Connect with us

Kosovë

Imami nga Kosova përjashtohet nga BIK-u pasi përkrahu teorinë e Darwin-it

Published

on

Drilon Gashi, një klerik i ri dhe jokonvencional i cili ka shërber për dy vjet si imam në xhaminë e fshatit Vitomiricë në komunën e Pejës së Kosovës, tha të enjten se ai është përjashtuar nga Komuniteti Islamik i Kosovës pasi ka thënë se ai beson në teorinë e evolucionit të zhvilluar nga Charles Darwin, transmeton in7.

Në tetor 2018, Gashi në një stacioni televiziv me qendër në Prishtinë kishte thënë se “teoria e evolucionit është e vetmja teori bashkëkohore që ka arritur t’i rezistojë tundimeve të kohërave. Kështu që argumentet tregojnë se evolucioni është një fakt.”

Kjo deklaratë e Gashit bëri që ai të pezullohej pesë muaj më parë ndërkaq tani u pushua nga puna.

“Është vërtetuar se me deklaratën e tij ai kundërshton doktrinën islamike dhe postulatet të cilat bazohen në Kuran dhe Sunet (rrugën e profetit)”, thuhet në vendimin e Komunitetit Islam, i cili u bë publik nga vetë Gashi.

“Duke e deklaruar evolucionin (të jetë fakt) pa dhënë asnjë provë të vetme … dhe me deklaratat e tij që kundërshtojnë parimet islamike, (Gashi) ka shkaktuar pakënaqësi midis kolegëve dhe në të gjithë Kosovën, si dhe te muslimanët duke përhapur gënjeshtra, dhe ai ka shkelur interesat e Bashkësisë Islame në Kosovë, ” thuhet në tej në vendimin e BIK-ut, i cili është nënshkruar nga kreu i Bashkësisë Islame, Naim Ternava.

Duke komentuar shkarkimin e tij, Gashi e përshkroi vendimin si “rimishërimin e inkuizicionit” nga udhëheqja e Bashkësisë Islame.

“Arsyetimi i tyre i çuditshëm thotë se unë shkela traditën Kuranike dhe Profetike. Por unë deklaroj se jam përpjekur gjithmonë të përcjell… të vërtetën dhe të qëndroj besnik në rrugën e drejtë të Kuranit”, ka thënë Gashi në një deklaratë.

Ai ka akuzuar udhëheqjen e Komunitetit Islam për “mungesë të mendimit racional”.

“Nëse doni të punoni me ta (Bashkësinë Islame), ata nuk do t’ju lejojnë të mendoni në mënyrë kritike ose të keni dialog me pretekstin se po kundërshtoni parimet e dëgjimit dhe bindjes”, ka shtuar më tej ai.

Në prill të këtij viti, Gashi kishte thënë për Radio Evropa e Lirë se ai ka mbështetjen e xhematit të tij dhe se muslimanët “duhet të besojnë faktet shkencore”./in7.tv/

Continue Reading

Kosovë

Policia jep detaje për aksionin në veri, gjeti laborator për kultivimin e kanabisit

Published

on

Policia e Kosovës pas hetimeve paraprake, sot ka parashtruar kërkesë për urdhër-kontroll në organet e drejtësisë për kontrollin e një objekti pronë e të dyshuarit G.J., në Leshak të Leposavicit, pasi në objekt dyshohej se kultivohej bima e kanabisit.

Sipas Policisë, pas marrjes së këtij urdhri, sot rreth orës 10:10, gjatë realizimit të kontrollit të objektit, në dy kate të tij, janë gjetur pajisje për kultivimin e kanabisit me vlerë qindra-mijëra euro.

“Laboratori ishte i pajisur mirë dhe ishte në gjendje të gatshme për të filluar mbjellja e bimëve të kanabisit, pra aty mungonin vetëm bimët, pasi gjithçka tjetër ishte e gatshme. Në konsultim me prokuroren ka filluar sekuestrimi i pajisjeve që janë gjetur në atë ndërtesë.

I dyshuari gjendet në arrati, kurse policia do të vazhdojë me hetimin dhe kompletimin e rastit”, thuhet në njoftimin e policisë.

Continue Reading

Kosovë

Avioni me shqiptarë bën ulje emergjente sapo niset

Published

on

Një avion që u nis sot me linjën Prishtinë-Shtutgart u kthye në pistë pas 30 minutave që u ngrit në ajër.

Mësohet se avioni kishte një defekt teknik dhe ka bërë uljen e menjëhershme.

Sipas dëshmive, disa pasagjerëve brenda në avion i kishte rënë në fikët./Abcnews.al/

Continue Reading

Kosovë

SHBA e ndihmon Kosovën me 236,7 milionë dollarë: Do të investohen në energji

Published

on

Kryeministri i Kosovës, Albin Kurti ka njoftuar se Bordi i Korporatës së Sfidave të Mijëvjeçarit (MCC) i SHBA-së, ka miratuar marrëveshjen Kompaktit prej 236,7 milionë dollarësh.

Kurti përmes një postimi në Twitter ka thënë se ky është investimi më i madh energjetik në Kosovë, përcjell Kallxo.com.

“Ky është investimi më i madh energjetik në Kosovë deri më sot. Do të ndihmojë në vendosjen e themeleve për tranzicionin tonë të drejtë të energjisë. Falënderime të veçanta për të dy ekipet tona për punën e shkëlqyer”, tha ai.

Qeveria e Kosovës në bashkëfinancim me Shtetet e Bashkuara të Amerikës synon të investojë në bateri për ruajtjen e energjisë që do të shfrytëzohet nga KOSTT-i, në rastet e rënies së njësive të termocentraleve për balancim të sistemit të energjisë.Programi Kompakt do të jetë në vlerë prej 234 milionë dollarëve dhe do të përfshijë dy projekte: rezerva dhe arbitrazh të energjisë (bateritë me kapacitet të lartë mbi 200 Mëh) dhe zhvillimi i fuqisë punëtore dhe përfshirja e grave në sektor të energjisë.

Continue Reading

Aktuale