Connect with us

Bota

WASHINGTON POST/Dyert e G7 nuk janë të hapura për Putin

Published

4 years ago

on

Për të dytin vit radhazi, Presidenti Trump po bën thirrje që ta mirëpresë Rusinë përsëri në grupin e demokracive kryesore industriale në botë.

“Unë mendoj se do të ishte më mirë të kishim Rusinë,” tha Trump në një konferencë shtypi të hënën në fund të takimit të Grupit të Shtatë në Biarritz, Francë.

Sugjerimi i tij është “absurd”. Një veprim i tillë do të ishte krejtësisht i kundërt me interesat e sigurisë kombëtare të SHBA.

Drejtuesit e tjerë të G-7, me mençuri, kundërshtuan çdo pretendim të tillë. Gjatë fundjavës, Presidenti i Këshillit Evropian Donald Tusk, një ish-kryeministër polak, tha: “Kur Rusia u ftua në G-7 për herë të parë, besohej se ajo do të ndiqte rrugën e demokracisë liberale, sundimit të ligjit dhe të drejtat e njeriut. A është dikush mes nesh që mund të thotë me bindje të plotë, se Rusia është në atë rrugë? ”

Arsyeja pse u dëbua Rusia nga Grupi i atëhershëm në 2014 ishte për shkak të pushtimit dhe aneksimit të paligjshëm të Gadishullit të Krimesë të Ukrainës dhe sulmeve të mëtejshme ruse kundër Ukrainës në rajonin e saj Donbas.

Derisa forcat e Putinit të tërhiqen nga Lindja e Ukrainësdhe derisa Rusia ta kthejë Krimenë në kontrollin e Ukrainës, Rusia nuk meriton asnjë kthim në G-8.

“Asgjë nuk ka ndryshuar që nga marsi 2014”, deklaroi Presidenti i Ukrainës Volodymyr Zelensky pasi Trump shprehu idenë e tij javën e kaluar.

Putin mohon që forcat ruse janë duke luftuar në Ukrainë, aq sa ai mohon që Rusia ndërhyri në zgjedhjet presidenciale të SHBA.

Sidoqoftë, ka shumë arsye të tjera që Putini nuk i përket G-8. Ai është përgjegjës për vdekjen e mijëra civilëve të pafajshëm sirianë pas vendimit të tij për të dërguar forcat ruse për të ndërhyrë atje për të mbështetur regjimin vrastar Bashar al-Asad.

Ai mbështet regjimin iranian dhe regjimin Maduro në Venezuelë. Qeveria e tij ka qenë e lidhur me një përpjekje për grusht shteti në Mal të Zi për të penguar anëtarësimin e këtij vendi në NATO. Putin shkel dhe braktis tractate të shumta, duke përfshirë traktatin e Forcave të Armatosura Konvencionale në Evropë dhe Traktatin e Forcave Bërthamore me Rreze të Mesme.

Putini kërkon të destabilizojë fqinjët e tij në mënyrë që ata të mos bëhen modele alternative të suksesshme të sistemit të kalbur që ai mbikëqyr në Rusi dhe t’i parandalojë ata të integrohen në Bashkimin Evropian dhe NATO-n.

Perëndimi duhet të shtojë presionin kundër regjimit të Putinit përderisa kostot e vazhdimit të një sjelljeje të tillë të egër tejkalojnë përfitimet për Kremlin.

Ekzistojnë çështje të caktuara, që kërkojnë që ne të bisedojmë me homologët tanë rusë. Por kjo nuk duhet të bëhet në një kontekst të G-8.

Për sa kohë që Putini angazhohet në llojin e veprimeve të papranueshme të përshkruara më lart, asnjë udhëheqës perëndimor nuk duhet të hapë derën e G-8 për të.

David J. Kramer është një bashkëpunëtor në Qendrën Vaclav Havel për të Drejtat e Njeriut dhe Diplomaci dhe drejtor i studimeve evropiane dhe evaziane në Shkollën Steven J. Green të Universitetit Ndërkombëtar të Florida.

Related Topics:
Continue Reading

Bota

Presidenti i Francës, Emmanuel Macron është goditur me shuplakë

Published

4 months ago

on

22.11.2022

By

Presidenti i Francës, Emmanuel Macron është goditur me shuplakë

Presidenti i Francës, Emmanuel Macron është goditur me shuplakë nga një grua gjatë një bisede që ai kishte me qytetarët në rrugët e Parisit.

