Connect with us

Lajme

Nis debati për Ligjin për Prokurorinë

Published

on

Rreth pesëdhjetë amendamente janë dorëzuar ndaj ligjit për prokurori publike që tashmë ndodhet për diskutim në komisionin për çështje evropiane. Dhjetë prej tyre janë miratuara nga ana e deputetëve gjatë zhvillimit të seancës, ndërsa ato në pjesën më të madhe kanë të bëjnë me çështje teknike, siç është riemërimi I prokurorisë dhe vendimi për buxhetin që do ta posedojë. Kryetari i Komisionit për çështje Evropiane, Artan Grubi, paralajmëroi vazhdim të bisedimeve të grupeve punuese mes pushtetit dhe opozitës, me qëllim të gjetjes së zgjidhjes për PSP-në.

“Kanë mbetur edhe 41 amendamente për ligjin për prokurori dhe nëse arrijmë që të harmonizojmë diçka sikurse sot, mund të vazhdojmë me seancën”, Artan Grubi, kryetar i Komisionit për çështje evropiane.

VMRO DPMNE ka propozuar gjithsej 14 amendamente, katër prej të cilëve janë pranuar, edhe pse sipas deputetëve të VMRO-DPMNE-së nuk janë pjesë e temave thelbësore.

Një pjesë e amendamenteve të VMRO-DPMNE-së, sipas deputetëve të kësaj partie, janë që zgjedhja e prokurorit të prokurorisë së re të bëhet me propozim të opozitës, si dhe që lëndët e PSP-së në procedurë gjyqësore të shkojnë tek prokurori publik dhe më pas t’i alokojë në Prokurorinë për krim të organizuar. Nga VMRO-DPMNE kërkojnë që zgjedhja e prokurorit nuk duhet të jetë vetëm nga radhët e prokurorëve, por të ketë mundësi që të konkurrojnë edhe profesorë. Lidhur me këtë propozim, nga LSDM thonë se përzierja e politikës do të ndikonte në pavarësinë e sistemit prokurorial.

Ndërkaq, deputeti i partisë politike opozitare shqiptare, Aleanca për Shqiptarët, Syrija Rashidi ka vlerësuar se seanca e Komisionit për Çështje Evropiane, në rend dite të së cilës është propozim-Ligji për Prokurori Publike, është dëshmi se ka pakt mes LSDM-së, BDI-së dhe VMRO-së.

“Ajo çfarë po ndodh sot në Komisionin për Çështje Evropiane, në fakt dëshmon për një pakt mes partive më të mëdha: LSDM, BDI dhe VMRO. Esenca e këtij pakti, e këtij bashkëpunimi është që të shuhet dhe të zhbëhet Prokuroria Speciale dhe bashkë me të të groposet tërë e vërteta e materialeve përgjuese që ishin objekt i diskutimit për PSP-në”, tha Rashidi.

Nga LSDM thonë se përzierja e politikës ndikon në pavarësisë e sistemit prokurorial, por do të presin që të dëgjojnë argumentet e të gjitha amendamenteve. Janë dorëzuar gjithsej 54 amendamente, prej të cilave 3 janë tërhequr. 16 amendamente janë dorëzuar për ligjin e Këshillit të Prokurorëve.

 

 

 

 

Continue Reading

Lajme

Idri Istrefi merr mbështetje edhe nga Samir Murtezoski kandidati i PDSH-së në Strugë

Published

on

Koalicioni për Strugën po shkon edhe më i sigurt. Rrugës sonë i’u bashkua edhe kandidati i PDSH-së, z. Samir Murtezoski njoftojn nga ASH-Strugë, përcjell in7

Kandidati i PDSH-së, Samir Murtezoski qëndron pas Idri Istrefit në raundin e dytë të zgjedhjeve lokale. Murtezoski fton të gjithë përkrahësit e tij, por edhe të gjithë qytetarët tjerë që ta votojnë Idri Istrefin, si të vetmen shpresë për Strugën. Është koha që më në fund t’i thuhet stop Ramiz Merkos dhe keqpërdorimeve të shumta në Komunën e Strugës.

Faleminderit për mbështetjen!-theksojn nga ASH-Strugë/in7.tv/

Continue Reading

Lajme

Eco Guerilla: Kërkojmë llogaridhënie nga Komuna e Tetovës dhe kryetarja Teuta Arifi

Published

on

Pse janë shpenzuar paratë dhe djersa e qytetarëve në kohë fushate për qindra militantë partiak që bëjnë fushatë për Teuta Arifin?

Ky është keqpërdorim i buxhetit të Komunës së Tetovës.

Me ndihmën e IRI-t dhe USAID-it u zbuluan qindra honorare që Teuta Arifi ka nënshkruar në kohë fushate. Kaluan disa ditë dhe Komuna e Tetovës vazhdon të heshtë. Kërkojmë llogaridhënje se si dhe pse janë paguar këta qindra njerëz.

Lista e plotë në statusin e Eco Guerilla:

Continue Reading

Lajme

Mickoski: BDI shkon në opozitë në Qytetin e Shkupit, shumica e re VMRO-ASH-AAA

Published

on

Fushata e zezë e LSDM-së ka dy qëllime, njëra prej tyre është që të ulet dalja në zgjedhje. Kështu tha kryetari i VMRO-së, Hristian Mickoski në emisionin debativ në TV SHENJA.

“Mendoj se populli e ka përmbi kokë, posaçërisht për kandidatin e LSDM-së, dhe jam i sigurt se në mënyrë masive do të dalin dhe ta votojnë Danellën. Dhe, qëllimi i dytë të shkaktojnë pasiguri të Danella ngase ajo asnjëherë nuk është marrë me zgjedhje dhe kjo është hera e parë. Por, për të dyja gjëra, vlerësimet që kanë bërë, do të jetë e gabuar dhe do të ju ndodh një humbje serioze”, u shpreh Hristijan Mickoski.

Mickoski tha se ata kanë shumicë në Këshillin e Qytetit të Shkupit.

“BDI do të jetë opozitë në Qytetin e Shkupit, shumicën e re e formon VMRO-ASH-AAA dhe Levica”, tha Mickoski.

Continue Reading

Aktuale