Connect with us

Lajme

Nuk ka marrëveshje, bisedimet për prokurorinë vazhdojnë javën tjetër

Published

on

Edhe një takim pa epilog i grupeve të punës rreth Ligjit për prokurorinë publike. Takimi i sotëm zgjati vetëm një orë e gjysmë. Pas takimit ministrja Renata Deskovska deklaroi se vendimi i prokurores speciale Katica Janeva, që lëndët e PSP-së ti marrë kryeprokurori Lubomir Jovevski, ka ndikuar negativisht tek opozita maqedonase për arritjen e konsensusit.

Sundoi një ndjenjë se opozita ishte indiferente në këto bisedime, ndjenjë e mospasjes së vullnetit për tu inkuadruar në biseda thelbësore, një ndjenjë e dëshpërimit që ndodhi me letrën e prokurores speciale, mendoj se kjo me siguri ndikoi në angazhimin e tyre në negociata, siç mund të them se nuk kishte diçka thelbësore që u pastrua ose nuk u soll ndonjë konstatim i posaçëm”-pohoi Renata Deskovska, ministre e Drejtësisë.

Antonio Milloshovski nga VMRO-DPMNE, ndërkaq akuzoi pushtetin për mungesë të vullnetit politik dhe tha se ka ndryshuar taktikat në bisedime. Letrën e Katica Janevës dhe pranimin e lëndëve të PSP-së nga Prokurori Jovevski, MIlloshovski i quajti si skenar i koordinuar mes Janevës, pushtetit dhe prokurorisë.

Është  dukshme se letrat e Katica Janevës nuk janë iniciativë e saj e pavarur, përkundrazi bëhet fjalë për një aksion mirë të koordinuar mes kryeministrit Zaev, reketueses Katica Janeva, ministres së drejtësisë, Villma Ruskovskës dhe prokurorit Jovevski. Mendoj se ky koordinim pasqyron ato veprime të cilat i merr tashmë e paraburgosura, prokurorja speciale Katica Janeva”- pohoi Antonio Milloshovski, VMRO-DPMNE.

Kryeministri Zoran Zaev më herët u shpreh optimist për arritjen e marrëveshjes ndërkaq tha se ishte gatshëm të përfshihet në proces së bashku edhe me Mickoskin për arritjen e konsensusit për ligjin për prokurorinë publike.

Me kënaqësi rri në dispozicion të grupit të punës që të përfshihem edhe unë edhe z.Mickovski i cili me siguri do të pranojë. Çështja është serioze, nuk jemi larg zgjidhjes, mund të gjendet zgjidhje. Dikush do të thotë se ky përsëri optimist, po pa qenë optimist nuk mund të gjendet zgjidhje. 15 shtatori vjen edhe të mos gjendet zgjidhje lëndët do të shkojnë tek prokurori shtetëror, edhe të ketë zgjidhje lëndët përsëri do të shkojnë tek prokurori shtetëror. Gjithsesi se kjo është zgjidhja”-tha Zoran Zaev, kryeministër.

Përfaqësuesit e grupeve të punës thanë se takimin e radhës do ta kenë pas festës së 8 shtatorit.

ALSAT

 

Continue Reading

Lajme

Treni në Maqedoni përplas për vdekje dy emigrantë që flinin në hekurudhë

Published

on

Policia në Maqedoninë e Veriut njoftoi se dy emigrantë humbën jetën në jug të vendit, mëngjesin e të mërkurës herët të mërkurën kur një tren mallrash i goditi teksa flinin pranë shinave në errësirë.

Ngjarja ka ndodhur gjatë natës jashtë Miravcit, një fshat afër kufirit me Greqinë. Policia tha se dy emigrantët vdiqën menjëherë. Ata nuk dhanë asnjë informacion mbi identitetin apo kombësinë e viktimave.

Në njoftimin e Ministrisë së Punëve të Brendshme të Maqedonisë së Veriut thuhet se të mërkurën në ora 02:20 në Stacionin Policor të Gjevgjelisë është raportuar se në linjën hekurudhore, ndërmjet stacionit hekurudhor Miravci dhe stacionit hekurudhor të Klisurës, një tren mallrash i cili udhëtonte në linjën Stacioni Hekurudhor Gjevgjeli – Ngarkesa Trubarevë, ka goditur dy persona të cilët kanë qenë të shtrirë në hekurudhë. Organet kompetente po punojnë për identifikimin e trupave të pajetë.

