Connect with us

Lajme

Ekspertët/Maqedonia e Veriut të ruajë stabilitetin politik

Published

on

Maqedonia e Veriut si shtet duhet të tregohet e kujdesshme me veprimet e saj për të ruajtur stabilitetin e brendshëm politik, që të mund t’u bëj ballë goditjeve eventuale që mund të marrë nga grupe të caktuara, në këtë periudhë të para-anëtarësimit të vendit në NATO, theksojnë ekspertët për çështje të sigurisë.

Këto komente vijnë pasi presidenti i Maqedonisë së Veriut Stevo Pendarovski pas takimit të Këshillit të Sigurisë ka theksuar se “gjatë 40-50 ditëve të ardhshme, Maqedonia e Veriut si shtet hyn në një periudhë që mund të jetë turbulente edhe nga aspekti politik edhe nga ai i sigurisë, për shkak se vendi pret ratifikimin e anëtarësimit në NATO dhe në mesin e muajit të ardhshëm pritet dhe caktimi i datës për fillim të negociatave me BE-në”.

“Në bazë të përvojës sigurisht se nuk na pret një periudhë e qetë, megjithatë sipas analizave nga qendrat analitike botërore mund të konstatojmë se Rusia si shtet nuk do të ndërmarrë ndonjë ofensivë politike për të penguar anëtarësimin e Maqedonisë së Veriut në aleancën veri-atlantike”, thotë për Radion Evropa e Lirë, ish ministri i Punëve të Brendshme, Pavle Trajanov.

Ndërkaq, Mersel Billalli, analist politik, thotë se stabiliteti i brendshëm është vendimtar për sigurinë e përgjithshme të Maqedonisë së Veriut në këtë situatë delikate në të cilën ndodhet shteti para anëtarësimit në NATO dhe pritjes për të marrë datën për fillimin e bisedimeve, megjithatë ai i quan të tepruara vlerësimet e presidentit të shtetit se vendin e pret një periudhë turbulente.

“Të gjitha ato forca që janë anti-NATO dhe anti-perëndimore, prezente këtu në shtet edhe përmes forcave politike nuk kanë fuqi ose do të thosha se tanimë e kanë hargjuar fuqinë e tyre që të ndërmarrin ndonjë aktivitet apo aksion i cili do ta humbiste orientimin e Maqedonisë së Veriut drejt strukturave euroatlantike. Unë mendoj se janë paksa të tepruara këto deklarata të presidentit të shtetit”, thotë Billalli.

Ndërkaq, ish ministri i Punëve të Brendshme, Pavle Trajanov, duke komentuar qëndrimin e presidentit të Shtetit Stevo Pendarovski se gjatë periudhës së ardhshme duhet t’i kushtohet kujdes edhe dialogut Prishtinë-Beograd, pasi Maqedonisë së Veriut mund t’i kanosen rreziqet edhe nga rifillimi i negociatave mes Kosovës dhe Serbisë, thotë se ideja për Shqipërinë e madhe është e kamotshme, por në këtë situatë, proceset nuk do të kenë implikim edhe ndaj Maqedonisë së Veriut.

“Kjo është një tezë më e thjeshtë që shumë kohë po plasohet, por nëse ndodhë kjo, që qëndrojnë në atë proces rreth ndarjes së Kosovës, gjegjësisht bashkëngjitjen e Luginës së Preshevës me Kosovën, ndërsa Mitrovica me Serbinë, gjithsesi me gjithë rreziqet e mundshme, vlerësimi im personal është se nuk do të ketë implikime negative ndaj zhvillimeve në Maqedoninë e Veriut”, thotë Trajanov.

Ndërkaq, Mersel Billalli, njohës i çështjeve politike, konsideron se Maqedonia e Veriut si shtet me anëtarësimin e saj në NATO mbyll çdo mundësi për tu kapluar nga implikimi i ndryshimit eventual të kufijve në mes shteteve të rajonit, përkatësisht Kosovës dhe Serbisë.

“Pozicioni i Maqedonisë së Veriut që i kundërvihet mundësisë së këmbimit të territoreve mes Serbisë dhe Kosovës, pra si marrëveshje mes këtyre dy shteteve, akoma rezonohet si mundësi e hapjes së kutisë së Pandorës, mendoj se kjo çështje është e tejkaluar.

“Çdo marrëveshje eventuale mes Kosovës dhe Serbisë mendoj se do të jetë marrëveshje mes dy shteteve dhe atë vullnet e ka çdo shtet për të mbyllur çështjet e hapura”, thotë Billalli.

Ndryshe, presidenti i Maqedonisë së Veriut, Stevo Pendarovski, pas mbledhjes së Këshillit për Siguri ka theksuar se gjatë periudhës së ardhshme duhet t’i kushtohet kujdes edhe dialogut Prishtinë-Beograd, pasi vendit të tij mund t’i kanosen rreziqet edhe nga rifillimi i negociatave mes Kosovës dhe Serbisë.

“Nga faktorët ndërkombëtar më me ndikim vijnë disa gjysmë-informata se së shpejti mund të rigjallërohen negociatat mes Kosovës dhe Serbisë, pavarësisht se në Kosovë së shpejti do të ketë zgjedhje, po ashtu në pranverë edhe në Serbi do të ketë zgjedhje. Por, kjo çështje vetvetiu ka një potencial të madh të ndikon në mënyrë pozitive ose negative në vendet e rajonit të Ballkanit Perëndimor. Ne kufizohemi me të dy shtetet në Veriun tonë dhe patjetër të jemi të gatshëm për të gjitha mundësitë që eventualisht mund të ndodhin në suaza të negociatave”, ka theksuar presidenti i Maqedonisë së Veriut, Stevo Pendarovski.

