Connect with us

Lajme

Deputetët e RMV-së, liderë rajonal në shpenzimet rrugore, shpenzuar gjysëm milioni euro në vitin 2018

Published

on

Sipas të dhënave të cilat i ka siguruar Qendra për gazetari hulumtuese SCOOP-Maqedoni, 76 deputetë kanë harxhuar 496 mijë euro për shpenzimet e udhëtimit vitin e kaluar. Kjo do të thotë se mesatarisht, për vitin 2018, secili deputet ka marrë rreth 6 mijë eurosh për shpenzimet e udhëtimit. Më shumë nga ata ka harxhuar deputeti i cili udhëton nga Struga, Alija Kamberoski, gjithsej 18.156 euro, ndërsa më pak deputeti Kërsto Mukoski, vetëm 96 euro, transmeton in7.

Burim: Të dhëna për vitin 2018 të marra nga Kuvendi i RMV-së

Deputetët kanë marrë më shumë para për shpenzimet e udhëtimit në qershor, ndërsa më pak në shtator.

Kjo qendër e gazetarisë hulumtues edhe më parë ka shkruar për shpenzimet e udhëtimit të deputetëve, përkatësisht se ata janë liderë në rajon për marrjen e parave për këtë lloj të shpenzimeve.

Në listën e deputetëve të cilët marrin para për shpenzimet e udhëtimit përmenden emrat e njëjtë. Kështu, sipas hulumtimit të Makfaks-it, Alija Kamberoski është rekorder sipas shpenzimeve të arkëtuara të udhëtimit në Kuvend për vitin 2017. Ai nga muaji mars deri në muajin nëntor të vitit 2017, vetëm për nëntë muaj ka marrë nga Kuvendi 12.847 euro për shpenzimet e udhëtimit. Ndërsa, nga muaji dhjetor i vitit 2017 deri në muajin maj të vitit 2018 ka bërë shpenzime të udhëtimit në vlerë prej 10.355 eurosh. Vitin e kaluar, e dyta sipas shumës së arkëtuar të parave për shpenzimet e udhëtimit është Mira Stojçevska nga Delçeva. Emri i saj nuk përmendet për herë të parë kur bëhet fjalë për shpenzimet e udhëtimit. Në fakt, Stojçevska në vitin 2017 ka harxhuar 11.736 euro. Ndërsa, vetëm në periudhën nga muaji dhjetor i vitit 2017 deri në muajin maj të vitit 2018, ajo ka harxhuar 10.396 euro.

Shpenzimet e udhëtimit për periudhën mars – nëntor të vitit 2017

Alija Kamberoski – 12.847 euro

Liljana Zaturoska – 11.435 euro

Mira Stojçevska – 11.736 euro

Aleksandar Kiracovski – 11.065 euro

Sasho Vasilevski – 9.850 euro

Kërsto Mukoski – 9.563 euro

Katerina Kuzmanovska – 9.326 euro

Në muajin qershor të vitit 2018, Ligji kaloi procedurat parlamentare dhe me këtë pësoi edhe ndryshimin, sipas të cilit deputetët në vend se 30 për qind në të ardhmen do të marrin 20 për qind për çdo kilometër të kaluar nga çmimi i shitjes së një litri karburanti. Por, edhe pas ndryshimit të ligjit, deputetët përsëri i marrin të njëjtat shuma për të udhëtuar nga shtëpia deri në punë dhe anasjelltas.

Vegla e llogaridhënies “ngeci” në vitin 2018

Kaloi gjysma e vitit, por në faqen e internetit të Qeverisë, e cila publikoi Veglën e llogaridhënies për shpenzimet e bartësve të funksioneve publike, nuk ka asnjë të dhënë për shpenzimet e funksionarëve për vitin 2019. Të gjitha të dhënat janë për vitet e mëparshme, përkatësisht për vitin 2014, 2015, 2017 dhe 2018. Me vetë hapjen e faqes, gjëja e parë që mund të shihet është se ish-kryeministri Nikolla Gruevski ka pasur më shumë shpenzime si funksionar, ndërsa kryeministri aktual është në vendin e katërt. Të vjetra janë edhe të dhënat në pjesën “Marrja e banesës me qira (për personat që banojnë jashtë Shkupit)”, ku në vendin e parë sipas shpenzimeve është ish-ministri pa resor, Xheri Naumof.

Continue Reading

Lajme

Deri në ora 09:30, jehona e votuesve në Tetovë është 3,4 për qind

Published

on

Autoritetet e Komisioni Shtetërorë Zgjedhorë në Tetovë njoftojnë se deri në ora 9:30, jehona e votuesve në zgjedhjet lokale është 3,4 për qind.

