Dega e BDI-së në Gostivar ka reaguar ndaj partive opozitare shqiptare Aleanca për Shqiptarët dhe Lëvizja Besa të cilat në komunikatat e tyre lidhur me inspektorin që po hetohet thanë se bëhet fjalë për vëllain e kreut të degës së BDI-së në Gostivar.

Dega e BDI-së në Gostivar ka reaguar ndaj partive opozitare shqiptare Aleanca për Shqiptarët dhe Lëvizja Besa të cilat në komunikatat e tyre lidhur me inspektorin që po hetohet thanë se bëhet fjalë për vëllain e kreut të degës së BDI-së në Gostivar.

Në këtë reagim të firmosur nga kreu i degës Bashkim Hasani është bashkangjitur edhe një dokument për të cilin Hasani thotë se është kontrata e shitblerjes së veturës së vëllait të tij.

Në reagim thuhet gjithashtu se këto subjekte nuk gjejnë forma dhe mënyra për të shpifur dhe njollosur me qëllim përfitimin e pikëve politike.

“Kur flasim për rastin, nëse do të kishte pretendim për ta fshehur, i njëjti rast nuk do të bëhej publik në raportin zyrtar të policisë, dhe nuk qëndron aspak akuza e ASH që rasti po mbahet i fshehur. Me shpifje të tilla nuk mund të bindin as militantët e tyre partiak, e lëre më opinionin publik”, thuhet në reagimin e degës së BDI-së në Gostivar.

Aleanca për Shqiptarët përmes një kumunikate të lëshuar për mediat kishte akuzuar strukturat ushëheqëse pasi kishin fshehur nga hetimi veturën në të cilën ishte gjetur drogë dhe se e njëjta i përkiste një inspektori policor që ishte i afërt me funksionarët e BDI-së dhe se për këtë qëllim i njëjti nuk është përfshirë në hetim me kohë, transmeton in7.

“Automjeti me të cilin është bërë shitja nuk është mbajtur për ekzaminimet e mëtutjeshme. Kjo është brengosëse pasi që automjeti ka qenë ne shfrytëzim të inspektorit i cili në fakt është vëllai i funksionarit te lartë të BDI-së. Ky funksionar ka qenë shef kabineti në Komunën e Gostivarit kur kryetar ishte Nevzat Bejta, ka qenë shefi i shtabit të BDI-së në Gostivar, ka qenë përfaqësues i BDI-së në KKZ. Si mundet qe i gjithë ky rast te përfundon vetëm me mbajtjen e, siç u theksua në mediume, të dy shitësve, pa mos vazhduar më tutje dhe hetuar rastin se cili ka qenë roli i inspektorit si dhe njerëzve te tjerë?” – thonë nga Aleanca për Shqiptarët.

Edhe Lëvizjes Besa ka akuzuar MPB-në se pas fshehjes së rastit të gjuajtjes me armë nga deputeti i BDI=së, tani po fshenin edhe rastin e inspektorit, ku vetura e tij shfrytëzohet për shittje të lëndëve narkotike, shkruan in7.

“Pas fshehjes së rastit në Tetovë ku deputeti i BDI-së gjuajti në një aheng familjar dhe lëndoi dy persona, tani tentojnë të fshehin edhe rastin ku u kapën dy persona duke shpërndarë lëndë narkotike. Sipas informatave, policia ka kapur dy persona të cilët e kanë shpërndarë atë duke e shfrytëzuar veturën e inspektorit të policisë nga sektori i punëve te brendshme në Tetovë. Vetura me të cilën është bërë shitja nuk është mbajtur për ekzaminimet e mëtutjeshme pasi ka qenë në shfrytëzim të inspektorit, që në media u liferua se bëhet fjalë për vëllain e shefit të kabinetit të nënkryetarit të BDI-së, Nevzat Bejta. Ky është edhe një shembull se në këtë vend ka drejtësi selektive”, thuhet në kumunikatën e lëshuar nga Lëvizja Besa.

Ditë më parë in7 kishte publikuar lajmin se gjatë aksionit policor, të ndërmarrë nga SPB-Tetovë, në fshatin Zherovjan në rajonin e Tetovës janë arrestuar dy të rinj, të cilëve u është gjetur një sasi e substancës narkotike të tipit, kokainë. Kokaina ishte gjetur në automjetin Pasat, ngjyrë gri metalike dhe me targa TE99**AF, pronar i së cilës del të jetë inspektori në fjalë nga rajoni i Tetovës dhe që ky ishte në lidhje gjaku (vëlla nga babai) me një eksponent të partisë shqiptare në pushtet, BDI.

.