit dhe politikës. Këto përfshijnë “realizimin e një përparimi të fortë drejt ndërtimit të një rekordi të duhur në luftën kundër korrupsionit dhe krimit të organizuar në të gjitha nivelet”. Gjithashtu, duhet të fillojë procedimi penal ndaj gjyqtarëve dhe prokurorëve, të cilët aktualisht janë në shqyrtim për lidhje të mundshme me mafien. Pengesat mund të jenë aq shumë, saqë, në të vërtetë, negociatat e pranimit mund të fillojnë, brenda një kohe prej disa vjetësh. Shqipëria ka vite që po përjeton kriza të rënda politike të brendshme. Mbi të gjitha, lidhjet midis politikës, gjyqësorit dhe mafies vazhdojnë të shkaktojnë reagime negative në Berlin. Nuk ka gjasa që vendi të jetë në gjendje t’i plotësojë kushtet në mënyrë të shpejt, veçanërisht pasi kushtet janë relativisht të përgjithshme. Numri i kërkesave shqiptare për azil në Bashkimin Evropian kohët e fundit janë rritur, çka përbën një tjetër qëndrim skeptik nga ana e Berlinit zyrtar.

Vendimi në samitin e BE-së në tetor

Fundi i Shtatorit do të vendosë nëse Kancelarja Angela Merkel në samitin e Bashkimit Evropian në mes të tetorit në Bruksel do të bien dakord për hapjen e negociatave të pranimit të BE-së me Shqipërinë. Holanda dhe Franca janë kundër fillimit të negociatave. Në të kundërt, Komisioni i BE-së rekomandon fillimin e negociatave, për të cilat Shqipëria dhe Maqedonia e Veriut kishin marrë një rekomandim pozitiv tashmë në qershor të këtij viti. Nga ana tjetër qasja ndaj Maqedonisë së Veriut është më pozitive, që do të thotë se angazhimi për negociatat e pranimit është praktikisht i sigurt. Tani, formulimi i mocionit nga partitë qeverisëse gjermane mund të shërbejë si një plan për vendimin e Samitit të Bashkimit Evropian për Shqipërinë, i cili gjithashtu mund të pasohet nga kundërshtarët e pranimit.

Kushtet e Gjermanisë

Mediat gjermane, të cilat kanë parë nga afër draft vendimin që deputetët e Bundestagut do të votojnë më 27 shtator, raportojnë se kushte paraprake do të jenë reforma zgjedhore dhe funksionimi në tërësi i sistemit të drejtësisë. Për koalicionin qeveritar të CDU-CSU dhe socialdemokratët, problem mbeten edhe lidhjet mes politikës dhe botës së krimit. Për këtë arsye do të kërkohet që kapitujt e negociatave të hapen nëse verifikohet më parë një progres domethënës në luftën kundër korrupsionit dhe krimit të organizuar në të gjitha nivelet, dhe nëse vijon ndjekja penale ndaj gjykatësve dhe prokurorëve të dyshuar për lidhje me mafien. Këto barriera për ekzekutivin shqiptar, sipas mediave të lidhura me Partinë Socialdemokrate gjermane aktualisht në pushtet, janë kaq të larta saqë mund të vonojnë me disa vite procesin e negociatave me Brukselin. Kushtet e Gjermanisë përfshijnë: Reformimi i Kodit Zgjedhor; funksionimi i sistemit të Drejtësisë; lufta kundër korrupsionit dhe krimit të organizuar; ndjekje penale ndaj gjyqtarëve e prokurorëve të dyshuar për lidhje me mafien; hetim lidhjeve të politikës me krimin si dhe ulja e kërkesave për azil. Këto barriera për ekzekutivin shqiptar, sipas mediave të lidhura me partinë social demokrate gjermane aktualisht në pushtet janë kaq të larta sa vonojnë me disa vite procesin e negociatave me Brukselin.

Continue Reading

Lajme

Luma për incidentin në Kuvend: Ky akt duhet dënuar

Published

on

By

Luma për incidentin në Kuvend: Ky akt duhet dënuar

VIDEO

Continue Reading

Lajme

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Published

on

By

Video ku shihet si Arbër Ademi ofendon deputetin Halil Snopçen dhe ua ndalon fjalën deputetëve të ASH-së

Continue Reading

Kosovë

Kurti: S’do të lejoj “republikë serbe të dytë” në Kosovë

Published

on

Kryeministri i Kosovës Albin Kurti ka deklaruar se nuk do të lejojë një ‘republikë të dytë serbe’ në Kosovë ngjashëm me atë në Bosnjë e Hercegovinën.

