Connect with us

Lajme

Kosovë-Maqedoni e Veriut/ Deri në fund të javës do të hiqen barrierat tregtare

Published

on

Deri në fund të javës, Agjencia e ushqimit dhe veterinarisë së Kosovës duhet të dërgojë raport tek Agjencia e ushqimit dhe veterinarisë së Maqedonisë së Veriut, duke analizuar programin e duhur për monitorimin e produkteve të vezëve dhe peshqëve të rinj nga Kosova. Ministri i ekonomisë, Kreshnik Bekteshi, në takimin e sotëm me ministrin e tregtisë dhe industrisë së Kosovës, Endrit Shala në Prishtinë,tha se pasi të dorëzohen të gjitha dokumentet e nevojshme nga pala kosovare, atëherë do të merret vendimi që lejon importin e prodhimeve të peshkut nga Kosova.

“Faktet dhe argumentet tona që i kemi shpalosur para palës kosovare janë pranuar dhe ne presim që ata deri në fund të javës të dorëzojnë programin e tyre dhe kur ata do të paraqesin programin e tyre të monitorimit, Komisioni i Agjencisë për ushqim dhe veterinari nga Maqedonia e Veriut do të dalë në terren dhe do të përcaktojë nëse institucionet e Kosovës funksionojnë sipas këtij programi. Dua ti siguroj qytetarët dhe kompanitë në Republikën e Maqedonisë së Veriut që ne si Qeveri do të bëjmë gjithçka që është në fuqinë tonë për të hapur tregje të reja, por njëkohësisht edhe ti mbrojmë qytetarët me kontrolle më të mëdha mbi gjendjen shëndetësore të produkteve të importuara në vend. Unë nesër edhe me shkrim do ta njoftoj Ministrin e tregtisë dhe industrisë së Kosovës, Endrit Shala, se në momentin kur ata do të paraqesin këto dokumente, ne do t’u lejojmë atyre që të importojnë produktet e peshkut në Maqedoninë e Veriut. Unë pres që ata pasi të marrin këtë shkresë do të heqin pengesat për patatet dhe mjaltin”, tha Bekteshi.

Ministri Bekteshi informoi se masa nuk është ndërmarrë vetëm për Republikën e Kosovës, por është masë që është ndërmarrë për të gjitha vendet që nuk kryejnë monitorim aktiv dhe pasiv në lidhje me produktet e peshqëve.

“Vitin e kaluar ne si Qeveri njoftuam institucionet përkatëse në vendet fqinje, përfshirë Kosovën, Shqipërinë, Serbinë, Malin e Zi dhe Bosnjë e Hercegovinën, që të fillojnë të zbatojnë këtë program në mënyrë që të eksportojmë produktet tona në Bashkimin Evropian. Në tetor do të fillojmë negociatat me Bashkimin Evropian dhe do të marrim parasysh kapitujt që merren me këtë problematikë, ndërsa ne jemi të detyruar të zbatojmë masat dhe programet e tilla, sepse kemi ndërmarrë detyrime “, tha Bekteshi.

Drejtori i Agjencisë së ushqimit dhe veterinarisë Zoran Atanasov theksoi se është e nevojshme të verifikohet nëse Kosova heton në mënyrë adekuate mundësinë e sëmundjeve eventuale tek produktet e peshkut. Sapo të marrim një konfirmim të tillë që ato përputhen me të gjitha procedurat, pengesa e importit për Maqedoninë e Veriut do të hiqet.

“Kjo është një parim ndërkombëtarë që garanton se vendi nuk ka sëmundje dhe kjo është mënyra se si ne mbrohemi nga sjellja e sëmundjeve në territorin tonë.Nga ajo që na kanë siguruar autoritetet e Kosovës tani për tani nuk i kanë ende të gjitha analizat e nevojshme, por nëse ata na dëshmojnë se kanë kryer monitorim aktiv dhe pasiv siç pretendojnë ata, atëherë në atë moment komisioni ynë përcakton se po realizohen këto masa ne do ta heqim pengesën ditën tjetër,” u shpreh Atanasov.

