Connect with us

Lajme

Maqedoni/ Nxënësit duan të mësojnë shqip, por institucionet ua pamundësojnë këtë të drejtë

Published

on

Pse të mos shkosh në klasën e gjashtë?

“Sepse këtu mësohet vetëm maqedonisht dhe nuk na japin klasën e gjashtë në shqip”, ishte përgjigja e anesës së vogël e cila dëshiron që të mosojë në gjuhën amtare, por që institucionet nuk janë në gjendje që t’ia sigurojnë një gjë të tillë, shkruan in7.

Ajo ka një kërkesë shumë e thjeshtë, të vazhdojë shkollimin në gjuhën amtare. Në shkollën fillore ‘Njegosh’ në fshatin Jurumleri të komunës së Gazi Babës nxënësit shqiptar mësojnë në gjuhën shqipe deri në klasën e pestë, ndërkaq nga klasa e gjashtë janë të detyruar që shkollimin ta vazhdojnë në gjuhën maqedonase. Nxënësit sot shkuan në shkollë, e bojkotuan mësimin bashkë me prindërit e tyre, jo për shkak të grevës së mësimdhënësve, por për të kërkuar një të drejtë të mohuar.

“Në duket shumë e padrejtë, deri në të pestën me mësu në shqip, pastaj të kthehen me mësu në maqedonisht, s’mundet, pasi të gjitha gjërat i mësojnë në gjuhën shqipe, e pastaj në gjuhën maqedone, kjo nuk mundet”, thotë një prind.

“Nuk jemi në mësim, jemi duke e bojkotuar mësimim, pse nuk na jepet mundësia për të mësuar në gjuhën shqipe deri në klasën e nëntë. Ne nuk mundet t’i regjistrojmë nxënësit në vendet tjera se nuk i pranojnë. E tash rrugëdalje tjetër nuk kemi dhe ketë e kërkojmë këtu në shkollën ‘Njegosh’, ku nuk ja lejohet qe disa vite”, thotë për TV21, një prind tjetër.

Ministri i Arsimit dhe Shkencës, Arbër Ademi, thotë se është i njoftuar me rastin dhe se po pret nga komuna e Gazi Babës, që të bëjë kërkesë për hapjen e paraleleve dhe menjëherë të merren masa.

“Ne si ministri e Arsimit dhe Shkencës, posa të na arrijë kërkesa e komunës së Gazi Babës, do t’i japim pëlqimet e nevojshme për formimin e paraleleve edhe për ato klasë në të cilat zhvillohet mësimi lëndor. Mesa e di deri ditën e premte janë bë analiza dhe grumbullimi i të dhënave se sa fëmijë janë të interesuar për të ndjekur mësimin nga klasa e gjashtë e deri në të nëntën në fshatin Idrizovë dhe se të njëjtët është dashur që të deponohen tek kryetari i komunës së Gazi Babës”, ka thënë për mediat, ministri i Arsimit dhe Shkencës, Arbër Ademi.

Përndryshe prindërit thonë se janë dhjetra nxënës shqiptar që kanë përfunduar klasën e pestë dhe tani nuk janë regjistruar në klasën e gjashtë, meqë kërkojnë që mësimi të zhvillohet në gjuhën e tyre amtare.

Continue Reading

Lajme

Bozhinovski: LSDM humbi legjitimitetin nga zgjedhjet e mëparshme

Published

on

Vladimir Bozhinovski në emisionin “24 analiza” tha se dështimi i LSDM-së në këto zgjedhje është për shkak të dëshpërimit që qytetarët kanë pritur nga kjo parti.

“Janë dëshpëruar për zhvillimin e shtetit në disa aspekte dhe pas marrjes së legjitimitetit në zgjedhjet e kaluara, LSDM filloi t’i humb dhe të bie”, tha Bozhinovski.

Ai tha se nga viti i kaluar ka ndryshyar perceptimi pozitiv ndaj Filipçes dhe shtetit dhe në vend të mbështetjes, ka perceptim negativ.

“Gjithmonë zgjedhjet lokale janë kombinim për punën e kryetarit dhe puna e qeverisë. Edhe në vitin 2017 ishin zgjedhje lokale dhe ato ishin zgjedhje ku qeveria mori legjitmitetin”, tha Bozhinovski./Telegrafi/

Continue Reading

Bota

Ish-sekretarja e kampit nazist del para gjyqit për vrasjen e 11.000 njerëzve

Published

on

Një ish-sekretare 96-vjeçare e kampit të përqendrimit nazist është paraqitur para gjyqit në Gjermani për dyshimin se ka bashkëpunuar për vrasjen e mbi 11.000 njerëzve të burgosur aty.

Furchner e cila ishte 18 vjeç kur filloi të punonte në kampin Stutthof në Poloni si sekretare e komandantit Paul Werner Hoppe, po gjykohet në një gjykatë për të rinjtë për shkak të moshës së saj kur krimet u kryen.

Pasi tentoi të ikte nga gjyqi në shtator, duke dalë nga shtëpia dhe më pas udhëtoi me një taksi, ajo u arrestua disa orë më vonë dhe u dërgua në mbajtje për pesë ditë, raporton Guardian.

Përveç emrit, adresës së saj dhe se është e ve, ajo nuk i është përgjigjur asnjë pyetje tjetër.