Kurti ka thënë se në Bosnjë e Hercegovinë kanë filluar duke i bashkuar komunat me shumicë serbe drejt krijimit të një entiteti autonom i cili saboton shtetin e BeH.

“Unë nuk jam kundër serbëve, por Serbia është kundër nesh dhe nuk mund të lejoj një republikë serbe të dytë në Kosovë ngjashëm siç e kanë në Bosnje sepse edhe atje kanë filluar duke i bashkuar komunat me shumicë serbe drejt krijimit të një entiteti autonom, i cili e saboton shtetin e Bosnje Hercegovinës”.

“Unë besoj se ngjashëm e kanë synimin edhe në Kosovë, pa harruar asnjëherë se krerët në Serbi janë ata që para pak viteve provuan ta bëjnë projektin e shkëmbimit territorial, i cili si ide nuk mund të them se ka vdekur, por si projekt gjithsesi dështoi. Pra, të njëjtët që provuan ndarjen e Kosovës në emër të shkëmbimit territorial, janë ata të cilët tashmë me shumë ngulm e kërkojnë asociacionin e komunave me shumicë serbe, që është i papranueshëm për ne. Prej marrëveshjeve që përmendët, besoj se kryesorja që kurrsesi nuk bën të zbatohet është kjo”, tha Kurti.

Kurti në Syri Tv ka deklaruar edhe njëherë se nuk e dëshiron nismën “Ballkani i Hapur” që mbështetet nga Edi Rama dhe Presidenti serb Vuçiç. Kurti theksoi se Serbia kërkon të destabilizojë Ballkanin.

“Nuk besoj që PS është Partia e Punës, mirëpo sa i përket disa iniciativave rajonale ne nuk pajtohemi. Unë besoj se Serbia do të destabilizojë Ballkanin, që nuk është neutrale, por ka marrë anën e Kremlinit. Nuk mund të jesh neutral mes zjarrfikësit dhe zjarrit. Ata i kanë 14 aviona MIG29. 8 i kanë marrë nga Bjellorusia dhe 6 nga Rusia dhe këtu nuk ka dilema”, tha Kurti.

Më tej kryeministri i Kosovës tha se “nisma e Ramës dhe Vuçiçit me ‘Ballkanin e Hapur’ do të dështojë sepse Ballkani nuk mund të hapet ndaj askujt tjetër, pasi është e hapur prej vitesh vetëm ndaj BE-së, SHBA-së dhe NATO-s”.

“Nuk e di plotësisht nëse plani është ta zëmë, ky Ballkani i Hapur si ide. Unë nuk mendoj se do të ketë sukses. Edhe mendoj se është i gabueshëm. Ballkani i Hapur nënkupton një synim që nuk na qenka i hapur, por duhet ta hapim, por ndaj kujt? Ne jemi të hapur ndaj BE-së dhe SHBA-së, dhe NATO-s. Por të hapet Ballkani ashtu siç është hapur Serbia për Federatën Ruse dhe Kinën, unë mendoj se është gabim”, deklaroi Kurti.

Ndër të tjera lidhur me këtë çështje, Kurti u shpreh se çdo gjë që nuk është e mirë për Kosovën, nuk është e mirë as për Shqipërinë.

“Çdo gjë që nuk është e mirë për Kosovën nuk është e mirë as për Shqipërinë , çka nuk është e mirë për Shqipërinë nuk është e mirë as për Kosovën. Ne jemi dy shtete por jemi një komb dhe duhet të rrisim bashkëpunimin dhe ndjeshmërinë për njëri-tjetrin. Në ‘Procesin e Berlinit’ udhëheq Gjermania, në ‘Ballkanin e Hapur’ udhëheq Serbia, unë besoj se procesi i Berlinit nën udhëheqjen e kancelarit Scholz është rruga e duhur drejt integrimit evropian. Nuk është shpejt por nuk ka rrugë më të mirë dhe mos harroni që Serbia dëshiron që faktorët perëndimorë të mos jenë në një vijë. Serbia dëshiron që as Gjermania të mos pajtohet me Francën dhe as Brukseli më Uashingtonin. Ndërkohë që interesi i shqiptarëve është raporti i mirë trans-atlantik, ne kemi interes sinkronizimin e dyfishtë, sinkronizimin Paris-Berlin dhe Bruksel-Uashington”, tha Kurti.

Continue Reading

Aktuale