Connect with us

Kosovë

Kosovë/​Asnjë koalicion parazgjedhor nuk është konfirmuar në KQZ

Published

on

Derisa kanë mbetur pak më shumë se 48 orë deri në përmbyllje të afatit kur koalicionet parazgjedhore mund të deklarohen në Komisionin Qendror të Zgjedhjeve në Kosovë, një gjë të tillë nuk e ka bërë ende asnjë parti.

Njohësi i çështjeve politike në Kosovë, Blerim Burjani, tha për Radio Kosovën se nuk sheh ndonjë koalicion të madh parazgjedhor as në mes të LDK-së e VV-së e as ndonjë partie tjetër. Ai shtoi se koalicionet e vetme që mund të bëhen gjatë kësaj periudhe janë ato të partive të vogla.

Dy ditë para përmbylljes së afatit për deklarim të koalicioneve parazgjedhore në Komisionin Qendror të Zgjedhjeve, një gjë të tillë nuk e ka bërë ende asnjë parti.

Madje, koalicionet parazgjedhore nga partitë më të mëdha në vend nuk i sheh as njohësi i çështjeve politike, Blerim Burjani. Sipas tij, koalicionet e përfolura deri më tani në mes të LDK-së e VV-së nuk pritet të ndodhin, por as PDK e AAK nuk shihet se mund të bëjnë ndonjë lëvizje të madhe.

“Jemi në një marketing politik sidomos që e bënë VV dhe kalimin e njerëzve nga PDK në këtë subjekt politik vazhdimisht. Është interesant se partia tjetër e madhe PDK është shumë e heshtur. Dhe është shumë interesant se gjithmonë kanë qenë të zëshëm në parafushata dhe në anën tjetër LDK e cila vazhdimisht po tenton të bëjë koalicion me VV dhe për mendimin tim ky koalicion nuk do të ndodh fare”, ka thënë Burjani.

Burjani tha se qytetarët e Kosovës nuk kanë fare interesim për këto zgjedhje, derisa shtoi se numri më i madh i votuesve do të jetë rreth 400 mijë.

Sipas tij, kandidatët e shpallur për kryeministër deri më tani janë të profileve të ndryshme por jo edhe të ekonomisë, gjë që aktualisht i duhet Kosovës për ta ndalur ikjen e të rinjve nga vendi.

Ndërsa, mosdeklarimin e asnjë koalicioni parazgjedhor në KQZ, e ka konfirmuar edhe zëdhënësi i saj, Valmir Elezi, i cili tha për Radio Kosovën se afati për një gjë të tillë është hapur dje (27 gusht) dhe pritet të përfundojë më 30 gusht në ora 24:00.

“Afati për aplikim për certifikim të subjekteve politike dhe kandidatëve ka filluar më 27 gusht dhe përfundon me 6 shtator. KQZ e ka vendos afatin e fundit datën 30 gusht deri në orën 24:00 për deklarim të partive politike që kërkojnë certifikim përmes koalicionit. Partitë politike të cilat nuk njoftojnë se do të garojnë në zgjedhje si pjesë e koalicionit, ato nuk mund të aplikojnë për koalicion pas këtij afati”, ka thënë Elezi.

Fushata zgjedhore për zgjedhjet e jashtëzakonshme qendrore pritet të hapet më 25 shtator dhe të zgjasë deri më 4 tetor, ndërsa dita e votimit është 6 tetori.

Continue Reading

Kosovë

Suma: Vendimi i Supremes është befasues, pa asnjë argument

Published

on

Gjykata Supreme ka hedhur poshtë vendimin e Panelit Zgjedhor për Ankesa dhe Parashtresa që komuna e Hanit të Elezit të shkojë në rivotim.

Supremja e ka pranuar si të bazuar ankesën e kandidatit të Partisë Demokratike të Kosovës për kryetar të Hanit të Elezit, Mehmet Ballazhi.

