Connect with us

Lajme

Simbolika e Feniksit mitik: Ripërtëritja, rilindja dhe shkatërrimi

Published

on

Në mitologjinë e lashtë, simbolika i zogut madhështor Feniks, që lidhet më së shpeshti me Diellin, vdes dhe ringjallet nëpër kultura të ndryshme, dhe gjatë gjithë kohës. Legjenda e lashtë, përshkruan pamjen e një zogu magjik të ndritshëm dhe vezullues, që jeton qindra vjet para se të vdesë, duke shpërthyer në flakë.

Pastaj rilind nga hiri, për të nisur një jetë të re dhe të gjatë. Kaq e fuqishme është kjo simbolikë, sa që është një motiv dhe imazh, që sot përdoret shpesh në kulturën dhe folklorin popullor. Feniksi legjendar është një zog i madh, shumë i ngjashëm me një shqiponjë, ose një pallua.

Ndonjëherë ai do të rrethohet nga një ngjyrë e shkëlqyeshme, e purpurt ose e verdhë, pasi ajo është e lidhur me diellin dhe zjarrin në rritje. Sytë e tij janë blu dhe shkëlqejnë si safiri. Ai ndërton varrin ose folenë e vet, dhe e ndez atë me një rrahje të vetme të krahëve të tij. Pas vdekjes ngrihet lavdërishëm nga hiri dhe fluturon larg.

Zogu Feniks, simbolizon ripërtëritjen dhe ringjalljen

Feniksi simbolizon ripërtëritjen dhe ringjalljen, dhe përfaqëson shumë tema si “dielli, koha, perandoria, metapsikoza, shenjtërimi, ringjallja, jeta në parajsën qiellore, Krishti, Maria, virgjëria, njeriu i jashtëzakonshëm”.

Tina Garnet shkruan në librin e saj “Feniksi në mitologjinë egjiptiane, arabe dhe greke: “Kur ndjen që po i afrohet fundi, ai ndërton një fole me gjethet më të mira aromatike të pyjeve, i vë asaj zjarrin dhe konsumohet nga flakët. Nga grumbulli i hirit, rilind një Feniks i ri i fuqishëm.

Më pas, mbi hirin e paraardhësit një vezë pjell një vezë, e merr dhe fluturon me të në qytetin e Diellit, Heliopolis, ku e vendos vezën në altarin e Zotit Diell”.”

Ka versione më pak të njohura të mitit, në të cilat Feniksi vdes dhe thjesht dekompozohet përpara se të rilindë. Grekët e lashtë e quajtën atë Feniks, por ai është i lidhur me Benun egjiptian, Thunderbird-in e Amerikës Lindore, Firebird-in e Rusisë, Fen Huangin kinez dhe japonezin Hō-ō.

Besohet se grekët i quajtën Kananejtë, Fenikas, një term që mund të rrjedhi nga fjala greke ‘Feniks”, që do të thotë i kuqërremtë. Në fakt, simbolika e Feniksit është gjithashtu e lidhur ngushtë me Fenikasit.

Feniksi nëpër kohë

Ndoshta shembulli më i hershëm i legjendës, është moti i egjiptianëve për Benu, një shpend që është pjesë e mitit të krijimit të tyre. Benu jetoi në majë të shkëmbinjve të Ben-Ben ose obeliskëve, dhe adhurohej nga njerëzit sëbashku me perenditë Osiris dhe Ra. Benu, shihet si një avatar i Osiris, një simbol i gjallë i hyjnisë. Zogu i diellit, shfaqet në hamajlitë e lashta, si një simbol i rilindjes dhe pavdekësisë, dhe lidhet me periudhën e përmbytjeve të Nilit, duke sjellë pasuri dhe pjellori të re.

Historiani grek Herodoti, shkroi se priftërinjtë e Heliopolisit të lashtë, e përshkruan zogun si të gjallë për 500 vjet me rradhë, përpara se të ndërtonte dhe vinte flakën folesë së vet. Pastaj, pasardhësit e zogut u ngritën nga hiri dhe çuan priftërinjtë në altarin e tempullit në Heliopolis. Në Greqinë e lashtë, thuhet se zogu nuk hante fruta të freskëta, por vetëm fruta të thata. Gjithashtu ai mblidhte kanellë për folenë e tij, në përgatitje të vdekjes në zjarr. Në Azi, Feniksi mbretëron mbi të gjithë zogjtë e tjerë, dhe është simboli i perandorit kinez, i hijeshisë femërore, si dhe Dielli dhe jugu.

Shikimi i Feniksit, është një shenjë e mirë se një udhëheqës i mençur është ngjitur në fron, dhe një epokë e re ka filluar. Ai ishte përfaqësues i virtyteve kineze: mirësisë, ndjenjës së detyrës, dhe besueshmërisë. Pallatet dhe tempujt ruhen nga kafshët mbrojtëse prej qeramike, të gjitha të udhëhequra nga Feniksi.

Shkatërrimi dhe Krijimi

Feniksi mitik gjendet në shumë besime fetare, dhe nënkupton përjetësinë, shkatërrimin, krijimin dhe fillimin e ri. Për shkak të temave të vdekjes dhe ringjalljes, ai u adoptua si simbol në Krishterimin e hershëm, si një analogji e vdekjes së Krishtit dhe ringjalljes së tij 3 ditë më vonë. Imazhi u bë një simbol popullor në varrezat e të krishterëve të hershëm. Feniksi është gjithashtu simbol i një zjarri kozmik, që disa besojnë se e krijoi botën, të cilën do ta konsumojë.

