Connect with us

Lajme

Zvicër/ I.B. nga Maqedonia e Veriut vret gruan me të cilën jetonte ndaras

Published

on

Të hënën pasdite Policia Kantonale e Cyrihut ka gjetur në një banesë në Dietikon (Cyrih) trupin e pajetë të një gruaje, viktimë të vrasjes me armë të ftohtë. Pak më vonë është arrestuar në Kantonin St. Gallen personi i dyshuar për vrasje, që është bashkëshorti i gruas së vrarë. Ata kohëve të fundit kishin jetuar të ndarë, shkruan sda.ch.

Viktima 34 vjeçe ashtu si dhe dorasi, 37-vjeçar, janë shtetas të Maqedonisë së Veriut.

I akuzuari, I.B., kishte rënë edhe më parë në konflikt me ligjin. Në shkurt të vitit 2018 ai ishte fajësuar për ushtrim dhune dhe kërcënim ndaj bashkëshortes. Atëbotë ai ishte arrestuar dhe i ishte shqiptuar ndalesa e kontaktit dhe e qëndrimit në afërsi të banesës së gruas.

Pasi që gruaja në prill 2019 kishte njoftuar se burri i saj sërish po e ndiqte, policia kishte ndërmarrë masa plotësuese ndaj tij, mbi bazën e mbrojtjes kundër dhunës, transmeton albinfo.ch. Këto masa përfshinin edhe ndalimin e qëndrimit në rajon dhe të kontaktit me gruan.

Kjo ndalesë pastaj i ishte zgjatur me vendimin e gjykatës edhe për tre muaj tjerë. Gjatë kësaj periudhe, e cila ka përfunduar në fund të korrikut, nuk ishte shënuar ndonjë shkelje tjetër.

Në mëngjesin e hershëm të të dielës, më 25 gusht, katër javë pas mbarimit të masës për ndalim kontakti, ai kishte provuar të vendosë kontakt me gruan, me të cilën e kishte të përbashkët përgjegjësinë për përkujdesje të fëmijëve. Por në vend të saj, aty kishte qenë një i afërm i saj, transmeton albinfo.ch. Ky i fundit kishte njoftuar policinë se personi në fjalë po cingërronte parreshtur në zile dhe se po sillej në mënyrë të çuditshme.

Po atë ditë, policia kishte marrë edhe dy telefonata, sipas të cilave 37-vjeçari sërish ishte paraqitur në Dietikon, por policët që ishin mobilizuar, nuk e kishin gjetur aty.

Rrethanat e sakta dhe motivet e vrasjes janë ende të paqarta. Ato janë objekt i hetimeve që po zhvillohen nga ana e Prokurorisë Publike I të Kantonit të Cyrihut, në bashkëpunim të ngushtë me Policinë Kantonale të Cyrihut.

Continue Reading

Lajme

Tërmeti dridh rajonin e Ohrit

Published

on

By

Tërmeti dridh rajonin e Ohrit

Mëngjesin e sotëm, respektivisht në ora 03:26, në rajonin e Ohrit është regjistruar tërmet me intensitet prej 3,1 shkallëve sipas Rihterit, përcjell Alsat. Epiqendra e tërmetit ka qenë dy kilometra larg Ohrit, respektivisht në Elbasan të Shqipërisë.

Continue Reading

Bota

Shpërthen vullkani Aso

Published

on

By

Shpërthen vullkani Aso

Në jugperëndim të Japonisë ndodhi një shpërthim në vullkanin Aso në prefekturën Kumamoto.

Sipas Agjencisë Meteorologjike Japoneze (JMA), vullkani shpërtheu në orën 11:43 sipas kohës lokale me kohën lokale në kraterin “Nakadake” 1 të vullkanit.

Vullkani hodhi hirin në një lartësi prej 3.5 kilometrash. Gjithashtu thuhet se niveli i paralajmërimit të aktivitetit vullkanik JMA është ngritur në nivelin 3, i cili është një rekomandim për “publikun të mos i afrohet vullkanit”.

Aso njihet si vullkani më i madh aktiv në vend i cili ndodhet në Kumamoto, në rajonin jugperëndimor Kyushu.

Continue Reading

Lajme

Rama: BE s’po arrin rezultatet, jo Shqipëria

Published

on

By

Rama: BE s’po arrin rezultatet, jo Shqipëria

Kryeministri I Shqipërisë Edi Rama tha se BE-ja nuk po arrin rezultatet dhe jo Shqipëria, gjatë konferencës në Kryeministri për progres-raportin e KE-së.

“ BE-ja nk po jep rezultatet, jo Shqipëria. Ça do bëjmë ne s’do t’i lëmë punët, nuk do i çojmë deri në fund. Kujt do t’i bëjmë dëm. Nuk është fare fjala për t’i fajësuar. Gjërat kanë logjikën e tyre në BE. Ka disa mënyra të të parit të gjërave që ne duhet ta bëjmë tonën”, tha Rama.

Continue Reading

Aktuale