Connect with us

Lajme

Angjushev: Një familje nuk mund të mbijetojë me 200 euro në muaj, paga minimale duhet të rritet

Published

on

Ne si shtet duhet të tregojmë se duam të mbrojmë edhe familjet e klasave të ulëta, që janë ata që marrin paga më të ulëta, ka thënë zv-kryeministri Koço Angjushev në emisionin ‘Top TemaÇ në TV Telma, përcjell in7.

“Paga minimale përcaktohet në çdo vend. Javën e kaluar kemi pasur takime me dhomat e tregtisë. Ende nuk kemi përcaktuar një vlerë. Në periudhën e ardhshme do të kemi takime intensive për të diskutuar në mënyrë që të gjejmë një zgjidhje të përbashkët dhe ky nuk do të jetë një vendim i nxituar. Për të qenë i sinqertë, një familje nuk mund të jetojë me 200 euro në muaj, edhe nëse dy anëtarë të saj punojnë. Në të gjitha vendet, paga minimale është të mbrojë kategoritë më të rrezikuara.” ka thënë Angjushev.

Paga minimale është në nivelin më të ulët – deklaroi kryetarja e Lidhjes së Odave Ekonomike në Maqedoninë e Veriut, Danela Arsovska. Por ajo theksoi se në një kohë kur po zbatohen reformat e taksave, një rritje e re mund të distorzojë(t’i japë kahje tjetër) tregun e punës./in7.tv/

Continue Reading

Kosovë

Qeveria e Kosovës obligon kthimin në RKS të targave të komunave paralele

Published

on

Qeveria e Kosovës ka vendosur masa reciprociteti për hyrje të shtetasve të Serbisë në Kosovë. Në mbledhjen elektronike, Qeveria Kurti vendosi që aplikojë të njëjtën masë, sikur Beogradi zyrtar, që nuk pranon letërnjoftimin, por në hyrje kosovarët i pajisë me një letër që zëvendëson dokumentet e identifikimit. Në njoftimin për media të qeverisë thuhet se gjithashtu është marrë vendim që banorëve, kryesisht në veri të vendit që kanë targa të lëshuara nga Serbia, por në emër të qyteteve të Kosovës, t’ua japë edhe një shans,”të fundit”, për kthim në targa RKS. Sipas Qeverisë, pronarëve të veturave me këto targa u është mundësuar që kthimin në RKS ta bëjnë në periudhën 1 gusht 2022 – 31 shtator 2022.

Miratimin e kabinetit qeveritar e mori edhe vendimi sipas të cilit çdo person që paraqitet për kalim të kufirit shtetëror me dokument të identifikimit personal të lëshuar nga autoritetet e Serbisë, të pajiset në pikë-kalimet kufitare me një fletë-deklarim që përkohësisht e zëvendëson përdorimin e dokumentit të tillë. Fletë-deklarimi do të krijojë bazë për qarkullim në territorin e Republikës së Kosovës dhe për shfrytëzim brenda institucioneve shtetërore.

Gjithashtu, sipas vendimit, automjetet me targa të regjistrimit të Serbisë që paraqiten për kalim të kufirit shtetëror dhe kanë për qëllim të lëvizin në territorin e Republikës së Kosovës, duhet të kenë të vendosur ngjitësin në pjesën e simboleve dhe emërtimit shtetëror, nga data 01.08.2022. Mekanizmi i tillë do të vlejë deri me 31.10.2022.

Ky mekanizëm është pa paragjykim ndaj afatit maksimal të qëndrimit të automjeteve të tilla në territorin e Republikës së Kosovës, thuhet në kumtesën e qeverisë, transmeton klankosova.tv.

Continue Reading

Lajme

Abazoviç merr në Beograd ftesën për t’iu bashkuar Ballkanit të Hapur: Do të hapim një faqe të re!

Published

on

Kryeministri i Malit të Zi, Dritan Abazoviç ka vizituar sot Beogradin, ku u prit në takim nga presidenti serb Aleksandar Vuçiç dhe kryeministrja Ana Bërnabiç.

Abazoviç ka kërkuar që vendi i tij të bëhet pjesë e Open Ballkan si dhe ka shprehur gatishmërinë për rivendosjen e marrëdhënieve midis dy vendeve, duke e hapur një faqe të re të bashkëpunimi.

“Vizita është shumë e rëndësishme për ne, shpresoj se me këtë vizitë do të arrijmë atë që e di që dëshirojmë si kryeministra, e kjo është të rivendosim marrëdhëniet ndërmjet Serbisë dhe Malit të Zi dhe të hyjmë në një epokë vërtet të mirë”, tha Bernabiç në një konferencë të përbashkët shtypi me Abazoviç.

