Connect with us

Bota

Britania dhe Italia, binjakët e tmerrshëm të Evropës

Published

on

Shumicën e kohës që nga viti 1945, politikat dhe qeveritë e Britanisë dhe Italisë janë dukur si të kundërta polare.

Në fakt, të dyja ishin fuqi të rëndësishme evropiane. Secila kishte një vend në ekonomitë kryesore të botës. Edhe tani, Britania dhe Italia do të jenë ndër grupin e përzgjedhur të kombeve të fuqishëm ekonomikisht, drejtuesit e të cilëve do të mblidhen këtë fundjavë për samitin e G7.

Në të kaluarën, në politikë, Britania ishte e qëndrueshme, ndërsa Italia nuk ishte famëkeqe. Qeveritë britanike ishin të forta, ndërsa qeveritë italiane ishin të dobëta dhe jetëshkurtra. Kur Britania shihej në pasqyrë ajo shihte prakticitetin, ndërsa Italia shpesh ishte sinonim i krimit dhe korrupsionit.

Ndërsa Britania ruajti autonominë e saj duke refuzuar të bashkohej me eurozonën, Italia me entuziazëm ‘përqafoi’ vendin në tryezën e BE-së.

Sot, politikisht, Britania po bëhet më shumë si Italia. Si Italia, Britania është një vend gjithnjë e më i vështirë për tu qeverisur, që bën gjithnjë e më pak përpjekje për të zgjidhur problemet e tij themelore ekonomike, sociale dhe politike.

Përkundrazi, si Italia, Britania duket se po shkon drejt e në të djathtë nën udhëheqjen e drejtuesve populistë.

Ashtu si Theresa May, kryeministri Conte u detyrua të hiqte dorë sepse Lidhja, nën udhëheqjen e Matteo Salvinit, mendon se mund të fitojë zgjedhjet. Qasja anti-emigrim, armiqësia me BE-në në përgjithësi, dhe Gjermaninë në veçanti, plus gatishmëris e tij për të marrë hua dhe për të rritur deficitin, dhe qëllimi i tij për të ulur taksat, të kujton mënyrën e Johnson për marrëveshjen e Brexit.

Asnjë nga këto nuk tregon se Britania dhe Italia janë njësoj. Por nëse Angela Merkelit, do ti kërkohej privatisht për të listuar kolegët e saj më të padëshiruar të BE-së, me siguri Johnson dhe Salvini do të ishin në krye të listës së saj aktuale, madje edhe mbi Viktor Orbánin e Hungarisë.

Drejtuesit populistë të djathtë italianë dhe britanikë paraqesin një sfidë të qëllimshme për politikën tradicionale në përgjithësi dhe në veçanti për të ardhmen e BE-së.

Për pjesën më të madhe të epokës së pasluftës, në Itali pushteti ishte në qytete dhe rajone. Në krahasim me Gjermaninë dhe Skandinavinë, Italia ishte ekonomikisht proteksioniste, joefikase dhe e shkatërruar institucionalisht.

Dikur, ishte e mundur të besohej se, nëse do të kishte konvergjencë midis të dyve, do të ishte Italia ajo që do të ndryshonte, duke u përshtatur me rregullat liberale demokratike kapitaliste të BE-së. Por kjo nuk ka ndodhur. Që nga rënia e qeverisë së Sirizës në Greqi, Italia dhe Britania e Madhe së bashku paraqesin sfidat më të drejtpërdrejta për themelet ligjore, buxhetore dhe për të drejtat e BE.

Në fakt, ende ka dallime të thella midis vendeve. Por trajektoret e tyre të djathta dhe zotërimi i tyre i arteve të zeza të fushatave politike në epokën dixhitale të gjitha vijnë nga e njëjta tokë.

Ata që kanë argumentuar për shumë vite që Britania të bëhet më shumë si Gjermania apo Suedia, duhet të zgjohen. Italia dhe Britania janë bërë binjakët e tmerrshëm të Evropës.

Martin Kettle është një columnist i The Guardian

Continue Reading

Bota

Tym e zjarr në kampin ku ndodhen ushtarët shqiptarë, NATO gati kundër rusëve

Published

on

Forcat e NATO-s në Kamp Adazi të Letonisë kanë kryer stërvitjen e radhës me artileri të rëndë gjatë ditëve të fundit si një kundërpërgjigje ndaj kërcënimeve ruse ndaj aleancës dhe vendeve Balltike.

Stërvitja “Shigjeta e Hekurt” u zhvillua nga forcat e artilerisë së vendeve të NATO-s që gjenden prej disa vitesh pranë Rigas në Letoni, ku janë pozicionuar edhe ushtarët shqiptarë.

