Connect with us

Lajme

BESA: Denoncimi i prindit të djalit të plagosur në Tetovë, skandal i ri për Prokurorinë e Tetovës dhe MPB-në

Published

on

Lëvizja BESA me shqetësim të thellë ka ndjekur gjithë situatën e krijuar gjatë një ahengu familjar në Tetovë, ku deputeti i BDI-së ka gjuajtur dhe ka plagosur dy persona, gjë që edhe është konfirmuar për mediat nga mjeku Jusof Bilalli, prind i njërit nga të plagosurit dhe dëshmitar i rastit, përcjell in7.

Deklarimi i deputetit të BDI-së duke thënë se ai nuk është përfshirë, del të jetë një e pa vërtetë dhe një gënjeshtër shumë e madhe.

“Prindi i personit të plagosur, sot vet e ka denoncuar një gjë të tillë duke thënë se ai ka qenë dëshmitar i gjithë ngjarjes, kur deputeti i BDI-së ka gjuajtur në atë ahengë familjar dhe ka plagosur rëndë djalin e tij. Është shqetësuese fshehja e rastit nga ana e policisë dhe prokurorisë në Tetovë, ku haptas mbrojnë deputetin e BDI-së dhe dëshirojnë që këtë ngjarje ta kalojnë në qetësi. Drejtësia në vend ende ka ngecje shumë të mëdha, duke pasur ende prokurori të kapur, MPB të partizuar dhe të kontrolluar nga partitë e pushtetit. Kjo dëmton rëndë funskionimin e shtetit të së drejtës dhe përpjekjet e vazhdueshme për të çliruar sistemin juridik nga kthetrat e partive në pushtet”, reagon Lëvizja BESA.

Continue Reading

Lajme

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Published

on

By

Maqedonia, Bullgaria dhe Shqipëria sot nënshkruajnë memorandumin trepalësh për Korridorin 8

Maqedonia, Bullgaria dhe Shqipëria do të nënshkruajnë memorandumin trepalësh që do të nënshkruhet sot në Sofje.

Sipas njoftimeve nga kabineti i ministrit të Transportit, Blagoj Boçvarski po udhëton sot në Bullgarinë fqinje.

Ky memorandum është për përfundimin e Korridorit 8 dhe sipas qëllimit të deklaruar është përcaktimi i gatishmërisë së tre vendeve për planifikim afatgjatë dhe zhvillim të koordinuar të Korridorit 8 me fokus në projektet që janë me rëndësi më të madhe për rajonin dhe gatishmërinë për të zbatuar masat për transport të shpejtë dhe të pandërprerë të mallrave në pikat kufitare./Telegrafi/

Continue Reading

Lajme

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Published

on

By

Tërmeti me magnitudë 6.1 shkund Greqinë/ Lëkundjet ndjehen deri në Egjipt e Izrael

Një tërmet i fortë ka shkundur mëngjesin e sotëm Greqinë ndërsa është ndjerë edhe në disa shtete të tjera.

Tërmeti ra 156 kilometra në juglindje të ishullit Karpathos në Greqi dhe ishte me magnitudë 6.1 i shkallës Rihter. Thellësia ishte 66.3 kilometra nën tokë.

Lëkundjet e forta u ndjenë edhe në ishullin e Kretës, që javët e fundit është tronditur nga disa tërmete. Ky tërmet është ndjerë edhe në Egjipt e Izrael, kanë raportuar mediat e këtyre vendeve.

Continue Reading

Kosovë

Vërtetohet pafajësia e ish-ministres së Kosovës

Published

on

By

Vërtetohet pafajësia e ish-ministres së Kosovës

Kolegji penal i Gjykatës së Apelit të Kosovës ka refuzuar si të pabazuar ankesën e Prokurorisë Themelore në Prishtinë, duke liruar nga akuza ish-ministren Meliza Haradinaj Stublla pasi që nuk është vërtetuar se e njëjta e kryer veprën penale mos raportimi apo raportimi i rremë i pasurisë, i të ardhurave, i dhuratave, i dobisë tjetër materiale ose detyrimeve financiare.

Ndaj aktgjykimit të lartcekur, ka paraqitur ankesë Prokuroria Themelore në Prishtinë, duke i propozuar kolegjit penal të Gjykatës së Apelit të Kosovës, që ankesa të aprovohet, ndërsa çështja penale t’i kthehet gjykatës së shkallës së parë në rigjykim.

Kolegji penal i Gjykatës së Apelit të Kosovës pas shqyrtimit të të gjitha shkresave të lëndës dhe vlerësimit të pretendimeve ankimore, ka konstatuar se ankesa e Prokurorisë Themelore në Prishtinë është e pabazuar, pasi që aktgjykimi i lartcekur i Gjykatës së Themelore në Prishtinë, nuk është përfshirë në asnjë shkelje ligjore, për faktin se nga provat e administruara nuk është vërtetuar se e akuzuara Haradinaj -Stublla, ta ketë kryer veprën penale për të cilën ishte akuzuar, andaj edhe me të drejtë është liruar nga akuza./21Media

Continue Reading

Aktuale