Emigrantët shpesh përdorin shinat hekurudhore si udhërrëfyes ndërsa në mënyrë klandestine nisen drejt Evropës qendrore. Një aksident i ngjashëm vrau 14 emigrantë nga Afganistani dhe Somalia në vitin 2015-të.

Policia tha se ka kapur qindra emigrantë në muajt e fundit pasi e ashtuquajtura rrugë ballkanike, e cila kalon përmes Maqedonisë së Veriut, është bërë më aktive pas heqjes së kufizimeve të udhëtimit nga COVID-19.

Continue Reading

Bota

Stoltenberg: Marrëdhëniet me Rusinë në gjendjen më të keqe që nga Lufta e Ftohtë

Published

on

I pyetur nëse NATO po supozon se ne po hyjmë në një Luftë të dytë të Ftohtë, Stoltenberg thotë se NATO është përpjekur për marrëdhënie më të mira me Rusinë për dekada, përcjell Bota sot.

I pyetur nëse NATO po supozon se ne po hyjmë në një Luftë të dytë të Ftohtë, Stoltenberg thotë se NATO është përpjekur për marrëdhënie më të mira me Rusinë për dekada, përcjell Bota sot.

Ai thotë se Rusia u ftua të merrte pjesë në shumë aktivitete dhe u konsiderua një partner strategjik i NATO-s në vitin 2010, por “është Rusia ajo që u largua” nga përpjekjet për të ndërtuar partneritet.

Ai e ka bërë këtë me një model sjelljeje – duke përdorur forcën kundër Gjeorgjisë, duke aneksuar Krimenë dhe duke përdorur forcën në Donbas në Ukrainën lindore që nga viti 2014, thotë ai.

Marrëdhëniet e NATO-s me Rusinë janë në nivelin më të ulët që nga fundi i Luftës së Ftohtë, thotë ai, por nuk ka dyshim se përgjegjësia për këtë është nga Rusia.

Ai thotë se anëtarët e NATO-s dhe vendet e tjera me të njëjtin mendim dëshirojnë t’u drejtohen vendeve që “nuk janë po aq të mendimit”, por “ne nuk mund të jemi naivë” dhe ka nevojë të sigurohet se nuk ka rrezik për ndonjë veprim ushtarak kundër një vend i NATO-s.

Continue Reading

Kosovë

Qeveria e Kosovës obligon kthimin në RKS të targave të komunave paralele

Published

on

Qeveria e Kosovës ka vendosur masa reciprociteti për hyrje të shtetasve të Serbisë në Kosovë. Në mbledhjen elektronike, Qeveria Kurti vendosi që aplikojë të njëjtën masë, sikur Beogradi zyrtar, që nuk pranon letërnjoftimin, por në hyrje kosovarët i pajisë me një letër që zëvendëson dokumentet e identifikimit. Në njoftimin për media të qeverisë thuhet se gjithashtu është marrë vendim që banorëve, kryesisht në veri të vendit që kanë targa të lëshuara nga Serbia, por në emër të qyteteve të Kosovës, t’ua japë edhe një shans,”të fundit”, për kthim në targa RKS. Sipas Qeverisë, pronarëve të veturave me këto targa u është mundësuar që kthimin në RKS ta bëjnë në periudhën 1 gusht 2022 – 31 shtator 2022.

Miratimin e kabinetit qeveritar e mori edhe vendimi sipas të cilit çdo person që paraqitet për kalim të kufirit shtetëror me dokument të identifikimit personal të lëshuar nga autoritetet e Serbisë, të pajiset në pikë-kalimet kufitare me një fletë-deklarim që përkohësisht e zëvendëson përdorimin e dokumentit të tillë. Fletë-deklarimi do të krijojë bazë për qarkullim në territorin e Republikës së Kosovës dhe për shfrytëzim brenda institucioneve shtetërore.

Gjithashtu, sipas vendimit, automjetet me targa të regjistrimit të Serbisë që paraqiten për kalim të kufirit shtetëror dhe kanë për qëllim të lëvizin në territorin e Republikës së Kosovës, duhet të kenë të vendosur ngjitësin në pjesën e simboleve dhe emërtimit shtetëror, nga data 01.08.2022. Mekanizmi i tillë do të vlejë deri me 31.10.2022.

Ky mekanizëm është pa paragjykim ndaj afatit maksimal të qëndrimit të automjeteve të tilla në territorin e Republikës së Kosovës, thuhet në kumtesën e qeverisë, transmeton klankosova.tv.

Continue Reading

Aktuale