Këta të fundit shërbejnë si njësi e demontimit të minave. Në këtë mision humbën jetën dy vite më parë edhe dy ushtarakët shqiptarë Zarife Hasanaj dhe Klodian Tanushi.

NATO ka shtuar ndjeshëm prezencën e saj në vendet balltike pas kërcënimeve ruse, ndërkohë që sëfundmi pritet t’i bashkohen aleancës edhe Finlanda me Suedinë. /abcnews.al

Continue Reading

Bota

Lajmi i fundit / Marrëveshje midis Rusisë dhe Ukrainës

Published

on

Ushtria ruse urdhëroi një armëpushim në zonën e fabrikës së çelikut Azovstal dhe hapi një korridor humanitar, njoftoi sot Ministria e Mbrojtjes e Rusisë, transmeton Demokracia.com.

Është arritur një marrëveshje me përfaqësuesit e palës ukrainase për evakuimin e ushtarëve të plagosur në institucionet shëndetësore, transmeton RIA Novosti.

“Më 16 maj, si rezultat i negociatave me përfaqësuesit e personelit ushtarak ukrainas të bllokuar në territorin e uzinës metalurgjike Azovstal në Mariupol, u arrit një marrëveshje për evakuimin e të plagosurve”, tha ministria ruse në një deklaratë.

Të plagosurit u transferuan në një spital në Novoazovsk në territorin e Republikës së vetëshpallur Popullore të Donetsk (DNR). /Demokracia.com/

Continue Reading

Bota

Nuk ka durim në BE: Serbia duhet t’ia vendosë sanksionet Rusisë

Published

on

By

Nuk ka durim në BE: Serbia duhet t’ia vendosë sanksionet Rusisë

Dy mesazhe të pakëndshme ka marrë presidenti serb, Aleksandër Vuçiq në Bruksel nga Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell. E para ishte një mesazh i qartë se BE-ja pret që të gjitha vendet e rajonit të mbështesin sanksionet kundër Rusisë dhe e dyta ishte njoftimi i ministres së Punëve të Jashtme të Kosovës, Donika Gërvalla-Schwartz se vendi do të paraqiste kërkesë formale për anëtarësim në Këshillin e Evropës.

Siç e kishte pranuar edhe vetë Vuçiq, këto dy tema janë aq të vështira për Serbinë, saqë ai kishte thirrur një mbledhje urgjente të Këshillit të Sigurisë Kombëtare.

Deri më tani, Serbia ka arritur disi t’i rezistojë presionit për të vendosur sanksione ndaj Rusisë, siç kanë bërë të gjitha vendet e tjera.

Siç shkruan mediumi kroat Jutarni List, edhe pse disa përfaqësues të institucioneve të BE-së janë përpjekur të relativizojnë pikëpamjet e Serbisë dhe të tregojnë mirëkuptim, shumë shtete anëtare janë të indinjuara nga pikëpamjet e Beogradit dhe po kërkojnë qartë që Serbia të vendosë përfundimisht në cilën anë dëshiron të jetë.

Pakoja e gjashtë e sanksioneve ekonomike kundër Rusisë

Borrell ka falënderuar dje të gjitha vendet e Ballkanit Perëndimor që kanë mbështetur BE-në në qëndrimet e tyre në lidhje me Rusinë. Përveç Serbisë, të gjitha vendet në rajon mbështetën sanksionet kundër Rusisë.

Serbia kishte votuar në OKB për përjashtimin e Rusisë nga Këshilli i të Drejtave të Njeriut. Megjithatë, për BE-në kjo nuk mjafton dhe se ata po kërkojnë nga Serbia të mbështesë sanksionet dhe sigurisht të mos lejojë që ato të anashkalohen.

Në fjalimet e tij, Vuçiq u përpoq t’i shpjegojë publikut problemet me të cilat po përballet Serbia, aq më tepër që edhe nëse nuk vendos sanksione ndaj Rusisë, ajo mund të marrë naftë dhe gaz vetëm përmes vendeve të Bashkimit Evropian, kryesisht Kroacisë.

Sa i përket Kosovës, presidenti serb beson se me aplikimin për anëtarësim në Këshillin e Evropës, Kosova ka shkelur obligime të ndryshme, përfshirë Marrëveshjen e Uashingtonit.

Në anën tjetër, Kosova beson se angazhimi ka qenë për një moratorium njëvjeçar dhe kërkesa për anëtarësim në Këshillin e Evropës, e më pas në Partneritetin për Paqe në NATO, ku me këto pritet të forcohet subjektiviteti juridik ndërkombëtar i shtetit.

Këshilli i Evropës ka konfirmuar se ka pranuar aplikacionin zyrtar të Kosovës për anëtarësim.

Continue Reading

Aktuale