Një Feniks i rilindur

Në legjendën hebraike, Fenksi njihet si Milkam – një zog besnik dhe i pavdekshëm. Duke u kthyer në Eden, ku Eva zotëronte mollën e dijes, ajo i tundoi kafshët e kopshtit të hanin frutat e ndaluar. Zogu Milkam nuk e pranoi ofertën, dhe për besimin e treguar i`u dha një qytet ku do të jetonte në paqe pothuajse përjetësisht, duke rilindur çdo 1 mijë vjet, dhe duke qenë i imunizuar ndaj Engjëllit të Vdekjes.

Simbol i alkimisë

Feniksi është gjithashtu një simbol alkimik. Ai përfaqëson ndryshimet gjatë reaksioneve kimike, dhe ecën përpapa nëpërmjet ngjyrave, vetive të materies, dhe ka të bëjë me hapat e alkimisë në bërjen e Veprës së Madhe, ose të Gurit Filozofal. Shtesat moderne për këtë mit në kulturën popullore, thonë se lotët e Feniksit kanë fuqi të mëdha shëruese, dhe nëse Feniksi është afër, askush nuk mund të gënjejë.

Në ndryshim dhe rindryshim të përhershëm, Feniksi përfaqëson idenë se fundi është vetëm fillimi. Ashtu si ky mit i fuqishëm, simboli i feniksit do të rilindë pa pushim në legjendën dhe imagjinatën njerëzore. / ancient origins

Continue Reading

Lajme

KSHZ-ja nxjerr rezultatet e para paraprake të zgjedhjeve lokale

Published

on

Kryetari i Komisionit Shtetëror të Zgjedhjeve, Aleksandar Dashtevski, në një dalje për shtyp, ka nxjerrë rezultat e para të kandidatëve që kanë fituar komunat që në raundi e parë dhe ato që shkojnë në balotazh, pas dy javësh, më 31 tetor.

Rezultatet parapake të zgjedhjeve lokale të 17 tetorit:

Haraçina shkon në balotazh, LSDM-BDI

Manastir shkon në balotazh LSDM-VMRO-DPMNE

Bogovina shkon në balotazh

Bevernica shkon në balotazh

Butel ka fituar VMRO-DPMNE-ja

Silevo shkon në balotazh VMRO-LSDM

Vevçan shkon në balotazh LSDM-VMRO

Vrapçisht shkon në balotazh ASH-BDI

Gazi Baba ka fitura në raundin e parë

Gjevgjeli shkon në balotazh LSDM-VMRO

Gradsko ka fituar VMRO-ja

Dibër shkon në balotazh BDI-ASH

Dimir Hasar shkon në balotazh VMRO-LSDM

Dollnen shkon në balotazh LSDM-BDI

Zhelinë shkon në balotazh Besa-BDI

Kërçovë shkon në balotazh BDI-VMRO

Kratov shkon në balotazh LSDM-VMRO

Kriva Pallanka fiton LSDM

Krushevë fiton LSDM

Kumanovë shkon në balotazh LSDM-kandidat i pavarur

Likovë fiton BDI

Kamenicë shkon në balotazh VMRO-LSDM

Makedonski Brod shkon në balotazh VMRO-LSDM

Ohër shkon në balotazh VMRO-LSDM

Continue Reading

Kosovë

Për humbjen në Prizren, Anton Quni ia lë fajin edhe horoskopit

Published

on

Kandidati i Lidhjes Demokratike të Kosovës për kryetar të Prizrenit, Anton Quni ka arritur t’i marrë vetëm 14,98% të votave në zgjedhjet e djeshme, ku doli i treti pas Mytaher Haskukës së Lëvizjes Vetëvendosje (40,43%) dhe Shaqir Totajt të Partisë Demokratike të Kosovës (31,10%).
Një nga faktorët për humbjen e djeshme, Quni tha se ishte edhe pozita e yjeve në horoskop. Ai tha se LDK-ja e filloi vonë fushatën në këtë komunë, ndërsa tha se beson që e kanë bërë më të mirën e mundshme, raporton Express.

“Është fakt që kemi filluar vonë. Kjo më shumë lidhet me shëndetin tim.

Thuajse nga salla e operacionit jam kyçur në fushatë. Besoj që e kemi bërë më të mirën që kemi mundur, me prezantimin e programit, me agjendën tonë, me takimet, me bashkëbisedimet, me promovimet e të gjithë atyre vlerave që ne i ofrojmë për qytetarët. Normal, kjo çështje varet nganjëherë edhe nga pozita e yjeve në horoskop. Këto nuk kanë qenë në favorin tonë”, tha Quni për Klan Kosovën.

Ai shtoi se ka pasur edhe faktorë tjerë që kanë ndikuar në rezultatin e këtyre zgjedhjeve.

“Janë edhe shumë faktorë të tjerë që ndikojnë. Krijohet një opinion. Vetë fakti se përsëriteshin sondazhet publikisht, tregohet sadopak se nga duhet të orientohet vota”, tha Quni.

Ai deklaroi se nuk kanë vija të kuqe për LVV-në dhe LDK-në që do të garojnë në balotazh.

“Me Z.Haskuka nuk kemi përvoja të mira”, tha Quni, i cili shtoi se “me seriozitetin më të madh do ta analizojmë situatën”.

Continue Reading

Lajme

Ja sa këshilltarë kanë partitë politike në Strugë

Published

on

Ja numri i 27 këshilltarve të rinj në Këshillin e ardhshëm komunal të Strugës, 2021-2025:

BDI- 10 këshilltarē
ASH-AA- 7 këshilltarë
VMRO-DPMNE- 5 këshilltarë
LSDM- 4 këshilltarë
BESA – 1 këshilltarë

Në Strugë do të ketë raund të dytë në garën për kryetar komune mes Ramis Merkos nga BDI dhe Idri Istrefit nga ASH-AAA.

Continue Reading

Aktuale