Ministri i tregtisë dhe industrisë së Kosovës, Endrit Shala, pas takimit të realizuar në Prishtinë tha se Agjencia e tyre e ushqimit dhe veterinarisë kishte rënë dakord të paraqesin garancë shtesë për Maqedoninë e Veriut por që Kosova nuk është e detyruar ti kishte me nënshkruesit e tjerë të marrëveshjes së CEFTA-s.

“Ne u pajtuam që deri në fund të kësaj jave Agjencia jonë të përfundojë detyrat e saj dhe pas kësaj Agjencia përkatëse e Maqedonisë së Veriut do të heq barrierën që ka me Republikën e Kosovës. Kemi rënë dakord të ndërmarrim këto hapa institucionalë dhe për momentin të dy palët edhe Republika e Kosovës dhe ajo e Maqedonisë së Veriut do të eliminojnë masën e vendosur nga ne si ministri e tregtisë, por në të njëjtën kohë edhe barrierën që shfaqet mbi subjektet afariste gjatë eksportit të atij produkti në Republikën e Maqedonisë së Veriut”, tha Shala.

Të dy ministrat ranë dakord që pas zgjidhjes së problemeve me programet e monitorimit aktiv, të dy ministritë do të heqin barrierat dhe masat e reciprocitetit midis tyre. Maqedonia e Veriut aktualisht nuk importon peshk nga asnjë prej vendeve fqinje përveç Kosovës, dhe shumica e importeve vijnë nga vendet e Bashkimit Evropian, veçanërisht Danimarka dhe Hollanda.

Continue Reading

Lajme

Sela: Kemi duruar 20 vite dhe do të durojmë edhe dy ditë, e përfundimisht do e sjellim ndryshimin dhe fitoren e shqiptarëve

Published

on

By

Sela: Kemi duruar 20 vite dhe do të durojmë edhe dy ditë, e përfundimisht do e sjellim ndryshimin dhe fitoren e shqiptarëve

Kemi duruar 20 vite dhe do të durojmë edhe dy ditë, e përfundimisht do e sjellim ndryshimin dhe fitoren e shqiptarëve këtë në Maqedoninë e Veriut. Kështu tha kryetari i Aleancës për Shqiptarët, Ziadin Sela nga Tetova.

Sela tha se nuk do të mund gënjehet më tetovari dhe të gjithë shqiptarët me jetë dhe ambient jetësor kur 20 vite është punuar kundër jetës, kundër ambientit.

“Ke djegur kallamin ose tallat në liqenin e Strugës, ke prerë drurin në malësinë e Tetovës dhe në Kërçovë e gjetiu, e sot të dalësh dhe të thuash se ke plan për ambient jetësor, janë gjëra që nuk shkojnë njëra me tjetrën. Këto gjëra janë vetëm për të rikujtuar, se shqiptarët janë vetëdijesuar, janë ngritur në këmbë, Tetova është ngritur në këmbë, dhe ne do ta sjellim ndryshimin dhe fitoren”, tha Sela, duke shtuar se fitorja do të nis nga Struga dhe do të përfundojë në kryeqendër në Çair të Shkupit.

Sela u tha qytetarëve që e kanë humbur besimin te politika se edhe ata janë njësojë si ju.

“Por mos e humbini besimin tek politika, edhe ne e kemi humbur besimin te politika e keqe, mashtruese, manipulatore dhe shantazhuese që udhëhiqet nga BDI. Edhe ne jemi zhgënjyer nga ata, por nuk rrimë në shtëpi, ne dalim dhe e luftojmë këtë politik dhe u bëjmë thirrje dhe u zgjasim dorën hajdeni ta luftojmë bashkë këtë politik të keqe 20 vjeçare që na e ka vrarë shpresën”, deklaroi Sela.

