Connect with us

Lajme

Konkurset në Maqedoni me avazin e vjetër, pa shqiptarë

Published

on

Konkurs nga Ministria e Shëndetësisë, vende të lira për maqedonas dhe turq.

Inspektorati Shtetëror Sanitar dhe Shëndetësor pranë Ministrisë së Shëndetësisë, ka hapur këto ditë konkurs për punësimin e 5 punonjësve, me titull inspektor i ri dhe referent i pavaraur. Punonjësit kërkohen për përfaqësitë e këtij inspektorati në Çair, Tetovë, Mansatir, Kisella Vodë dhe Gjevgjeli, përcjell in7.

Përveç kushteve të përgjithshme dhe të veçanta të konkursit, të cilat një kandidat duhet ti plotësojë për të konkuruar, në fund të çdo pozite pune jepen udhëzime edhe për përkatësinë etnike të kandidatëve. Nga 5 pozitat e kërkuara, 4 janë rezervuar për maqedonas dhe një për kandidat turk. Asnjë pozitë nuk është paraparë për punonjës shqiptar.

“Vërejtje: Punësime të parapara sipas planit vjetor të institucionit për vitin 2019 janë: 1 Maqedonas” – shkruhet në 4 pozitat e kërkuara për punësim, ndërsa veç tek njëra, tek vendi i punës për në Tetovë, kërkohet që kandidati të jetë turk, përcjell in7.

Përfaqësimi i drejtë dhe adekuat në institucionet shtetërore ka qënë një nga temat më të përfolura në vitet e fundit, por që është aktuale edhe sot. Partitë politike në çdo fushatë premtojnë përfaqësim të drejtë. Nga ana tjetër, kjo ka qënë edhe një nga shtyllat e Marrëveshjes së Ohrit të vitit 2001.

Për të mësuar më shumë rreth Planit vjetor për punësime në Inspektoratin Sanitar dhe Shëndetësor, in7 do të kërkojë informacione zyrtare nga dita e Martë, pasi e Hëna është ditë pushimi, për shkak të festës së pavarësisë së Maqedonisë së Veriut.
Do të kërkojmë informacion edhe për numrin dhe përqindjen e përfaqësimit të shqiptarëve në këtë institucion, si dhe përqindjen e përfaqësimit në pozitat drejtuese të institucionit.
Inspektorati Shtetëror Sanitar dhe Shëndetësor drejtohet nga Irinka Sotirova Bukova.

Kohë më parë in7 shkroi edhe për një konkurs të Drejtorisë për Polici Financiare, ku për pozitat drejtuese kërkoheshin vetëm maqedonas, ndërsa shqiptarë për pozita më të ulëta në këtë institucion./in7.tv/

Shikoni konkursin e plotë duke klikuar KËTU

Continue Reading

Lajme

ASH-dega Studeniçan: Ne mbështesim dhe përkrahim Azem Sadikin

Published

on

By

ASH-dega Studeniçan: Ne mbështesim dhe përkrahim Azem Sadikin

Dega e Aleancës për Shqiptarët (ASH) – në Komunën e Studeniçanit në rrethinë e dytë të zgjedhjeve lokale mbështet me strukturat e saj kryetarin aktual edhe për një mandat, Azem Sadiki.

Këtë e ka bërë të ditur kreu i degës së ASH-së në Karshiakë, Avdil Imeri. “Vendim shumë i lehtë për strukturat e Aleancës për Shqiptaret se kënd duhet te përkrahim më 31 tetor ne Karshiakë. Punët e mira i prekim dhe i shohim çdo ditë andaj apelojmë te çdo anëtar dhe simpatizues i ASH-së si dhe te çdo banor i komunës tonë që fuqishëm te mbështesim kryetarin aktual z. Azem Sadiki që të vazhdojnë punët e mira për banorët e Karshiakës. -Te votojmë drejt dhe pastër, #Voto11”, ka bërë të ditur Imeri.