Kryeministri malazez Dritan Abazoviç tha se ishte i nderuar që vizitën e tij të parë në rajon e kishte në Beograd.

“Ne jemi këtu për të kthyer një faqe të re dhe për të ngritur marrëdhëniet tona politike dhe të përgjithshme në nivelin më të lartë,” tha Abazoviç.

Ata sqaruan se në takime janë diskutuar të gjitha temat e hapura që kanë të dy vendet, si nënshkrimi i Marrëveshjes Themelore ndërmjet Malit të Zi dhe Kishës Ortodokse Serbe, çështja e shkëmbimit të ambasadorëve në Beograd dhe Podgoricë, e cila, sipas Bërnabiç, do të zgjidhet së shpejti dhe ekstradimi i ish-presidentit të bashkimit shtetëror të Serbisë dhe Malit të Zi Svetozar Maroviç, në Mal të Zi.

Në takim u diskutua edhe për vendosjen e operacioneve të pagesave ndërmjet dy vendeve, energjinë, lidhjen e infrastrukturës, ndërsa Bërnabiç i bëri thirrje sot Abazoviçit që Mali i Zi t’i bashkohet nismës Ballkani i Hapur.

“Dua të falënderoj Abazoviçin që u afrua me zemër të pastër për të parë përfitimet e nismës Ballkani i Hapur dhe që ishte në takimin në Ohër. Unë jam ofruar që të jap të gjitha informatat për atë iniciativë dhe llogaritjet që kemi për përfitimet që sjellë Ballkani Hapur dhe sot i bëjmë ftesën që të na bashkohen”, tha Bërnabiç./INA/

Continue Reading

Lajme

Neziri: Në sferën e Arsimit ka dëmtim të sistemit, institucionet kanë përgjegjësi (Video)

Published

on

Deputeti i Aleancës për Shqiptarët, Atnan Neziri sot gjatë seancës plenare pyetje deputetesh në Kuvend tha ë sferën e Arsimit ka dëmtim të sistemit, institucionet kanë përgjegjësi përcjell in7

“Në datë 26.05.2022 seancën e kaluar pyetje deputetësh unë ia drejtova pyetjen Ministrit të Arsimit dhe Shkencës në lidhje me arsimin mirëpo ne jemi dëshmitarë se atë ditë sjellja e Ministrit ishte jo korekte dhe nuk doli të jep përgjigje pa marrë parasysh se pati intervenime që të përmirësohet një lëshim nëse llogaritet lëshim mirëpo një mosveprim nga reagimi që ndodhi të cilat janë publike dhe të regjistrauara ato treguan arrogancën e tij dhe nuk u përgjigj që mund të përgjigjesin se kanë të drejtë edhe me shkrim por donin të tregonin kokëfortësinë e tyre e cila nuk është e lejueshme përshkak se institucionet kanë përgjegjësi dhe detyrim që të përgjigjen dhe nuk duhet të sillen në këtë formë dhe kuptohet insistimi jonë sepse kishim arsye dhe i detyruam të japin përgjigje. Pra kjo garniturë udhëheqëse kërkon presion dhe vetë në këtë formë jep përgjigje që nuk është e arsyeshme. Sa i përket përgjigjes nuk jam i kënaqur sepse këtu sqarohet se çdo gjë është në rregull, ne mendojmë se zgjedhja e problemeve duhet të bëhet në kohë dhe mos ketë situta të cilat ndodhën përshkak se në sferën e arsimit ka dëmtim të sistemit ku kuptohet nëse ne bëjmë një problem dhe nuk arrijmë marrëveshje ashtu si e do nevoja këtë problem e bëri rroga minimale si dhe diskutimet duheshin të zgjidhen në fazën fillestare se dhe ashtu arsimi është i degraduar dhe kur ne imponojmë nga mosdëshira për të zgjedhë grevë dhe dëmtim të sistemit ne shkatërrojmë vullnetin dhe ashtu të humbur të nxënësve dhe të sferës së arsimit si dhe të profesorëve në këtë mënyrë ne këtë sistem i cili edhe ashtu i degraduar e degratojm më tepër ku humbim vullnetin e nxënësve, të profesorëve dhe sistemin arsimorë e shkatërojmë në përgjithësi. Nuk jam i kënaqur me përgjigjen”, theksoi deputeti Neziri./in7.tv/”

Continue Reading

Aktuale