“Deri në ora 9:30, sa kemi mundur të mbledhim informacione pasi Komisioni Komunal i Tetovës përfshin 117 vendvotime, dhe duhet të bimë në kontakt me kryetarët. Deri në ora 9:30 kemi dalje prej 3,4 për qind në nivel të komunës së Tetovës”, Nazim Dauti nga KSHZ Tetovë.

Continue Reading

Lajme

Linjë e hapur tek Avokati i popullit për shkeljen e të drejtës së votës 0800-54321

Published

on

Qytetarët në rrethin e parë të Zgjedhjeve lokale sot mund të raportojnë çdo shkelje të të drejtës së votës në linjën telefonike falas 0800-54321, e cila do të funksionojë nga ora 07:00 deri në orën 19:00 në zyrën e Avokatit të popullit. Nga Avokati i popullit, gjithashtu informon se të hapur për qytetarët do të jenë të gjitha shtatë zyrat e Avokatit të Popullit në: Shkup, Manastir, Kërçovë, Kumanovë, Strumicë, Tetovë dhe Shtip, në mënyrë që t’i ndihmojnë ata në realizimin dhe mbrojtjen e të drejtave të tyre të votës.

Përveç linjës falas, qytetarët do të mund të telefonojnë në numrat e mëposhtëm të telefonit për mbrojtjen e të drejtave të tyre: Tetovë: 044 344- 082, Strumicë: 034 329- 996, Kërçovë: 045 228-586, Manastir: 047 242-310 , Shtip: 032 389-701 dhe Kumanovë: 031 431-488.

Nga Zyra e Avokatit të Popullit gjithashtu theksojnë se e drejta e votës është e garantuar në mënyrë kushtetuese si e barabartë, e përgjithshme dhe e drejtpërdrejtë dhe ushtrohet në zgjedhje të lira me votim të fshehtë dhe se askush nuk duhet të mbajë përgjegjësi për ushtrimin e kësaj të drejte, prandaj shkelja aksidentale e lirisë zgjedhja e zgjedhësve si dhe shkeljet e tjera të së drejtës për të votuar janë vepra penale të dënueshme dhe apelon tek të gjithë aktorët në procesin zgjedhor që të respektojnë protokollet shëndetësore të përcaktuara për mënyrën e votimit.

Continue Reading

Lajme

Gjermania i jep kredi milionëshe Turqisë për mbrojtjen e klimës

Published

on

Gjermania do ta mbështesë financiarisht Turqinë për teknologji më të favorshme ndaj mjedisit.

Këtë e deklaroi kancelarja Angela Merkel gjatë vizitës në Stamboll.

“Gjermania do të mbështesë në nivel bilateral”, tha Merkel pas takimit me presidentin turk Rexhep Tayip Erdogan.

Lidhur me këtë po zhvillohen ende bisedime. Sikurse njofton agjencia e lajmeve Reuters, Turqia pas ratifikimit të Marrëveshjes së Parisit për mbrojtjen e Klimës ka marrë një premtim kredie në vlerën mbi 3.1 miliardë euro.

Kjo shumë, sipas marrëveshjes, do të lëvrohet nga Banka Botërore, Franca dhe Gjermania.

Gjermania duhet të lëvrojë mbi 200 milionë euro, bëhet e ditur. Merkel e përshëndeti ratifikimin nga Turqia të Marrëveshjes së Parisit për mbrojtjen e Klimës. Tani të gjitha shtetet e G20 e kanë nënshkruar këtë marrëveshje.

Takimi mes Merkelit dhe Erdoganit u zhvillua në pjesën historike të qytetit Tarabya buzë ngushticës së Bosforit.

Tema të tjera të vizitës së lamtumirës të kancelares në Stamboll ishin edhe Afganistani dhe bisedimet që po zhvillohen me talibnët, situata aktuale në Libi e në Siri si dhe politika e BE-së për migracionin. Merkeli deklaroi, se në samitin e BE-së javën e ardhshme do të angazhohet, që Turqia të marrë ndihma të mëtejshme nga BE për kujdesin ndaj refugjatëve sirianë.

Turqia ndodhet në njërën prej itinerareve kryesore të transitit për refugjatët që synojnë të mbërrijnë në Evropë. Në marrëveshjen e vitit 2016 Ankaraja premtoi ndër të tjera se do të veprojë kundër bandave të kontrabandës me njerëz, që kalojnë refugjatët në Greqi. BE e ka mbështetur në kompensim Turqinë gjatë viteve të kaluara me shuma miliardëshe.

Merkeli tha, se është evidentuar, që për disa tema ne jemi të një mendimi.

“Ne e kuptojmë që në aspektin gjeostrategjik jemi shumë të varur nga njëri-tjetri”, deklaroi kancelarja duke iu referuar Afganistanit, migracionit ilegal, si edhe zhvillimeve në Afrikë. /Deutsche Welle/

Continue Reading

Aktuale