Në anën tjetër, pak orë më parë sekretari gjeneral i Aleancës për shqiptarët (ASH), Arben Taravari i ftuar në Tv Klan-M duke folur për mbështetjen e partisë së tij për kandidatët nëpër komunat ku nuk garon ASH-ja në rrethinë e dytë, ka theksuar se anëtarësi e ASH-së në Studeniçan është për mbështetje të kryetarit aktual të komunës Azem Sadiki.

“Në Studeniçan në parim, edhe pse nuk e kemi biseduar, logjika ime është që duhet të përkrahet ai kandidat që nuk është i BDI-së. S’kemi qëndrim partie po në parim e shoh se anëtarësia më së shumti duan ta votojnë atë që nuk është BDI. Por përsëri ato le të vendosin vet”, ka theksuar Taravari.

Continue Reading

Lajme

MPB: Letërnjoftimet do të mund të merren edhe të shtunën dhe të dielën

Published

on

By

MPB: Letërnjoftimet do të mund të merren edhe të shtunën dhe të dielën

Në prag të raundit të dytë të zgjedhjeve lokale, që do të mbahen të dielën (31 tetor), MPB informon se edhe të shtunën edhe të dielën do të punojnë shërbimet administrative në komunat ku do të ketë votim, ndërsa qytetarët do të mund t’i marrin letërnjoftimet.

Departamenti i Çështjeve Civile, përkatësisht drejtoritë për punë administrative të kësaj njësie organizative në kuadër të MPB-së në Kumanovë, Veles, Ohër dhe Tetovë me të gjitha njësitë rajonale në kuadër të tyre më 30.10.2021 do të punojnë në pranimin dhe lëshimin e letërnjoftimeve me orar të rregullt, prej orës 08.00 deri në 16.00.

Nga MPB njoftojnë se njëkohësisht, Departamenti për Çështje Administrative – Shkup do të punojë për pranimin dhe dhënien e letërnjoftimeve me orar të rregullt të punës nga ora 08:00 deri në 16:00 vetëm në objektin e RTVM-së më 30.10.2021 (e shtunë).

“Të dielën, më 31 tetor 2021, të gjitha njësitë organizative kompetente të listuara do të punojnë vetëm në dhënien e letërnjoftimeve të përgatitura për qytetarët me orar të punës nga ora 07:00 deri në 19:00, duke përfshirë edhe pikat e shpërndara në Shkup (Gjorçe Petrov, Beko, Butel dhe Draçevë)”, thonë nga MPB.

Continue Reading

Kosovë

Kurti për kërcënimin: Nuk ndjehem i rrezikuar, s’e kam ndryshuar agjendën

Published

on

By

Kurti për kërcënimin: Nuk ndjehem i rrezikuar, s’e kam ndryshuar agjendën

Kryeministri i Kosovës Albini Kurti, ka folur në konferencë për media për kërcënimet që ka marrë nëpërmjet rrjeteve sociale.

Në një postim në Facebook, një person me llogari false kishte thënë se do të paguante para për vrasjen e Kurtit.

Kurti ka thënë se nuk ndihet i kërcënuar dhe se nuk e ka ndryshuar agjendën që e kishte të planifikuar. Ai nuk ka dhënë detaje se për çka është kërcënuar dhe nga kush.

“Unë nuk ndjehem i rrezikuar, por janë organet e sigurisë që i vlerësojnë rrethanat e caktuara, përndryshe unë as dje e as sot nuk e kam ndryshuar agjendën time”, tha Kurti.

Kurti u përgjigj edhe sa i përket pyetjes për braktisjen e institucioneve nga përfaqësuesit serb.

“Mund të ketë pretekste të imagjinuara, por nuk ka arsye që përfaqësuesit serb t’i braktisin institucionet”, tha Kurti.

Burimi

Continue Reading

Aktuale