Connect with us

Lajme

Zgjedhjet partiake në BDI, konsolidohen disa degë

Published

on

Në prag të kongresit të nëntorit, degët lokale të BDI-së vazhdojnë konsolidimin dhe proceset e brendshme zgjedhore. Siç mëson ALSAT, deri tani ky proces ka përfunduar në Saraj, ndërkohë që në fazë finale është edhe në Çair, Kërçovë, e Gostivar. Në Çair, burimet partiake, konfirmojnë se ish-kryetari i komunës, Izet Mexhiti gëzon mbështetjen më të madhe të nëndegëve të kësaj komune dhe sipas të gjitha gjasave në kuvendin e së dielës, do të jetë kandidati i vetëm për të kryesuar me partinë në këtë degë. Alsat po ashtu mëson se në Kërçovë, kandidat serioz për të kryesuar me partinë do të jetë femër. Ndërsa në Gostivar, zgjedhjet për degën kanë ngjallur përsëri apetitet tek ish-kryetari Nevzat Bejta i cili mund të garojë, në rast të kërkesës nga anëtarësia lokale e partisë. I pyetur nga ALSAT, Bejta ka thënë se procesi zgjedhor brenda partiak është demokratik, ndërsa kryetarët e degëve nga ky proces, do të zgjidhet me vendim të anëtarëve të degës dhe pëlqimin e kryetarit Ali Ahmeti. Sekretari organizativ i partisë, Artan Grubi, thotë se shumica e kryetarëve të degëve do të jenë figura të reja.

“Në Saraj kemi kryetar të ri të degës, dhe në Çair do të kemi një kryetar të ri të degës. Vlerësoj se edhe në Strugë mund të kemi një kryetar të ri të degës, në Kërçovë do të kemi kryetar të ri të degës së Kërçovës. Sipas trendëve të cilat unë po i shoh gjithashtu në Dibër në Tetovë dhe në degë të tjera e shoh një entuziazëm tek rinia, tek strukturat e reja të BDI-së që janë rritur aty nga 2002 deri më sot dhe kanë dëshirën që të marrin përgjegjësinë e vetë– tha Artan Grubi, sekretar organizativ i BDI-së.

Megjithatë, nga BDI-ja nuk komentojnë qëndrimin e mëhershëm se krerët e vjetër të degëve të BDI-së do të organizonin dhe koordinonin vetëm zgjedhjet e brendshme, por nuk do të marrin më këtë detyrë. Pas përfundimit të zgjedhjeve të brendshme partiake, BDI-ja ka caktuar kongresin i cili do të duhet të mbahet në pjesën e dytë të muajit nëntor. Sipas informatave, ky është kongresi i 4-të zgjedhor i partisë.

 

Mefail Ismaili – ALSAT

Continue Reading

Lajme

“Qan si kalama”: Shtypi grek, me tërbim ndaj kryediplomatit turk pas talljes ndaj Dendias-it

Published

on

Mediat greke kanë reaguar ashpër ndaj deklaratës së bujshme të shefit diplomacisë turke Mevlut Çausoglu se homologu i tij grek qan dhe sillët si fëmijë para aleatëve të NATO-s duke u ankuar për Turqinë, raporton abcnews.al.

“Protothema” e çuan të çmendur ministrin e Jashtëm të Turqisë duke shkruajtur se turqve nuk u ka mbetur asnjë aleat në rajon, ndryshe nga Greqia që sipas kësaj medieje kanë pas Francën, SHBA-të dhe të gjithë Perëndimin.

Ndërkohë, “Kathimerini” është disi më e përmbajtur duke shkruajtur se gjuha e përdorur nga ministri i Turqisë nuk është gjuha e një diplomati karriere.

“Artikulimi i tij është i paprecedentë”, shkruan gazeta greke.

“Skai” e cilëson një gjuhë provokative nga turqit për shkak të irritimit të tyre pasi Greqia ka zgjeruar aleancat e saj në rajonin e Mesdheut duke marrë sëfundmi në krah edhe Egjiptin, krahas Francës dhe Izraelit.

