Connect with us

Lajme

VMRO-DPMNE: Katica Janeva vegël e Zoran Zaevit

Published

on

LSDM-ja po mbron krimin e Katica Janevës. Deputetët nën kontroll të Zoran Zaevit refuzuan të diskutojnë për shkarkimin e saj, edhe pse gjendet në paraburgim prej afër një muaji. Kjo është dëshmi e qartë se Janeva është nën komandë të Zoran zaevit, thonë nga VMRO-DPMNE-ja, përcjell in7.

“Lidhja e tyre me zhvatjen dhe presionet politike përmes abuzimit të ligjit dhe fuqive të PSP-së po bëhet gjithnjë e më e dukshme. Është e qartë si dita që Katica Janeva ishte dhe mbetet linja e tij e kuqe. Zaev dhe LSDM janë në koalicion me krimin. Zaev dhe LSDM mbrojnë dhe promovojnë krimin. Zaev dhe LSDM dëshirojnë të sigurojnë amnisti të krimit. Zaev ka frikë sepse e di se ai është personi që qëndron pas gjithë këtij sistemi kriminal. Vetë fakti që Katica Janeva ishte lënë e lirë për të vepruar ndërsa Boki 13 dhe Zoki Kiçeec ishin në paraburgim flet qartë për qëllimet e qeverisë.Katica Janeva është një ‘arusha e bardhë’ për Zoran Zaev dhe ajo nuk mund të bënte një zhvatje të tillë për një vit rresht pa dijeninë e kreutt të qeverisë. Është shumë e qartë se nga ku vinin komandat për Janevën. Pse një gjë e tillë u hesht, e institucionet nuk reaguan në kohë, këtë mund ta tregojnë vetëm një hetim i pavarur dhe profesional. Me Zoran Zaev në pushtet, zhgjidhje efektive ligjore për këtë nuk është i mundur, pasi ai është mbrojtësi i krimit dhe promotori i zhvatjes”, thuhet në tej në deklaratën e lëshuar për mediat nga partia VMRO-DPMNE.

Ashtu siç thonë nga parti më e madhe opozitare maqedonase, tani është më se i nevojshëm një hetim, jo një parodi në të cilën e arrestuara lëshon urdhëra për ata që e arrestuan. E nevojshme është një prokurori e pavarur, pa presione dhe ndikime.

Nga kjo parti gjithashtu kërkojë zgjedhjet e parakohshme parlamentare, siç thonë ata, për të rrëzuar këtë qeveri jopopullore./in7.tv/

Continue Reading

Kosovë

Mërgata për tetë muaj dërgoi 750 milionë euro në Kosovë, mbi 140 milionë më shumë se viti i kaluar

Published

on

By

Mërgata për tetë muaj dërgoi 750 milionë euro në Kosovë, mbi 140 milionë më shumë se viti i kaluar

Mërgata vazhdon të kontribuojë në dërgimin e remitencave për familjet e tyre në Kosovë.

Pavarësisht pandemisë, deri në fund të muajit gusht 2020, në drejtim të vendit tonë janë dërguar 749.7 milionë euro, ku sipas Bankës Botërore (BB), mërgata ka ndikuar në rritjen ekonomike të Kosovës.

Të dhënat e Bankës Qendrore të Kosovë (BQK) tregojnë se gjatë këtij tetëmujori, diaspora ka dërguar 141.2 milionë euro më shumë sesa viti 2020, shkruan Telegrafi.

Vlera më e lartë e dërguar në drejtim të Kosovës ishte e muajit maj me 113.3 milionë euro.

Për sa i përket dërgesave të mërgatës sipas vendeve, Gjermania është shteti ku më së shumti dërgohen para në drejtim të Kosovës.

Nga Gjermania kanë ardhur 39.5 për qind e dërgesave, ndjekur nga Zvicra me 17.3 për qind dhe Shtetet e Bashkuara të Amerikës me 7 për qind.

Sipas kanaleve të dërgimit, BQK thotë se, 435.1 milionë euro janë transferuar me anë të agjencive të dërgesave të parëve, kurse pjesa tjetër me anë të bankave komerciale.

Në raportin e saj të fundit lidhur me ndikimin e pandemisë COVID-19 në ekonomi, BB thotë se rritja e konsumit me ardhjen e mërgatës ka kontribuar në rritjen ekonomike të Kosovës për vitin 2021.