Sela u bëri thirrje të gjithë qytetarët që të votojnë me ndërgjegje të pastër, për të dënuar edhe ato të cilët po i mbron qeveria dhe prokuroria për tragjedinë e ndodhur në Tetovë ku humbën jetën 14 qytetarë.

“Ngushëllim kanë nevojë ata njerëz, ata kanë nevojë të kenë njerëz pranë tyre që kujdesen dhe nuk i humbin aq lehtë kujtimin dhe ngushëllimin që duhen ta ketë dhe ngushëllimi dhe forma më e mirë do të ishte që më 17 tetor të dilni dhe të dënonin me votë, këta që i ruan shteti, sepse ndryshe bëheni bashkë fajtor me ata”, tha Sela.

Continue Reading

Lajme

Gashi: Sonte fillon faza e mbrojtjes së votës, kësaj radhe nuk lejojmë nëpërkëmbjen e vullnetit të shqiptarëve

Published

on

By

Gashi: Sonte fillon faza e mbrojtjes së votës, kësaj radhe nuk lejojmë nëpërkëmbjen e vullnetit të shqiptarëve

Afrim Gashi tha se është i bindur se Tetova ka vullnet për ndryshim dhe se ky ndryshim do të ndodhë më 17 tetor.

Gashi tha se fushata ka dy faza, e para me grumbullimin e votave dhe e dyta me mbrojtjen e votës.

“Sonte përfundon faza e grumbullimit të votave. Kemi bërë çmos këto 20 ditë që nga tubimi i parë në Shkup, kemi vizatuar gjitha komunat, kemi promovuar kandidatët më të mirë të mundshëm, kemi gjetur programet më të mirë, kemi gjetur zgjidhjet më të mira për komunat e tona që BDI i ka lënë 20 vite prapa. Sonte bie perdja, sonte fjalët e tona heshtin. Por sonte fillon një fazë shumë e rëndësishme, prej sonte fillon mekanizmi, të gjitha shtabet tona duhet të shndërrohen në fuqi që e mbrojnë votën”, tha Gashi duke shtuar se duhet konceptim për ruajtjen e votës.

“Mbrojta e votës nënkupton mbrojtje të vullnetit të shqiptarëve, andaj patjetër duhet ta mbrojmë. Kësaj here jam shumë i bindur se kemi marrë masat e duhura dhe do të dalim faqebardhë”, tha Gashi.

Continue Reading

Lajme

Vullnet Murseli: Nuk do të lejojmë që Tetova të vazhdojë të shkatërrohet

Published

on

By

Kandidati i opozitës shqiptare për komunën e Tetovës, Vullnet Murseli, nga tubimi qendror në Tetovë, tha se gjatë tre javëve të kaluara kanë vizituar çdo vendbanim, lagje dhe fshat në Tetovë.

“Njerëzit kanë nevojë për ndryshim edhe atë menjëherë, ne do ta sjellim atë ndryshim ngase tetovarët e meritojnë më të mirën. Kemi dëgjuar shumë halle, kemi parë shumë probleme, nuk mund të pranojmë që Tetova të vazhdojë të shkatërrohet”, tha Vullnet Murseli.

Ai tha se Tetovës do të ja kthejnë krenarinë, dinjitetin, do ta bëjën vendbanim për jetesë më të mirë.

“Ata kanë shpifur, na kanë sulmuar por ne kemi vazhduar të punojmë. Ne kemi ekipin më të mirë, programin më të mirë, e kemi përkrahjen e tetovarëve, të gjithë atyre që ja duan të mirën qytetit, pa marrë parasysh përkatësinë partiake dhe etnike”, shtoi më tej Murseli.

Ai tha se me fitoren e Tetovës do të fitohet e gjithë Maqedonia.

“Ju ka ardhur fundi dhe ata e dinë, prandaj bëjnë si të çmendur dhe dëshirojnë të përhapin frikë. Ne nuk kemi frikës e jemi në rrugën e krenarisë, në rrugën e fitores”, tha Murseli.

Continue Reading

Aktuale