Connect with us

Lajme

PTHP: Të gjitha lëndët e PSP kaluan tek Prokuroria Themelore Publike

Published

on

Ka përfunduar procesi i transferimit të lëndëve nga Prokuroria Speciale Publike (PSP), në Prokurorinë Themelore Publike (PTHP), njoftuan nga PTHP-ja.

“Prokuroria Themelore e Republikës së Maqedonisë së Veriut i ka marrë lëndët e Prokurorisë Publike për ndjekjen e veprave penale që dalin nga përmbajtja e ndjekjes së paligjshme të komunikimeve”, njoftuan nga PTHP-ja.

Siç njoftojnë nga atje, lëndët u janë dorëzuar prokurorëve publikë të cilët deri tash kanë vepruar ndaj lëndëve konkrete.

Nga atje kanë njoftuar se, “në PSP do të vazhdojnë të jenë në fuqi masat e sigurisë dhe mënyra e zhvillimit të lëndëve, të materialeve dhe dëshmive që dalin nga bisedat e përgjuara, kurse për kontroll të këtyre masave, janë angazhuar dy prokurorë”.

Paraprakisht, kryeprokurori republikan, Lubomir Joveski deklaroi se, për prokurorët që do të përfaqësojnë lëndët e PSP-së në të ardhmen, do të vendoset në mënyrë shtesë.

“Nga java e ardhshme, do të vazhdojmë me detajet teknike, për krahasimin e dokumenteve të raportit me dokumentet e secilës lëndë. Pas marrjes së lëndëve nga PTHP-ja, ndaj lëndëve mund të përfaqësojnë të njëjtit prokurorë që kanë qenë deri tash. Se kush do të veprojë ndaj lëndëve, PTHP-ja do të vendosë në mënyrë shtesë”, tha Joveski.

Ai sqaroi, se seanca gjyqësore të caktuara në fillim të javës së ardhshme, do të anulohen për disa ditë.

“Seanca gjyqësore që janë të caktuara, ndoshta për dy ditë do të duhet të anulohen, por ne do t’u japim prioritet lëndëve që për momentin janë në fazë të gjykimit”, tha Joveski.

Prokurorja, Lençe Ristoska, shpreson se do të gjendet së shpejti zgjidhje.

“Ne disa herë kemi apeluar për rëndësinë e këtij Ligji dhe në kumtesën tonë të fundit u theksua se, pse është e rëndësishme të miratohet ky Ligj. Kështu që, PSP-ja ende ekziston dhe ende funksionojmë. Sipas Ligjit, PSP-ja deri në shtator të vitit 2020-të do të ekzistojë, kështu që nuk humbi shpresë shpresoj se do të gjendet zgjidhje ligjore”, tha Ristoska.

Përndryshe, nga paraburgimi, kryeprokurorja Speciale, Katica Janeva ka dërguar letër deri te PSP-ja dhe PTHP-ja me çka ka kërkuar që lëndët nga materialet e përgjuara – “bombat”, të transferohen në PTHP. Sipas prokurores, Fatime Fetai nuk është me rëndësi se kush do të përndjek, por se të jepet përgjegjësi për dëmet që janë bërë.

Ndërkaq, seanca për shkarkimin e shefes së PSP-së, Katica Jeneva është caktuar për 14 shtator, në ora 13:00.

Continue Reading

Lajme

Shkupjanja me makinë “futet” në ndërtesën e BE-së (Foto)

Published

on

Gjatë mbrëmjes së djeshme një grua ma makinën e saj është aksidentuar në ndërtesën e BE-së në Shkup.

Si pasojë janë thyer dritaret e zyrës së BE-së. Ajo në makinë ka qenë së bashku me një person tjetër.

Continue Reading

Kosovë

​Gastronomët e Kosovës përmes borive të makinave shprehin pakënaqësinë e tyre me masat e reja antiCOVID-19

Published

on

Shoqata e Gastronomëve e Kosovës, në shenjë pakënaqësie me masat e fundit qeveritare, përmes borive të makinave, sonte për disa minuta ka protestuar në rrugën përballë objektit të Qeverisë së Kosovës.

Qeveria e Kosovës në kuadër të masave të reja për luftimin e pandemisë, vendosi dje për shtyrjen e orarit të gastronomisë deri në orën 23:00. Më herët ky sektor ishte lejuar të punojë deri në 21:30. Ndërkohë ora policore mbetet në fuqi nga mesnata e deri në pesë të mëngjesit, me përjashtim të rasteve emergjente.

Shoqata e Gastronomëve të Kosovës kërkon që të punohet sipas rregulloreve Komunale, që muzika të jetë në proporcion me këtë orar, dhe ora policore të hiqet.

“Masat nuk kanë kuptim që të kufizojnë veprimtaritë biznesore, por të stimulojnë vaksinimin e popullatës, si zgjidhja e vetme për daljen nga kjo krizë. Përderisa i lejojmë të hyjnë vetëm personat e vaksinuar dhe ata që ofrojnë dëshmi, pse të mos punojmë me kapacitete të plota?!”, thuhet në një reagim të kësaj shoqate e cila për nesër ka paralajmëruar mbledhjen e jashtëzakonshme të Kuvendit, në orën 14:00.

Ndryshe, edhe Asociacioni i Komunave të Kosovës ka paralajmëruar se do të kërkojë serish heqjen e orës policore, pasi që numri i rasteve të reja me koronavirus po shënon rënie dhe tash e sa ditë nuk ka asnjë rast me përfundim fatal.

Continue Reading

Kosovë

Ushtarët e FSK-së do të nisen për në stërvitjen qendrore të Forcave të Armatosura Sllovene

Published

on

Ministri i Mbrojtjes i Kosovës Armend Mehaj është deklaruar me rastin e dërgimit të një kontingjenti të FSK-së në stërvitjen e Forcave të Armatosura sllovene “Disaster Relief and Military Mobility Exercise 2021” (DRM2 EX21), me kolegët e tyre të forcave sllovene dhe 19 forcave të shteteve tjera të BE-së dhe NATO-s.

Në një postim në Facebook, ministri Mehaj thotë se kjo stërvitje synon të forcojë gatishmërinë e Forcave të Armatosura sllovene për të marrë pjesë në sistemin e mbrojtjes nga fatkeqësitë natyrore dhe fatkeqësitë e tjera në Slloveni, si dhe për të integruar sigurinë me shtetet anëtare të BE-së dhe forcat tjera partnere, sikurse Kosova, në fushën e mobilitetit ushtarak dhe mbështetjes logjistike.

“Mirënjohje dhe vlerësim i lartë për partneritetin me ministrinë dhe forcat homologe sllovene. Besim i plotë në shkathtësitë profesionale specialistike të ushtarakëve tanë dhe aftësive ndërvepruese me forcat partnere. Forca djem, për Nderin e Kombit dhe Flamurin tonë! Për më të mirën, për veten dhe miqtë tanë!”, shkruan Mehaj.

Stërvitja “Disaster Relief and Military Mobility Exercise 2021” ka nisur më 18 tetor dhe zgjat deri më 29 tetor. Përveç Kosovës, në këtë stërvitje marrin pjesë edhe Shqipëria, Austria, Belgjika, Kroacia, Mali i Zi, BeH, Franca, Gjermania, Italia, Luksemburgu, Maqedonia Veriore, Rumania, Çekia, Polonia, Rumania etj.

Continue Reading

Aktuale