Connect with us

Lajmet kryesore

MSH: Fëmijët e pavaksinuar nuk do të regjistrohen nëpër shkolla

Published

on

Ministria e Shëndetësisë nuk reteron nga vendimi për të mos lejuar regjistrimin në shkollë dhe çerdhe të fëmijëve të cilët nuk kanë pranuar vaksinën kundër fruthit. Qëndrimin e përsëriti ministri Venko Filipçe i cili tha se vendimi i marrë edhe më herët ka dhënë rezultate pozitive andaj do të vlejë edhe më tej. Ai paralajmëroi edhe kontrolle të inspektoriatit sanitaro shëndetësor nëpër shkolla dhe kopshte për të parë nëse pranohen fëmijë të pavaksinuar.

“Nuk do të reterojmë nga ky vendim që qartazi sjell dobi dhe ajo është se numri i të sëmurëve është ulur dukshëm. Mund ta paramendoni se sa do të kishte të sëmurë nga fruthi dhe raste te vdekjeve nëse nuk do të sillnim vendim të tillë për vaksinim të obliguar. Inspektoriati shtetëror shendetësor dhe sanitar si për vërtetimet për vaksinim ashtu edhe për atë nëse janë rregjistruar fëmijë pa status të rregullt të vaksinimit dhe në bazë të kësaj do të meret edhe përgjegjësi”, ka thënë Venko Filipçe, Ministër i Shëndetësisë.

Ministri i Shëndetësisë njoftoi se pas marjes së vendimit për vaksinim të obligueshëm numri i rasteve të fëmijëve të infektuar dhe rasteve të vdekjeve ka rënë në mënyrë drastike. Javën e kaluar në mbarë vendin janë rregjistruar vetëm 5 fëmijë të prekur nga fruthi, prej të cilëve 4 kanë qenë në Shkup dhe një në Kumanovë dhe që të pestit kanë qenë të pa vaksinuar.

 

 

 

BURIMI: SHENJA

Continue Reading

Lajme

Snopçe: Nxënësve të Medresesë “Isa Beu” u mohohet e drejta që të regjistrohen në universitetet e këtij shteti

Published

on

Deputeti nga radhët e Aleancës për Shqiptarët në kuvend kritikoi qeverinë dhe Ministrinë e Arsimit dhe Shkencës për problemin e nxënësve të Medresesë “Isa Beu” në Shkup, përcjell in7

Deputeti Snopçe theksoi nxënësve të Medresesë “Isa Beu” u mohohet e drejta që të regjistrohen në universitetet e këtij shteti dhe detyrohen të regjistrohen në universitet e Turqisë.

“Janë rreth 180 maturantë që s’kanë të drejtë të regjistrohen. Janë rreth 550 nxënës të Medresesë Isa Beu të cilët vetëm e kryejnë shkollimin e mesëm dhe për shkak të mos pasjes së akreditimit nuk kanë të drejtë të regjistrohen në universitetet shtetërore. Paradoksi më i madh, shteti i Turqisë i pranon, mund të regjistrohen në Turqi, nuk mund të regjistrohen në universitetet e këtij shteti”, u shpreh deputeti Snop♪e

Ai theksoi si Aleanca për Shqiptarët do të nisin përgatitjen e ligjit për pranimin e diplomave të Medresesë “Isa Beu” në mënyrë që diplomat të pranohet nga shteti./in7.tv/

Continue Reading

Lajme

Ilire Dauti tregon se kë e shau dhe ofendoi Talat Xhaferi në gjuhën maqedone (Video)

Published

on

Sot në Kuvendin e Republikës së Maqedonisë së Veriut u mbajt seanca e 77-të plenare me një pikë të vetme të rendit të ditës, Interpelanca për punën e kryetarit të Kuvendit Talat Xhaferi, të paraqitur nga VMRO-DPMNE-ja opozitare, shkruan InfoShqip.

Në interpelancën e ngritur nga VMRO-DPMNE ka folur edhe deputetja e ASH-së, Ilire Dauti, ku në fjalimin e saj deputetja tregoi se kush ishte personi që kohë mëparë kryeparlamentari Talat Xhaferi e shau dhe ofendoi në gjuhen maqedonase.

“Pra opinioni e dëgjoi që Talat Xhaferi shau dhe ofendoi ata puntorë të cilët janë të punësuar këtu në kuvend. Por opinioni nuk e ka marrë vesht se kë shau në gjuhën maqedone Talat Xhaferi. A ishin shqiptarë ata të cilët ai i shau në gjuhën maqedone. Simbolika e sharjes në gjuhën maqedone të një shqiptari do të thotë shumë“, tha në fjalimin e saj deputetja e opozitës shqiptare Ilire Dauti.

Sharjet dhe ofendimet ndaj punonjësve të kuvendit që i referohet deputetja Ilire Dauti janë bërë në seancën parlamentare të datës 12 Maj, ku Talat Xhaferi ka sharë, ofenduar dhe kërcënuar punonjësit duke i ftuar të paraqiten në kabinetin e tij lidhur me angazhimin e tyre ndërsa kjo është transmetuar nga kanali i Kuvendit.

