Connect with us

Lajme

Hahn për Serbinë: Kështu s’mund të udhëtoni drejt BE’së

Published

on

Ish-komisionari për zgjerim dhe fqinjësi i Komisionit Evropian, Johannes Hahn, përsëriti kritikën e shpeshtë të Bashkimit Evropian rreth lirisë së shtypit në Serbi, gjatë mbledhjes së forumit të organizuar nga BE-ja në Podgoricë të Malit të Zi

Hahn që tani ka tjetër post në udhëheqësinë e re të BE-së që nis punën më 1 nëntor të këtij viti, u paraqit përmes lidhjes video në konferencën “Ditët e Medias BE – Ballkani Perëndimor” dhe porositi se mesazhi i Bashkimit Evropian është i qartë se duhet përparim.

“Mesazhi i BE-së është shumë i qartë, nuk ka përparim në drejtim të proceseve të integrimit evropian pa lirinë e mediave dhe lirinë e shprehjes”.

Johannes Hahn shprehu keqardhje që nuk mund të jetë pjesëmarrës në debat për shkak të angazhimeve të tij në detyrën e re të caktuar në Komisionin Evropian.

Hahn që udhëhoqi komisionin për zgjerim të BE-së për pesë vitet e fundit ishte i zëshëm me kritikat ndaj pushtetit të Serbisë rreth lirisë së mediave në Serbi, që ishte edhe njëra prej kritikave kryesore të Raportit të Progresit të dorëzuar në muajin maj nga BE-ja për Serbinë.

Johannes Hahn tani do të udhëheqë Komisionin e Buxhetit dhe Administratës në BE prej 1 nëntorit.

Forumi BE – Ballkani Perëndimor “Ditët e Medias – BE” mbahet këtë vit në Podgoricë dhe organizohet nga Komisioni Evropian. Ky forum do të zgjasë nga 11 shtatori deri më 13 shtator.

Continue Reading

Lajme

Shkupjanja me makinë “futet” në ndërtesën e BE-së (Foto)

Published

on

Gjatë mbrëmjes së djeshme një grua ma makinën e saj është aksidentuar në ndërtesën e BE-së në Shkup.

Si pasojë janë thyer dritaret e zyrës së BE-së. Ajo në makinë ka qenë së bashku me një person tjetër.

Continue Reading

Kosovë

​Gastronomët e Kosovës përmes borive të makinave shprehin pakënaqësinë e tyre me masat e reja antiCOVID-19

Published

on

Shoqata e Gastronomëve e Kosovës, në shenjë pakënaqësie me masat e fundit qeveritare, përmes borive të makinave, sonte për disa minuta ka protestuar në rrugën përballë objektit të Qeverisë së Kosovës.

Qeveria e Kosovës në kuadër të masave të reja për luftimin e pandemisë, vendosi dje për shtyrjen e orarit të gastronomisë deri në orën 23:00. Më herët ky sektor ishte lejuar të punojë deri në 21:30. Ndërkohë ora policore mbetet në fuqi nga mesnata e deri në pesë të mëngjesit, me përjashtim të rasteve emergjente.

Shoqata e Gastronomëve të Kosovës kërkon që të punohet sipas rregulloreve Komunale, që muzika të jetë në proporcion me këtë orar, dhe ora policore të hiqet.

“Masat nuk kanë kuptim që të kufizojnë veprimtaritë biznesore, por të stimulojnë vaksinimin e popullatës, si zgjidhja e vetme për daljen nga kjo krizë. Përderisa i lejojmë të hyjnë vetëm personat e vaksinuar dhe ata që ofrojnë dëshmi, pse të mos punojmë me kapacitete të plota?!”, thuhet në një reagim të kësaj shoqate e cila për nesër ka paralajmëruar mbledhjen e jashtëzakonshme të Kuvendit, në orën 14:00.

Ndryshe, edhe Asociacioni i Komunave të Kosovës ka paralajmëruar se do të kërkojë serish heqjen e orës policore, pasi që numri i rasteve të reja me koronavirus po shënon rënie dhe tash e sa ditë nuk ka asnjë rast me përfundim fatal.

Continue Reading

Kosovë

Ushtarët e FSK-së do të nisen për në stërvitjen qendrore të Forcave të Armatosura Sllovene

Published

on

Ministri i Mbrojtjes i Kosovës Armend Mehaj është deklaruar me rastin e dërgimit të një kontingjenti të FSK-së në stërvitjen e Forcave të Armatosura sllovene “Disaster Relief and Military Mobility Exercise 2021” (DRM2 EX21), me kolegët e tyre të forcave sllovene dhe 19 forcave të shteteve tjera të BE-së dhe NATO-s.

Në një postim në Facebook, ministri Mehaj thotë se kjo stërvitje synon të forcojë gatishmërinë e Forcave të Armatosura sllovene për të marrë pjesë në sistemin e mbrojtjes nga fatkeqësitë natyrore dhe fatkeqësitë e tjera në Slloveni, si dhe për të integruar sigurinë me shtetet anëtare të BE-së dhe forcat tjera partnere, sikurse Kosova, në fushën e mobilitetit ushtarak dhe mbështetjes logjistike.

“Mirënjohje dhe vlerësim i lartë për partneritetin me ministrinë dhe forcat homologe sllovene. Besim i plotë në shkathtësitë profesionale specialistike të ushtarakëve tanë dhe aftësive ndërvepruese me forcat partnere. Forca djem, për Nderin e Kombit dhe Flamurin tonë! Për më të mirën, për veten dhe miqtë tanë!”, shkruan Mehaj.

Stërvitja “Disaster Relief and Military Mobility Exercise 2021” ka nisur më 18 tetor dhe zgjat deri më 29 tetor. Përveç Kosovës, në këtë stërvitje marrin pjesë edhe Shqipëria, Austria, Belgjika, Kroacia, Mali i Zi, BeH, Franca, Gjermania, Italia, Luksemburgu, Maqedonia Veriore, Rumania, Çekia, Polonia, Rumania etj.

Continue Reading

Aktuale