Në videon që është bërë virale në rrjetet sociale, shihet presidenti francez Macron teksa i afrohet një grupi personash për t’i përshëndetur, por një grua nis ta qortojë dhe menjëherë i afrohet dhe e godet me shuplakë. Pas këtij veprimi, shihet se gruaja është neutralizuar nga persona të tjerë si dhe punonjës të sigurisë.

Kjo nuk do të ishte hera e parë që Macron merr një sulm të këtij lloji, ai i mëparshmi ishte në vitin 2021. Në rastin e vitit të shkuar, Macron iu afrua një grupi për t’i përshëndetur kur një person i veshur me një bluzë të gjelbër e tërhoqi me një dorë, ndërsa me tjetrën e goditi në fytyrë. Qytetari që qëlloi presidentin u neutralizua, ndërsa mediat franceze raportuan se ai thirri “Poshtë Makronizmi”. Ende janë të paqarta, shkaqet që provokuan incidentin. Pas goditjes së kreut të shtetit francez, dy persona u arrestuan nga policia lokale.

Continue Reading

Bota

Është zgjidhur misteri i deleve që bënin rrethin në Kinë!

Published

4 months ago

on

22.11.2022

By

Është zgjidhur misteri i deleve që bënin rrethin në Kinë!

Javën e kaluar, një video e deleve në Kinë duke lëvizur në rrathë për 12 ditë u bë virale në mediat sociale

Pronari i fermës tha në atë kohë se nuk mund ta kuptonte pse kjo sjellje ishte zhvilluar tek delet dhe pasi videoja origjinale u publikua nga kanali shtetëror kinez People’s Daily, ai tha se delet ishin të shëndetshme.

Menjëherë pas publikimit të videos, u zhvilluan teori konspirative që shkuan aq larg sa flisnin për shenja që tregonin “fundin e botës”.

Sipas shkencëtarëve, megjithatë, shpjegimi për sjelljen e deleve ka shkaqe krejtësisht natyrale dhe sigurisht që nuk lidhet me sëmundjen listeriozë, e cila mund të shkaktojë çorientim te kafshët, pasi të gjitha kafshët e prekura prej saj ngordhin brenda 48 orëve.

“Duket se këto dele janë mbajtur në një vend për një kohë të gjatë dhe kjo mund të ketë bërë që ato të sillen në mënyrë të çuditshme, pra të qarkullojnë për shkak të stresit të shkaktuar nga burgimi i tyre i gjatë”, tha profesori Matt Bell nga Departamenti i Bujqësisë i Universitetit. në Gloucester.

“Sapo filluan disa dele, pastaj u bashkuan të tjerat sepse janë kafshë tufe dhe duan të jenë me “miqtë” e tyre”, shtoi profesori britanik.

Continue Reading

Bota

Makina futet brenda një dyqani në SHBA, 1 viktimë dhe 19 të plagosur

Published

4 months ago

on

22.11.2022

By

Makina futet brenda një dyqani në SHBA, 1 viktimë dhe 19 të plagosur

Një makinë ka përfunduar brenda një dyqani “Apple” në SHBA, duke i marrë jetën një personi dhe duke plagosur 19 të tjerë. Aksidenti i rëndë ndodhi në orët e para të mëngjesit, ndërsa autori dyshohet se ka humbur kontrollin e mjetit

“Një SUV me ngjyrë të errët kaloi me një shpejtësi marramendëse dhe goditi shumë njerëz”, tha prokurori i qarkut, ndërsa drejtuesi është ende i paidentifikuar.

Njësitë reaguese gjetën “shumë pacientë të plagosur para dyqanit dhe brenda në dyqan, ndërsa disa të tjerë ishin ngjitur pas murit nga automjeti”, tha shefi i zjarrfikësve gjatë një konference shtypi të hënën.

Apple lëshoi ​​një deklaratë duke thënë se “zemrat tona janë me anëtarët e ekipit dhe klientët tanë që u plagosën dhe të gjithë ata që u prekën nga ky incident i tmerrshëm”.

Dyqani Apple ndodhet në këndin e pasmë të dyqaneve luksoze Derby Street. Hyrja e dyqanit përballet me një parking të madh ku qindra vizitorë ecin çdo ditë.

Zona e blerjeve është veçanërisht e ngarkuar gjatë sezonit të festave, me dyqanin Apple dhe restorantet dhe dyqanet përreth që mbledhin turma të mëdha këtë kohë të vitit.

Continue Reading

Aktuale