Ndërkohë, “Newsbomb.gr”, e konsideron gjuhën e Çavuoglu si të pakonceptueshme për një person në pozicionin e tij.

“Artikulimi i ministrit turk kalon çdo limit”, shkruan kjo media.

Gjatë mbrëmjes së djeshme, ministry i Jashtëm i Turqisë deklaroi se homologu i tij grek nuk humb asnjë rast që t’i ankohet aleatëve të NATO-s kundër turqve.

“Nuk ka ditë që ai të mos qajë para udhëheqësve të shteteve të tjera duke u ankuar për ne. Qan në çdo mbledhje dhe dridhet si fëmijë”, tha Çavusoglu.

Greqia ka arritur disa marrëveshje për blerjes armësh nga Franca gjatë muajve të fundit, gjë që pritet të rikthejë balancën e forcave në Mesdhe, e cila deri më tani ka anuar nga Turqia.

Përjashtimi i Turqisë nga programi i avionëve F-35, vonesat në modernizimin e avionëve F-16 si edhe probleme të tjera me sistemet raketore anti-ajrore, e kanë bërë Turqinë një kundërshtar më të lehtë për grekët dhe Francën në Mesdhe. /abcnews.al/

Continue Reading

Lajme

Levica i bashkohet VMRO-së në këshillin e qytetit të Shkupit

Published

on

Partia Levica sot ka konfirmuar se janë bashkuar me VMRO-DPMNE-në në Këshillin e Shkupit, ku si parti opozita parlamentare do të ketë shumicë prej 24 këshilltarëve, informon Zhurnal.

Përpos Levicës, e cila ka katër këshilltarë në shumicën e re, përshkaj VMRO-DPMNE-së me 18 këshilltarë, dy i përkasin edhe Aleancës për Shqiptarët dhe Alternativës, kështu të gjitha së bashku përbëjnë shumicën prej 24 këshilltarëve.

“Zyrtarisht BDI dhe LSDM e humbën pushtetin lokal në kryeqytet. Opozita parlamentare siguroi shumicë në këshillin e Shkupit”, thuhet në komunikatën e Levicës./Zhurnal.mk/

Continue Reading

Lajme

LVV-ja në garë në 12 komuna, Kurti flet për balotazhet

Published

on

Kryeministri i Kosovës, Albin Kurti, ka thënë se partia e tij, Lëvizja Vetëvendosje, synon dhe dëshiron që të fitojë në komunat në të cilat do të garojë në balotazh më 14 nëntor.

“Ne do të përpiqemi që gjithçka të shkojë në rregull, sa i përket procesit, pra të mos ketë incidente, të jenë zgjedhje demokratike, e të lira, fer, pra të ndershme dhe si Qeveri e Kosovës jemi në mbështetje të të gjitha institucioneve, mekanizmat shtetërorë që do t’i organizojnë zgjedhje e natyrisht synojmë e dëshirojmë që të fitojmë”, tha ai për EO.

Sipas rezultateve të KQZ-së, së paku në 19 komuna janë shënuar fitore të partive politike që në raundin e parë, ndërsa, 19 komuna tjera shkojnë në raundin e dytë të zgjedhjeve lokale që do të mbahen më 14 nëntor.

Në raundin e dytë të zgjedhjeve, i cili do të mbahet më 14 nëntor konkurrente në balotazh do të jenë: Gjakova (AAK-LVV), Rahoveci (AAK-LVV), Gjilani (LVV-LDK), Dragashi (PDK-LDK), Klina (AAK-PDK), Kamenica (PSD-LVV), Podujeva (LVV-LDK), Prishtina (LVV-LDK), Prizreni (LVV-PDK), Vitia (LDK-LVV), Vushtrria (PDK-LDK), Malisheva (Nisma-PDK), Juniku (AAK-LDK), Mamusha (KDTP-KATP), Gllogovc (PDK-DD), Kllokot (Lista Serbe-GI SNS), Istog (LDK-AAK) dhe Shtime (PDK-LVV).

Continue Reading

Aktuale