Connect with us

Lajme

Lajm i keq për popullsinë botërore/ RMV do të humbasë gjysëm milioni të popullsisë

Published

on

Deri në vitin 2050, Nigeria do të jetë më e madhe se Shtetet e Bashkuara dhe vendi i tretë më i populluar në planet. Nigeria nuk është i vetmi vend, popullsia e të cilit do të rritet në dekadat e ardhshme. Sipas vlerësimeve të KB, kombet e Afrikës Perëndimore do të numërojnë rreth 300 milion më shumë, ndërsa kontinenti Evropian do të përballet me një valë të madhe të depopulimit, shkruan in7.

Sipas raportit të “Prospektet e Popullsisë Botërore”, pranë KB-së, deri në vitin 2050 planeti do të banohet nga 9.8 miliardë njerëz, ku gjysma e rritjes së popullsisë do të ndodhë në Afrikë. Në listën e vendeve që popullsia pritet që të rritet më shpejtë janë Nigeria, Kongo, Etiopia, Tanzania dhe Uganda.

Deri në vitin 2050 gjysma e popullsisë së botës do të jetojë në nëntë vende: Indi, Nigeri, Kongo, Pakistan, Etiopi, Tanzani, Uganda dhe Indonezi.

Pavarësisht rritjes së popullsisë në Afrikë, jetëgjatësia në vendet e varfra është më e ulët, dhe pritet që në vitin 2050 të shkojë nga 72 deri në 77 vjeç.

Shumë vende po vuajnë nga mbipopullimi, dhe do të vuajnë sërish në të ardhmen. Këto kushte kontribuojnë në probleme shoqërore dhe mjedisore, që nga ndotja e deri te kequshqyerja, pabarazia dhe shpërndarja e shpejtë e sëmundjeve.

Por pavarësisht rritjes së shpejtë, popullsia e botës gjithashtu po plaket shumë shpejt. Një tjetër rekord që u arrit në vitin 2018 ishte se njerëzit më të vjetër se 65 vjeç për herë të parë u bënë më të shumtë në numër se njerëzit nën 5 vjeç.

Nga ana tjetër, pjesa më e madhe e kontinentit Evropian pret një rënie t të popullsisë, e kjo ka të bëjë në veçanti me rajonin tonë, shkruan in7.

Sipas të dhënave rënie të popullsisë deri në vitin 2015 pritet të ketë në 51 vende, ku më së shumti ulje të popullsisë, deri më 15 %, do të ketë në këto vende: Bullgari, Kroaci, Letoni, Lituani, Poloni, Moldavi, Rumani, Serbi, Ukrainën…
Sipas parashikimeve deri në vitin 2100, Serbia do të humbasë më shumë se tre milion qytetarë, por edhe Kroacinë e pret fat i njëjtë. Edhe Shqipëria mendohet të ketë rënie të popullsia në mënyrë dramatike, deri në 1 milion banorë.

Mali i Zi do të bjerë në 629,000 banorë, sa ka tani, në 449,000 deri në fund të shekullit. Deri në fund të shekullit, Sllovenia do të humbasë rreth 200,000 banorë, kurse Maqedonia e Veriut më shumë se gjysmë milion./in7.tv/

Continue Reading

Kosovë

16 raste të reja COVID-19 sot në Kosovë

Published

on

By

Në 24 orët e fundit në Kosovë fatmirësisht nuk është shënuar asnjë rasti me fatalitet si pasojë e koronavirusit.

Gjatë kësaj periudhe janë regjistruar 16 raste të reja nga 1.557 testime, ka njoftuar Ministria e Shëndetësisë, duke iu referuar të dhënave nga Instituti Kombëtar i Shëndetësisë Publike të Kosovës.

Në 24 orët e fundit janë dhënë 4.597 doza të vaksinës kundërCOVID-19. Prej fillimit të vaksinimit në të gjitha qytetet e Kosovës janë dhënë 1.553.816 doza të vaksinës. Deri më sot 716.855 qytetarë janë vaksinuar me dozën e dytë.

Sot janë shëruar 16 qytetarë, derisa numri i përgjithshëm i tyre është 157.292. Në total numri i rasteve aktive është 428.

Continue Reading

Lajme

Ndërron jetë një 17 vjeçare nga Kovid-19 në Klinikën infektive

Published

on

Ministria e Shëndetësisë kumtoi se në Klinikën për sëmundje infektive dhe gjendje febrile në mëngjes ka vdekur një paciente 17-vjeçare nga fshati Sopotnicë, Demir Hisar.

Pacientja e re ka pasur sëmundje kronike diabet tip 1 dhe nuk ka qenë e vaksinuar. Vështirësitë tek pacientja kanë qenë nëntë ditë para se të pranohet në Klinikën infektive në Shkup. Sipas raporteve mjekësore, më 18 tetor pacientja e re për herë të parë ka kërkuar kontroll mjekësor në Spitalin klinik në Manastir. Pacientja është dërguar në spital me saturacion të ulët, temperaturë 40 gradë, frymëmarrje të vështirësuar dhe dhembje në trup dhe muskuj. Për shkak të seriozitetit të gjendjes, pacientja është ndalur në spital dhe është vendosur në aparate me oskgjen.

Më 19 tetor pacientja me automjet të Ndihmës së shpejtë mjeksëore është sjellur në Klinikë në gjendje shumë të rëndë. Ajo është pranuar në Repartin për kujdes intensiv në Klinikë dhe ka filluar trajtimi intensiv në njësinë për kujdes intensiv sipas protokollit për shërim të pacientëve me infektim të rëndë Kovid-19. Edhe krahas të gjita masave të ndërmarra diagnostike, terapive dhe rianimacioneve, pacientja sot në orët e hershme të mëngjesit ka vdekur, informojnë nga Ministria e Shëndetësisë.

Continue Reading

Lajme

MSH: Janë rivaksinuar 773.537 qytetarë

Published

on

By

Ministria e Shëndetësisë njofton se vaksinimi po zhvillohet pandërprerë në të gjitha pikat në vend, ndërsa në vijim është edhe vaksinimi në teren.

Nga atje thonë se janë aplikuar gjithsej 1.600.966 doza të vaksinës, 773.537 qytetarë janë rivaksinuar, ndërsa dozën e tretë të vaksinës kanë marrë gjithsej 24.021 qytetarë.

Dje gjithsej janë vaksinuar 5.532 qytetarë. Dozën e parë të vaksinës dje e kanë marrë 666 qytetarë.

Dozën e tretë të vaksinës dje e kanë marrë 3.816 qytetarë. 57% e popullsisë së rritur është vaksinuar me një dozë vaksine. 46% e popullsisë së rritur është vaksinuar me dy doza vaksinash. 38% e popullsisë së përgjithshme ka marrë një dozë vaksine. 35% e popullsisë së përgjithshme është vaksinuar me dy doza vaksinash. 54% e popullsisë mbi 40 vjeç është vaksinuar me dy doza vaksinash”, njoftojnë nga MSH.

Nga atje u bëjnë thirrje qytetarëve që të vaksinohen sepse është mënyra e vetme për të mposhtur pandeminë.

Continue Reading

Aktuale