Banka shpjegon se deri në fund të këtij viti, kjo rritje do të jetë 7.1 për qind, kundrejt një tkurrje prej 5.3 për qind që ishte vitin e kaluar.

“Aktiviteti ekonomik në vitin 2021 pritet të zgjerohet me 7.1 për qind kundrejt një rikthimi të mërgatës, masave mbështetëse fiskale dhe rritja e huadhënies. Modeli i rritjes së Kosovës është kryesisht i bazuar në konsum, me një mbështetje të konsiderueshme nga mërgata”, thuhet raport, shkruan Telegrafi.

Remitencat sipas kanaleve të dërgimit, janar-gusht 2021 | Burimi: BQK

BB thekson se rritja ekonomike është rikthyer në territor pozitiv gjatë tremujorit të katërt 2020.

“Ekonomia gjatë vitit 2020 u tkurr me 5.3 për qind, por informaliteti i lartë ka të ngjarë të zbeh ndikimin e plotë ekonomik dhe social të pandemisë. Punësimi formal tejkaloi ndikimin e pandemisë, por pjesëmarrja e ulët e fuqisë punëtore, veçanërisht për gratë, vazhdon të jetë ndër kufizimet kryesore në vend. Rritja ekonomike u kthye në territor pozitiv gjatë tremujorit të katërt të vitit 2020”, vijon BB.

Ndërsa, Banka Botërore thotë se që nga shpallja e pavarësisë, në Kosovë janë dërguar 12.6 miliardë euro, përcjell Telegrafi.

Sipas BB-së, pjesëmarrja e remitencave në Prodhimin e Brendshëm Bruto të Kosovës është 18.5 për qind.

Shuma e remitencave të dërguara sipas viteve në Kosovë: 2008 – 858 milionë euro, 2009 – 865 milionë euro, 2010 – 825 milionë, 2011 – 814 milionë euro, 2012 – 775 milionë euro, 2013 – 867 milionë euro, 2014 – 901 milionë euro, 2015 – 796 milionë euro, 2016 – 808 milionë euro, 2017 – 911 milionë euro, 2018 – 1.13 miliard euro, 2019 – 1.23 miliard euro dhe 2020 – 1.8 miliard euro.

Nga rezultatet preliminare të regjistrimit të diasporës, numri i qytetarëve të Kosovës që jetojnë në vende të ndryshme të Evropës dhe botës, të cilët i janë përgjigjur regjistrimit është rreth 350 mijë.

Continue Reading

Lajme

Dhunë fizike dhe psikologjike ndaj grave, arrestohen 2 persona

Published

on

By

Dhunë fizike dhe psikologjike ndaj grave, arrestohen 2 persona

Dy persona janë arrestuar në Tiranë e Durrës, pasi dyshohen se kanë ushtruar dhunë ndaj partnereve të tyre.

Në Durrës, u arrestua 38-vjeçari me iniciale B.K.për dhunë ndaj bashkëshortes.

Në Tiranë, u arrestua 33-vjeçari me iniciale L.R., pasi dyshohet se ka dhunuar fizikisht dhe psikologjikisht vajzën me të cilën bashkëjetonte. Policia njofton se pas padisë, ka lëshuar një urdhër mbrojtje për viktimën.
Të dyshuarit do të hetohet nga prokuroritë përkatëse të Tiranës dhe Durrësit.

Continue Reading

Lajme

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Published

on

By

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Maqedonia, Bullgaria dhe Shqipëria do të nënshkruajnë memorandumin trepalësh që do të nënshkruhet sot në Sofje.

Sipas njoftimeve nga kabineti i ministrit të Transportit, Blagoj Boçvarski po udhëton sot në Bullgarinë fqinje.

Ky memorandum është për përfundimin e Korridorit 8 dhe sipas qëllimit të deklaruar është përcaktimi i gatishmërisë së tre vendeve për planifikim afatgjatë dhe zhvillim të koordinuar të Korridorit 8 me fokus në projektet që janë me rëndësi më të madhe për rajonin dhe gatishmërinë për të zbatuar masat për transport të shpejtë dhe të pandërprerë të mallrave në pikat kufitare./Telegrafi/

Continue Reading

Aktuale