Lajmet kryesore

Zjarri në Veles, shkrumbohen 400 hektarë pisha

Published

2 years ago

27.08.2019

B.SH

Pakujdesia e katër punonjësve të ndërtimtarisë ishte shkak për zjarrin që një natë më parë brenda pak orësh dogji rreth 400 hektarë pyje, pranë liqenit të Velesit të quajtur “ Mlladost”.

Zëdhënësi i Ministrisë së Punëve të Brendshme, Toni Angelovski, thotë se vet katër shkaktarët e zjarrit e kanë paraqitur rastin tek organet kompetente, pasi tentativat e tyre për shuarjen e të njëjtit kanë rezultuar të pa suksesshme.

“Ata janë në stacionin policore dhe së bashku me padinë penale do t’i dorëzohen Prokurorit Publik. Punonjësit e policisë i kanë arrestuar këta katër persona, të cilët në deklaratat e tyre gjatë realizimit të punës ndërtimore me makinerinë që po përdornin kanë shkaktuar shkëndijë zjarrin, të cilin janë përpjekur ta fikin, por nuk ia kanë dalë dhe atëherë e kanë paraqitur në organet kompetente”-tha Toni Angelovski, MPB.

Në zjarrin e mbrëmshëm nuk kishte të lënduar apo viktima në njerëz, por kishte dëme materiale, një fermë e djegur pjesërisht, një lavazh, dy shtëpi vikendi dhe një stallë të braktisur.

Për një moment flakët përbënin kërcënim edhe për Velesin dhe fshatrat përreth.Institucionet përsëri shfaqen dobësi në organizim. Këtë dobësi, e cila është theksuar edhe sot në mbledhjen e Shtabit të Përgjithshëm të Qendrës për Menaxhim me Kriza, zjarri e ka përdorur për të shkrumbuar disa dhjetëra apo qindra hektarë më shumë.

“Koordinimi, mjetet teknikë janë ndër dobësitë me të cilat përballen ekipet në terren, gjithashtu edhe bashkëpunimi ndër institucional. Vetëqeverisjet lokale duhet ta kenë të qartë se së pari duhet ata të dalin vet në terren, para se të kërkojnë ndihmë në nivel nacional. Pra duhet që fillimisht t’i përdorin të gjitha kapacitet e tyre”-pohoi Nadica Vckova, Qendra për Menaxhim me kriza.

Drejtori i pyjeve nacionale, Zoran Gjorgjiev, vendi humbi një kulturë pyjore 50 vjeçare.

“Ajo sipërfaqe është shumë e madhe. Është dëm I jashtëzakonshëm për banorët e Velesit dhe për shtetin. Është humbur kulturë pyjore 50 vjeçare e cila nuk mund të kthehet. Pa përmendur implikimet financiare, të cilat mund të sanohen, por nuk mund të kthehet kultura pyjore e humbur”-theksoi Zoran Gjorgjiev, drejtori i pyjeve nacionale.

Ndryshe, nga Ministria e Punëve të Brendshme thonë se ende nuk dihet se për çfarë vepre do të ngrihet padi penale ndaj katër personave të arrestuar, për shkaktim të zjarrit në pyje apo për shkaktim të rrezikut të përgjithshëm.

Pas zjarrit, qytetarët janë mobilizuar përmes rrjeteve sociale për organizimin e një iniciative për pyllëzimin e serishëm të sipërfaqes së djegur.

BURIMI: Alsat-M

Lajme

Sërish rriten çmimet e derivateve të naftës në Maqedoni

Published

11 hours ago

18.10.2021

G.A

Sërish rriten çmimet e derivateve të naftës në Maqedoni

Komisioni Rregullator i Energjetikës dhe i Shërbimeve të Ujit (KRRE), miratoi vendimin, me të cilin kryhet rritja e çmimeve të shitjes me pakicë të derivateve të naftës mesatarisht për 1,23 % në raport me vendimin e datës 12.10.2021.

Në periudhën e kaluar shtatëditore të gjitha çmimet referente në bursat botërore, mesatarisht shënojnë rritje edhe atë: te benzina për 2,197 %, te nafta për 2,842 %, te vaji ekstra i lehtë për 2,853 % dhe te mazuti për 0,554%.

Në të njëjtën periudhë kursi i denarit në raport me dollarin është më i lartë për 0,164%.

Çmimet e shitjes me pakicë të benzinës ЕUROSUPER BS-95 dhe ЕUROSUPER BS-98, si dhe të EURODIZELIT (D-Е V) dhe të VAJIT EKSTRA TË LEHTË PËR AMVISËRI (ЕL-1) rriten për 1,00 den/litër, në raport me çmimet e shitjes me pakicë, të përcaktuara me vendimin e e përcaktimit të çmimieve më të larta të shitjes me pakicë të derivateve të naftës dhe të lëndëve djegëse të transportit të datës 12.10.2021.