“Kolegji i Gjykatës Supreme e ka aprovuar si të bazuar ankesën e kandidatit për kryetar të komunës së Hanit të Elezit, Mehmet Ballazhi, nga Partia Demokratike e Kosovës (PDK), dhe ka anuluar vendimin e PZAP-së, duke e kthyer çështjen në rivendosje” thuhet në vendimin e Supremes, njofton Klankosova.tv.

Me këtë rast ka ardhur edhe reagimi i kandidatit të pavarur për kryetar të Hanit të Elezit Rufki Suma.

Suma në Info Magazine në Klan Kosova tha se vendimi i Supremes nuk ka asnjë bazë edhe asnjë argument.

“Realisht është një vendim befasues. Ne ende nuk e kemi të qartë, një panel e ka marrë një vendim Gjykata Supreme e rrëzon atë vendim, e kthen përsëri në rivendosje pa ndonjë argument dhe pa ndonjë arsyetim në pesë faqe që i përshkruan më së shumti veprimet e PZAP-it”.

“Përndryshe vetëm akuzon se PZAP-i nuk ka pasur argumente të mjaftueshme për të marrë një vendim të tillë. Edhe njëherë po e them. Nuk tregon se në çka është e bazuar, në cilat argumente është i bazuar? kur vet kandidati tregon se i ka vizituar vendvotimet. Dhe me rastin e vizitës së vendvotimeve ajo është ndikim direkt”.

Paneli Zgjedhor për Ankesa dhe Parashtresa, para disa ditësh kishte anuluar votat për kryetar të Komunës së Hanit të Elezit.

Sipas PZAP-së, zgjedhjet janë anuluar për shkak të minimit të integritetit të zgjedhjeve si rezultat i presionit dhe organizimit me qëllim të përfitimit dhe mbështetjes së votuesve.

Kandidati i PDK-së, Mehmet Ballazhi sipas rezultateve të KQZ-së, për zgjedhjet e 17 tetorit ka marrë me 50.98% të votave.

Continue Reading

Kosovë

Haxhiu reagon për dënimin me 8 muaj burgim për dhunuesit e 15-vjeçares

Published

on

By

Haxhiu reagon për dënimin me 8 muaj burgim për dhunuesit e 15-vjeçares

Ministrja e Drejtësisë, Albulena Haxhiu ka reguar pas dënimit me vetëm 8 muaj e 8 ditë burg për personin që dhunoi një 15-vjeçare në Pejë.

Haxhiu thotë se është e shqetësuar për këtë vendim siç e quan ajo absurd dhe të padrejtë. Ajo thekson se vendime të tilla motivojnë dhunuesit dhe dhunojnë për së dyti herë viktimat.

“Sapo përfundova fjalën në konferencën që i dedikohej viktimave të krimit, u njoftova me lajmin që dhunuesi seksual ndaj vajzës 15 vjeçare qenka dënuar me vetëm 8 muaj e 8 ditë burgim, pa asnjë rrethanë rënduese dhe fatkeqësisht shumë rrethana lehtësuese. Jam shumë e shqetësuar në raport me këto vendime absurde të padrejta dhe që motivojnë dhunuesit dhe që dhunojnë për së dyti herë viktimat”, ka shkruar Haxhiu në Facebook./21Media

Continue Reading

Kosovë

Kosovë, një i vdekur dhe tri raste të reja me COVID

Published

on

By

Kosovë, një i vdekur dhe tri raste të reja me COVID

Tre persona kanë rezultuar të infektuar me COVID-19 gjatë 24 orëve të fundit në vend, ndërsa një tjetër ka humbur betejën me virusin.

Të dhënat e prezantuara nga Ministria e Shëndetësisë thonë se janë kryer 1298 testime. Sot janë shëruar 20 qytetarë, derisa numri i përgjithshëm i të shëruarve është 157.225. Në total numri i rasteve aktive është 438.

Continue Reading

Aktuale