 

BURIMI: Aktuale

Continue Reading

Lajme

Nikolloski: Bullgarët duan të hyjnë në pjesën normative të Kushtetutës, e aty nuk janë as shqiptarët

Published

on

Nënkryetari i VMRO-DPMNE-së, Aleksandar Nikolloski sonte në TV21 theksoi se Bullgaria dëshiron të hyjë në pjesën normative të Kushtetutës, përcjell FLAKA.

Ai shton se aty nuk janë as shqiptarët.

“Bullgarët duan të hyjnë në pjesën normative të Kushtetutës. Për t’ia thjeshtuar publikut Kushtetuta ka një hyrje që quhet Preambulë dhe më pas fillojnë nenet nga të cilat nxirret e gjithë korniza ligjore në Maqedoni dhe quhet pjesa normative. Në pjesën normative ka vetëm maqedonas, madje edhe shqiptarët si bashkësi e dytë etnike në Maqedoni nuk figurojnë në pjesën normative”, tha Nikolloski. /FLAKA/

Continue Reading

Lajme

Së shpejti do të punësohen 50 mjek të ri për shkak të mungesës nëpër Klinika

Published

on

Mjekët dhe personeli tjetër mjekësor në Qendrën Klinike të cilët kanë arritur moshën e pensionit, nga sot përfundojnë punën në Klinikë, përkundër kërkesës së tyre për të vazhduar edhe për tre vjet.

Nga Ministria e Shëndetësisë thonë se puna pas pensionit për disa mjekë nuk mund të vazhdojë për shkak se nuk kanë plotësuar numrin e intervenimeve e nuk janë treguar efikas në trajtimet mjekësore. Ministri i shëndetësisë Sali tha se me këtë hapet mundësia për punësimin e studentëve të posadiplomuar.

“Sot sillet vendimi që një pjese të kërkesave të tyre tu përgjigjemi pozitivisht për tu vazhduar edhe një vit puna, ndërsa pjesa tjetër do të pensionohen me qëllim të mundësimit për të punësuar kuadër të ri cilësor që ende presin. Kam paralajmëruar për nismën e punësimin e 50 studentëve më të suksesshëm që kanë kryer medicinën me përfaqësim inkluziv nga Universiteti ‘Goce Dellçev’ i Shtipit dhe Universiteti i Tetovës”, tha Bekim Sali, Ministër i Shëndetësisë.

Sindikata e Qendrës Klinike thonë se bëhet fjalë për 80 mjekë, ndërsa Sali tha se në listë janë rreth 30. Alsat siguroi një listë në të cilën figurojnë 48 mjekë që dalin në pension.

Lista e doktorëve të sapo pensionuar: “13 nga Pediatria, 7 nga Klinika infektive, 5 nga Hematologjia, 4 nga Ortopedia, nga 3 prej Kardiologjisë, Pulmologjisë e Reumatologjisë, 2 prej Karil, Psikiatëri, Endokrinologji dhe Gastro, 1 në Traumatologji.”

Nga Sindikata e Qendrës Klinike insistojnë që po u shkelet e drejta e tyre ligjore, duke u thirrur në Ligjin për marrëdhënie pune dhe Ligjin për mbrojtje shëndetësore. Paralajmërojnë padi.

“Ligji është i qartë, nuk ka kritere të listës së pritjes sa studentë presin për punësim. Ligji këtë nuk lejon! E obligon si ministrin ashtu edhe drejtorët të ju vazhdoj punën kuadrit të specializuar, që nuk zëvendësohet brenda natës. E gjatë është përgatitja e doktorëve që tu thuash lehtësisht shkoni ju që keni mbushur 64 vjet. Ku është luks i madh i shtetit tonë”, u shpreh Goran Begoviq, Drejtor i Sindikatës së Qendër Klinike.

Në nivel vendi, numri i mjekëve që do të pensionohen sot kalon mbi 100. Mungesa më e dukshme do të thellohet në Spitalin e Kumanovës ku sot u pensionuan 5 specialistë, hiç më mirë nuk është as në spitalet tjera.

Continue Reading

Lajme

Mickoski: Nga e di Edi Rama se propozimi francez është i mirë?!

Published

on

Kryetari i VMRO-DPMNE-së propozimin e ri francez e ka quajtur “nokaut” për diplomacinë e Maqedonisë. Ai ka theksuar se nëse ky propozim ddo të ishte I mirë për vendin, nuk do të pranohej menjëherë nga autoritetet e Sofjes.

Mickoski, sic njofton KlanM, ka parashtruar pyetjen se nga ku I ka informacionet Kryeministri I Shqipërisë Edi Rama se propozimi I ri francez është I mirë, sic tha, ku negociatat I ka zhvilluar Ministri I Jashtëm Bujar Osmani, kurse për këtë nuk është konsultuar partia e tij.

“Nga e di Edi Rama këtë informacion është arsyeja e dytë kurse e para është se qeveria bullgare në doërheqje menjëherë e pranoi. VMRO-DPMNE asnjëherë nuk do të pranojë një marrëveshje të dëmshme” – tha Mickoski.

Kryetari I VMRO-DPMNE-së I bëri thirrje Qeverisë që propozimin e ri francez ta publikojë në ueb-faqen e Qeverisë.

Continue Reading

Aktuale