Çmimi i shitjes me pakicë i Mazutit М-1 SU rritet për 0,249 den/kilogram dhe tani do të jetë 43,010 den/kg.

Nga data 19.10.2021, ora 00:01 çmimet maksimale të derivateve të naftës do të jenë:

Benzinë për motorë EUROSUPER BS95 – 76,50 (denarë/litër)
Benzinë për motorë EUROSUPER BS98 – 78,50 (denarë/litër)
Naftë për motorë EURODIZEL BS (D-E V) – 68,50 (denarë/litër)
Vaj për Djegie Ekstra i Lehtë 1 (EL-1) – 68,00 (denarë/litër)
Mazut М-1 SU 43,010 (denarë/kilogram).

Nga KRRE thonë se këto janë çmimet maksimale të derivateve të naftës nga ora 00:01 e datës 19.10.2021.

Kosovë

Bahtiri pajtohet me humbjen: Telefonon Bedri Hamzën për t’ia uruar fitoren

Published

12 hours ago

18.10.2021

G.A

Bahtiri pajtohet me humbjen: Telefonon Bedri Hamzën për t’ia uruar fitoren

Ish kryetari i Mitrovicës Agim Bahtiri, është pajtuar me humbjen që ka pësuar dje në zgjedhjet lokale, shkruan Gazeta Metro.

Bahtiri, përmes një postimi në Facebook tha se e kishte telefonuar Bedri Hamzën, kandidatin e PDK’së që doli i pari në këto zgjedhje.

Ai shkroi se në garë është e natyrshme që dikush fiton e dikush humb dhe këtë e vendos populli.

‘’ Mbrëmë kam telefonuar kundërkandidatin Bedri Hamza, të cilit i urova fitore. Në këtë bisedë të shkurtër, e sigurova që të gjitha punët do të jenë të përgatitura për t’ia përcjellë kur të vjen procesi i pranim-dorëzimit dhe kërkova që projektet e filluara mos të ndërpriten’’, shkroi Bahtiri.

Kujtojmë se Bahtiri mblodhi vetëm 34.40% të votave nga qytetarët mitrovicas.

Hamza arriti të mbledhë 53.86% të votave nga qytetarët e Mitrovicës.

Postimi i plotë:

”Në zgjedhjet e djeshme për kryetar komune, edhe njëherë treguam se zgjedhjet janë të lira dhe demokratike e me një proces pa asnjë problem.

Natyrisht në garë dikush fiton dhe dikush tjetër humb dhe kjo vendoset nga populli. Falenderoj qytetarët që për dy herë radhazi më kanë dhënë besimin mua për të udhëhequr Mitrovicën. Gjithashtu, falenderoj shumë të gjithë qytetarët që edhe kësaj radhe besuan në mua duke më votuar.

Mbrëmë kam telefonuar kundërkandidatin Bedri Hamza, të cilit i urova fitore. Në këtë bisedë të shkurtër, e sigurova që të gjitha punët do të jenë të përgatitura për t’ia përcjellë kur të vjen procesi i pranim-dorëzimit dhe kërkova që projektet e filluara mos të ndërpriten.

Do të jem gjithmonë në shërbim të Mitrovicës”/gazetametro.net

Bota

Të paktën 24 persona të vdekur nga vërshimet në Indi, 5 fëmijë në mesin e tyre

Published

12 hours ago

18.10.2021

G.A

Të paktën 24 persona të vdekur nga vërshimet në Indi

Të paktën 24 persona kanë vdekur nga vërshimet në jug të Indisë, pasi shirat e rrëmbyeshëm kanë dëmtuar shtratin e ujit të lumenjve.

Pesë fëmijë janë në mesin e të vdekurve.

Ka shqetësime se numri i viktimave mund të rritet pasi disa persona janë ende të zhdukur.

Shumë shtëpi i ka marrë uji dhe njerëzit janë bllokuar në rajonin Kotajam në shtetin Kerala.

Incizimet nga ajo zonë kanë shpërfaqur një autobus me pasagjerë duke u shpëtuar pasi rrotat janë bllokuar në ujë.

Kotajam dhe Iduki janë dy rajonet e prekura më së keqi.

Disa ditë me mot të tillë kanë rezultuar edhe me rrëshqitje të dheut.

Shumë helikopterë janë duke u përdorur për të dërguar furnizime në zonat ku janë bllokuar njerëzit, kanë thënë zyrtarët.

Mijëra persona janë evakuuar dhe mbi 100 kampe të shpëtimit janë krijuar në shtetin Kerala, kanë thënë autoritetet.

Kryeministri indian, Narendra Modi, ka thënë të dielën se ka folur me autoritetet e këtyre zonave rreth situatës së krijuar.

“Është ditë e rëndë që kanë vdekur shumë persona për shkak të shirave të rrëmbyeshëm dhe rrëshqitjeve të dheut në Kerala. Ngushëllimet e mia për familjarët”, ka thënë Modi.