Për më shumë në vazhdim mund ta ndiqni fjalimin e plotë të deputetes nga ASH Ilire Dauti.

Continue Reading

Lajme

Sot votohet për herë të pestë në Tërnovc, shqiptarët e Luginës luftojnë për një vend në Kuvendin serb

Published

on

By

Sot votohet për herë të pestë në Tërnovc, shqiptarët e Luginës luftojnë për një vend në Kuvendin serb

Për herë të pestë banorët e fshatit Tërnovc i Madh të Bujanocit sot do t’i drejtohen kutive të votimit. Votat e tyre do të jenë përcaktuese nëse Shaip Kamberi do të jetë sërish deputeti i vetëm shqiptar në parlamentin serb apo nëse mandati do t’i takojë Partisë Socialiste të Serbisë (SPS) të Ivica Daçiq.

Të drejtë vote në shkollën fillore “Muharrem Kadriu” në këtë fshat kanë 1,089 votues. Koalicionit të Shqiptarëve të Luginës i nevojiten 610 vota për të hyrë në Kuvendin e Serbisë, ndërsa SPS të mos marrë asnjë pasi kjo do të rriste pragun zgjedhor.

Kandidati për një tjetër mandat, Shaip Kamberi, thotë se është i lodhur nga përsëritja e vazhdueshme, por shprehet se alternativë është vetëm dorëzimi ndaj së keqes.

“Jemi në luftë, jo thjesht për të zgjedhur një deputet, por për drejtësi, barazi e liri. Nuk po kërkojmë asgjë më tepër veç trajtimit të barabartë si qytetarë, trajtim të dinjitetshëm dhe të drejta jetike. Jam plotësisht i vetëdijshëm se kjo betejë për përfaqësim ka shkaktuar lodhje e frustrime të shumta të secili prej nesh, u bë e mërzitshme dhe e bezdisshme edhe për mua, por, alternativa e kësaj është dorëzimi. Dorëzimi ndaj atyre që nuk na duan të mirën. Kjo nuk është luftë për ta rehatuar një person, ashtu siç po tentojnë ta paraqesin disa. Përfaqësimi nuk ka të bëjë me këtë, sepse fati i një personi është absolutisht i parëndësishëm në raport me fatin tonë kolektiv”, tha një ditë më parë.

Kamberi tha se beteja e sotmeka të bëjë me rezistencën politike të shqiptarëve në Serbi, artikulimin e kërkesave të shqiptarëve në mënyrë të qartë e të drejtë dhe vazhdimin e luftës për jetë dinjitoze.

“Nënshtrimi dhe dorëzimi nuk është diçka që zgjedhin popujt e shtypur, nuk duhet ta zgjedhim as ne. Rezistencën ja kemi borxh dëshmorëve e gjeneratave e gjeneratave të njerëzve që janë flijuar për liri e drejtësi. Ja kemi borxh edhe atyre 9500 votave që i ka lista jonë në këto momente, të cilat do të shpërdohen pa 610 votat e lagjes së Strukarëve”, shtoi Kamberi.

Si në të gjithë territorin administrativ serb, edhe në Tërnovc zgjedhjet u mbajtën më 3 prill. Më 21 të po atij muaji Gjykata Administrative në Nish urdhëroi përsëritjen e zgjedhjeve në këtë fshat për shkak të parregullsive.

Zgjedhjet u përsëritën më 28 prill. Pjesëmarrja në votime ishte 64% dhe Koalicioni i Shqiptarëve të Luginës mori 677 vota dhe kështu Kamberi siguroi mandatin e deputetit. Mirëpo, Partia Socialiste e Serbisë së Iviça Daçiqit kërkoi të ëprsëriteshin zgjedhjet pasi një qytetar kishte votuar pa dokumente të vlefshme personale, Kërkesa u miratua.

Zgjedhjet u mbajtën sërish më 27 maj në Tërnovc të Madh. Në votime morën pjesë 618 votues, Kamberi mori 598 vota, të pamjaftueshme për t’u zgjedhur deputet. Koalicioni i Shqiptarëve të Luginës kontestoi procesin pasi tha se një person kishte votuar pa letërnjoftim. Komisioni zgjedhor nuk i dha të drejtë, por Gjykata Administrative urdhëroi votim të ri.

Në votimin e katërt radhazi, më 23 qershor, ka pasur alarm të rremë për bombë në qendrën e votimit. Për këtë arsye nuk pati votime.

Presidenti i Serbisë, Aleksandër Vuçiq, i pyetur ditë më parë rreth procesit në Tërnovc, tha se nuk e kishte shumë të qartë se çfarë po ndodhte atje.

Gjithsesi, pa certifikimin e rezultatit edhe në Tërnovc zgjedhjet nuk janë të mbyllura dhe as Kuvendi i ri i Serbisë nuk mund të mblidhet dhe për të filluar mandatin e tij.

Në zgjedhjet e vitit 2020 shqiptarët morën tre mandate pasi garuan të bashkuar, ndërsa këtë vit zgjodhën që të garojnë në dy lista të ndryshme dhe rrjedhimisht ende nuk e kanë të sigurt asnjë mandat.

Continue Reading

Aktuale