Connect with us

Kosovë

A do t’u bëjë vend Kurti Shemsi Sylës dhe Sami Kurteshit në listën për deputetë?

Published

on

Deputetët e legjislaturës së fundit në Kuvendin e Kosovës, nga Lëvizja Vetëvendosje, Sami Kurteshi dhe Shemsi Syla, nuk kanë marrë votat e mjaftueshme nga dega e VV-së në Gjilan, për t’u nominuar në listën e kandidatëve për deputetë është kontakuar ish-deputetët për t’i pyetur rreth mos kandidimit. Kurteshi ka deklaruar se e respekton plotësisht procesin që ka ndodhur me përzgjedhjen e kandidatëve. Edhe ish-deputeti tjetër Shemsi Syla ka thënë se është pajtuar me vendimin e marrë nga Qendra e LVV-së në Gjilan lidhur kandidatët për deputetë

Ish-Avokati i Popullit, Sami Kurteshi dhe ish-deputeti tjetër Shemsi Syla nuk kanë arritur të futen në listën e kandidatëve për deputetë nga dega e Lëvizjes Vetëvendosje në Gjilan.

Anëtarët e Këshillit të Qendrës sipas votave të tyre kanë zgjedhur gjashtë kandidatë në mesin e tyre tre burra dhe tre gra. Nevzad Isufi, Arbëreshë Kryeziu-Hyseni, Ismajl Kurteshi, Arijeta Rexhepi, Labinotë Demi-Murtezi dhe Alban Hyseni.

Sami Kurteshi për Express tha se procesi i djeshëm në degën e VV-së në Gjilan ka qenë demokratik, dhe proces edhe më i mirë se që kanë pritur.

“Të zgjedhurit e anëtarëve të Këshillit të Qendrës kanë qenë në të votuar në mënyrë demokratike, procesi ka shkuar më mirë se që e kemi pritur. Janë zgjedhur tre burra dhe tre gra kështu duke e respektuar kuotën gjinore”, ka thënë Kurteshi.

I pyetur nëse do të futet në listën për kandidatë nga Këshilli i Përgjithshëm i Lëvizjes Vetëvendosje që do të mbahet sot, ai ka thënë se kjo varet nga Këshilli dhe se nuk e ka problem këtë punë.

“Këshilli sot vendos për këtë, unë jam aktivist i Vetëvendosjes dhe jam duke e bërë punën time dhe nuk e di nëse do të jem kandidat për deputet apo jo”, është shprehur Kurteshi.

Ish-deputeti tjetër nga kjo parti, Shemsi Syla po ashtu nuk është votuar nga anëtarët e Këshillit të Qendrës së VV-së në Gjilan.

Syla ka thënë se e ka respektuar këtë vendim të Këshillit të Qendrës.

“Votimi i anëtarëve ka qenë proces demokratik dhe unë e respektoj”, tha Syla për Express.

Ai ka deklaruar se kandidimi i tij në listën për deputet varet nga Këshilli i Përgjithshëm i Lëvizjes Vetëvendosje që mbahet sot.

“Varet nga votimi në Këshill të Përgjithshëm dhe unë pres secilin vendim të këshillit. Nuk e di se si do të votohet”, ka thënë Syla.

Këshilli i Qendrës së VV-së dje në Gjilan ka zgjedhur gjashtë kandidatë për deputetë. Në mesin e tyre vetëm ish-deputeti Ismajl Kurteshi ka arritur të marrë votat e mjaftueshme për t’u kandiduar në listën për deputetë në mesin e gjashtë kandidatëve nga kjo degë ku janë votuar tre burra dhe tri gra.

Continue Reading

Kosovë

16 raste të reja COVID-19 sot në Kosovë

Published

on

By

Në 24 orët e fundit në Kosovë fatmirësisht nuk është shënuar asnjë rasti me fatalitet si pasojë e koronavirusit.

Gjatë kësaj periudhe janë regjistruar 16 raste të reja nga 1.557 testime, ka njoftuar Ministria e Shëndetësisë, duke iu referuar të dhënave nga Instituti Kombëtar i Shëndetësisë Publike të Kosovës.

Në 24 orët e fundit janë dhënë 4.597 doza të vaksinës kundërCOVID-19. Prej fillimit të vaksinimit në të gjitha qytetet e Kosovës janë dhënë 1.553.816 doza të vaksinës. Deri më sot 716.855 qytetarë janë vaksinuar me dozën e dytë.

Sot janë shëruar 16 qytetarë, derisa numri i përgjithshëm i tyre është 157.292. Në total numri i rasteve aktive është 428.

Continue Reading

Kosovë

Kurti për kërcënimin: Nuk ndjehem i rrezikuar, s’e kam ndryshuar agjendën

Published

on

By

Kurti për kërcënimin: Nuk ndjehem i rrezikuar, s’e kam ndryshuar agjendën

Kryeministri i Kosovës Albini Kurti, ka folur në konferencë për media për kërcënimet që ka marrë nëpërmjet rrjeteve sociale.

Në një postim në Facebook, një person me llogari false kishte thënë se do të paguante para për vrasjen e Kurtit.

Kurti ka thënë se nuk ndihet i kërcënuar dhe se nuk e ka ndryshuar agjendën që e kishte të planifikuar. Ai nuk ka dhënë detaje se për çka është kërcënuar dhe nga kush.

“Unë nuk ndjehem i rrezikuar, por janë organet e sigurisë që i vlerësojnë rrethanat e caktuara, përndryshe unë as dje e as sot nuk e kam ndryshuar agjendën time”, tha Kurti.

Kurti u përgjigj edhe sa i përket pyetjes për braktisjen e institucioneve nga përfaqësuesit serb.

“Mund të ketë pretekste të imagjinuara, por nuk ka arsye që përfaqësuesit serb t’i braktisin institucionet”, tha Kurti.

Burimi

Continue Reading

Kosovë

U kërcënua me jetë, zbulohet mesazhi në “Facebook”: 50 mijë euro për atë që vret Kurtin

Published

on

By

U kërcënua me jetë, zbulohet mesazhi në “Facebook”: 50 mijë euro për atë që vret Kurtin

Kryeministri i Kosovës, Albin Kurti ka marrë mbrëmjen e djeshme kërcënime për jetën.
Edhe pse zëdhënësi i kryeministrit të Kosovës, Përparim Kryeziu, nuk dha detaje se nga kush është kërcënuar apo në çfarë rrethanash, mediat kosovare kanë zbuluar një postim publikuar në rrjetin social Facebook, përmes së cilës ofrohen 50 mijë euro për këdo që e vret Kurtin.

Kështu një person ka shkruar në faqen “Shes Blej Gjithçka” se do të jepte 50 milionë euro atij që vret Albin Kurtin, ndërkohë që ka listuar edhe listën e çmimeve që janë rritur në Kosovë.

Po ashtu, në po të njëjtin grup, një tjetër person ka shkruar se do t’i jepte 35 mijë euro shpërblim atij që e vret Kurtin.

Continue Reading

Aktuale