Gjykatës iu tha se ajo “duhet të ketë qenë e informuar për të gjitha ngjarjet” që ndodhën aso kohe nga nazistët në Stutthof për shkak të rolit të saj kyç administrativ.

Continue Reading

Lajme

KSHZ-ja kërkon listën e kompanive që kanë importuar “Fingerprint”

Published

on

Komisioni Shtetëror i Zgjedhjeve dy ditë pas zgjedhjeve lokale nga Drejtoria e Doganave kërkoi listën e kompanive që eventualisht kanë porositur aparate të njëjta për leximin e shenjave të gishtave nga jashtë vendi, si ato që u shfrytëzuan në zgjedhje. Këtë për Alsat e konfirmoi kryetari i KSHZ-së, Aleksandar Dashtevski i cili tha se këtë e kërkojnë për arsye sigurie, që të mos vijë deri te mundësia e përzierjes së aparateve që i siguroi KSHZ me aparate të njëjta të mundshme të blera nga kompani dhe firma private.

“Kemi indikacione se përgjigja do të jetë pozitive, se asnjë kompani nuk ka importuar pajisje të tilla deri më tani. A keni pasur ndonjë njoftim si KSHZ që ndoshta disa kompani kanë porositur pajisje të tilla? – Nuk kishim njoftim të tillë, siç thashë, e bëra për sigurinë tonë, për të qenë të sigurt se nuk kishte diçka të tillë, që mos të dalë se të tjerët po importojnë, për t’u siguruar që askush nuk ka importuar pajisje të tilla deri më tani- Pse po e bën këtë Komisioni Shtetëror Zgjedhor, a nuk ka shërbime sigurie që duhet ta bëjnë? – Po, ka. Siç thashë, për ne, për shkak të interesit personal që kemi, për t’u siguruar që nuk ka diçka të tillë”- deklaroi Aleksandar Dashtevski- kryetar i KSHZ.

Kjo kërkesë është pranuar nga Dogana një ditë më parë kurse shërbimet po kontrollojnë nëse ndonjë kompani apo institucion ka porositur pajisje të njëjta. Dashtevski siguron që pajisjet janë të sigurta dhe funksionale dhe tani për tani nuk ka nevojë të porositen tjera. Nëse ndonjë nga pajisjet prishet në pesë vitet e ardhshme, është detyrim i kompanisë gjermane “Dermalog” ta zëvendësojë me tjetër. Përndryshe, zgjedhjet do të mbahen përsëri në dy komuna. I tillë është rasti me Mavrovën dhe Rostushën si dhe Qendër Zhupën. Në të dy komunat nuk kishte pjesëmarrje të një të tretës së votuesve të regjistruar. Por, çfarë nëse nuk ka pjesëmarrje të mjaftueshme përsëri në votimin e përsëritur?

“Pra, ligjvënësi do të duhet të vendosë nëse ajo komunë duhet të zgjerohet, zvogëlohet e kështu me radhë, sepse nuk ka pjesëmarrje të mjaftueshme. Dhe mendoj se arsyeja është sepse nuk ka mjaft banorë në kuptimin që nuk janë të pranishëm në shtëpitë e tyre “- pohoi Aleksandar Dashtevski, Kryetar i KSHZ-së.

Në Mavrovë dhe Rostushë, 10.144 banorë kanë të drejtë vote. 3,144 persona e ushtruan të drejtën e tyre të votës, ndërsa pjesëmarrja ishte 31%. Që zgjedhjet të jenë legjitime në këtë komunë, duhet të votojnë 3,381 banorë. Në Qendër Zhupë, 7,317 banorë kanë të drejtë vote, ndërsa 1,873 banorë e ushtruan atë të drejtë, me një pjesëmarrje prej 25.60%. Së paku 2,439 qytetarë duhet të votojnë që rezultati i zgjedhjeve të njihet në këtë komunë.

Në Mavrovë dhe Rostushë, 10.144 banorë kanë të drejtë vote. 3,144 persona e ushtruan të drejtën e tyre të votës, ndërsa pjesëmarrja ishte 31%. Që zgjedhjet të jenë legjitime në këtë komunë, duhet të votojnë 3,381 banorë. Në Qendër Zhupë, 7,317 banorë kanë të drejtë vote, ndërsa 1,873 banorë e ushtruan atë të drejtë, me një pjesëmarrje prej 25.60%. Së paku 2,439 qytetarë duhet të votojnë që rezultati i zgjedhjeve të njihet në këtë komunë.

Mavrovë- Rostushë

Pjesëmarrja: 31%

Votues: 10.144

Kanë votuar: 3.144

Votat e nevojshme: 3.381

Mungojnë: 237 vota

Qendër Zhupa

Pjesëmarrja: 25,60%

Votues: 7.317

Kanë votuar: 1.873

Votat e nevojshme: 2.439

Mungojnë: 566 vota

Ndërkohë rrjedh afati prej 48 orësh për pjesëmarrësit në zgjedhje të cilët mund të paraqesin ankesa në KSHZ, në lidhje me rezultatin e zgjedhjeve. Nëse ankesat nuk pranohen nga KSHZ -ja, atëherë partitë dhe pjesëmarrësit në zgjedhje kanë të drejtë të paraqesin padi në Gjykatën Administrative, si instancë më e lartë. /Alsat M/

Continue Reading

Aktuale