Connect with us

Lajme

Serbia akuza forcave kroate për “torturim” të migrantëve

Published

on

Zyrtarët në Serbi kanë akuzuar policinë kufitare në Kroaci për torturim të një adoleshenti afgan dhe për injorim të të drejtave të 15 migrantëve për të kërkuar azil brenda Bashkimit Evropian.

Ky pretendim është hedhur poshtë menjëherë nga Zagrebi, duke e konsideruar atë si përpjekje të Beogradit për të larguar vëmendjen e kritikave ndaj policisë serbe për trajtimin që u bën migrantëve, bazuar në një raport të agjencisë së lajmeve, Reuters.

Të dyja shtetet gjenden në rrugën që përshkojnë qindra mijëra migrantë, të cilët tentojnë të ikin nga zonat e konflitit, dhe shpresojnë që përmes këtij rrugëtimi të arrijnë në ndonjë prej vendeve të BE-së.

Agjencia serbe për refugjatë ka akuzuar zyrtarë kroatë për “torturë fizike dhe psikologjike”, që ka përfshirë rrahje dhe dridhje elektrike, të cilat kanë lënë 16-vjeçarin afgan të identifikuar si Sharukhan, me eshtëra të thyera dhe gjakderdhje të brendshme.

Agjencia e lajmeve, Reuters ka thënë se ka biseduar me djalin e ri në një kamp refugjatësh dhe një grup personash, të cilët kanë thënë se plagët u janë shkaktuar nga autoritetet kroate.

Krocia është kritikuar edhe më herët për trajtim ndaj migrantëve, duke përfshirë Agjencinë e Kombeve të Bashkuara për Refugjatë.

“Ne konsiderojmë se kjo është një tjetër seri e pretendimeve të pabaza kundër policisë kroate për shkak të gatishmërisë së tyre për të mbrojtur kufijtë shtetërorë dhe ata të Bashkimit Evropian”, ka thënë ministria e Brendshme kroate përmes një deklarate.

“Pretendimet për torturë të migrantëve janë plotësisht të pabesueshme dhe nuk kanë bazë”.

Valët e refugjatëve dhe migrantëve tjerë janë zvogëluar prej përpjekjeve të shtuara evropiane më 2016 për t’i ndalur ato.

Megjithatë ende mijëra persona udhëtojnë përmes rrugëve të Ballkanit, me shpresë që do të arrijnë në perëndim.

Grupet për të drejta të refugjatëve kanë thënë se dhuna ndaj refugjatëve në këtë zonë është problem i zakonshëm tashmë./REL

Continue Reading

Kosovë

Suma: Vendimi i Supremes është befasues, pa asnjë argument

Published

on

Gjykata Supreme ka hedhur poshtë vendimin e Panelit Zgjedhor për Ankesa dhe Parashtresa që komuna e Hanit të Elezit të shkojë në rivotim.

Supremja e ka pranuar si të bazuar ankesën e kandidatit të Partisë Demokratike të Kosovës për kryetar të Hanit të Elezit, Mehmet Ballazhi.

“Kolegji i Gjykatës Supreme e ka aprovuar si të bazuar ankesën e kandidatit për kryetar të komunës së Hanit të Elezit, Mehmet Ballazhi, nga Partia Demokratike e Kosovës (PDK), dhe ka anuluar vendimin e PZAP-së, duke e kthyer çështjen në rivendosje” thuhet në vendimin e Supremes, njofton Klankosova.tv.

Me këtë rast ka ardhur edhe reagimi i kandidatit të pavarur për kryetar të Hanit të Elezit Rufki Suma.

Suma në Info Magazine në Klan Kosova tha se vendimi i Supremes nuk ka asnjë bazë edhe asnjë argument.

“Realisht është një vendim befasues. Ne ende nuk e kemi të qartë, një panel e ka marrë një vendim Gjykata Supreme e rrëzon atë vendim, e kthen përsëri në rivendosje pa ndonjë argument dhe pa ndonjë arsyetim në pesë faqe që i përshkruan më së shumti veprimet e PZAP-it”.

“Përndryshe vetëm akuzon se PZAP-i nuk ka pasur argumente të mjaftueshme për të marrë një vendim të tillë. Edhe njëherë po e them. Nuk tregon se në çka është e bazuar, në cilat argumente është i bazuar? kur vet kandidati tregon se i ka vizituar vendvotimet. Dhe me rastin e vizitës së vendvotimeve ajo është ndikim direkt”.

Paneli Zgjedhor për Ankesa dhe Parashtresa, para disa ditësh kishte anuluar votat për kryetar të Komunës së Hanit të Elezit.

Sipas PZAP-së, zgjedhjet janë anuluar për shkak të minimit të integritetit të zgjedhjeve si rezultat i presionit dhe organizimit me qëllim të përfitimit dhe mbështetjes së votuesve.

Kandidati i PDK-së, Mehmet Ballazhi sipas rezultateve të KQZ-së, për zgjedhjet e 17 tetorit ka marrë me 50.98% të votave.

Continue Reading

Lajme

135 raste të reja, 11 viktima nga Covid-19 në Maqedoni

Published

on

MSH-ja, konform të dhënave nga ISHP-ja, njofton se gjatë 24 orëve janë bërë 1.514 testime kurse janë shënuar 135 raste të reja me COVID-19.

Në Shkup – 91, Kumanovë – 14, Kavadar – 7, Strugë – 4, Prilep – 3, Manastir, Strumicë, Sveti Nikollë, Kriva Pallankë dhe Demir Hisar nga 2, Shtip, Koçanë, Gjevgjeli, Vinicë, Vallandovë dhe Kratovë nga 1 rast.

Regjistrohen 330 pacientë të shëruar.

Në kushte spitalore kanë ndërruar jetë 11 pacientë.

2 nga Shkupi (67 dhe 79 vjeç), 2 nga Kriva Pallanka (67 dhe 76 vjeç), 2 nga Kumanova (73 dhe 74 vjeç) dhe nga një pacient nga Makedonska Kamenica (82) ,Ohri (80) ,Prilepi (74) ,Probishtipi (64) dhe Shtipi(70).

Në mënyrë plotësuese, konform Regjistrit për persona të vdekur me diagnozë të COVID-19 nga “Termini Im” nuk janë shënuar viktima tjera.

Në nivel vendi janë bërë gjithsejt 1.366.002 testime për COVID-19.

Numri i përgjithshëm i të diagnostifikuarve me COVID-19 në vendin tonë shkon në 199.901, numri i të shëruarve është 186.652, kurse i viktimave – 7.062. Numri i rasteve aktive është 6.187.

Continue Reading

Lajme

Këto janë çmimet e reja të derivateve të naftës

Published

on

Çmimet e shitjes në pakicë të benzinës Eurosuper BS-95 dhe Eurosuper BS-98, të Eurodizelit dhe vajit ekstra të lehtë për amvisëri edhe prej mesnatës mbeten të njëjta, kurse ka rënie të çmimit të Mazutit për 0.633 denarë për kilogram, ka vendosur sot Komisionin Rregullator për Energjetikë.

Me këtë vendim bëhet ulje e çmimeve me pakicë të derivateve të naftës për 0.29%.

Çmimi me pakicë i Eurosuper BS-95 edhe më tej mbetet 76.5 denarë për litër, Eurosuper BS-98 do të shitet për 78.5, i Eurodizel për 68.5, kurse vaji ekstra i lehtë për amvisëri për 68 denarë për litër.

Me vendimin e KRrE-së, për 0.633 denarë ulet çmimi i shitjes me pakicë të Mazutit dhe do të jetë 42.377 demarë.

Continue Reading

Aktuale