Connect with us

Bota

Helikopteri fundoset në det, 3 të vdekur (VIDEO)

Published

on

Një ngjarje e rëndë ka ndodhur në Greqi, teksa një helikopter është rrëzuar këtë pasdite, duke iu marrë jetën tre personave. Mediet greke raportojnë se helikopteri është rrëzuar në zonën detare mes Poros dhe Galatas, duke lënë të vdekur pilotin dhe dy pasagjerë rusë.

Shkak i rënies në det të helikopterit ka qenë kontakti i tij me një kabllo të energjisë elektrike. Ndërkohë, trupat e viktimave janë nxjerrë nga deti dy orë pas aksidentit.

Në operacionin e kërkimit u përfshinë 6 nëndetëse të marinës dhe një helikopter ushtarak. Si pasojë e aksidentit ishulli Poros dhe disa zona të Galatas kanë mbetur pa energji elektrike.

Mësohet se helikopteri u ngrit nga Kraniti në Galata dhe destinaconi i fundit ishte aeroporti i “Eleftherios Venizelos”.

Continue Reading

Bota

Franca në OKB kërkon vazhdimin e dialogut Kosovë – Serbi

Published

on

By

Franca në OKB kërkon vazhdimin e dialogut Kosovë – Serbi

Përfaqësuesja e Francës në Këshillin e Sigurimit në Kombet e Bashkuara ka kërkuar nga Prishtina dhe Beogradi që të vazhdojnë dialogun si të vetmen alternativë për zgjidhjen e kontesteve mes tyre.

Në fjalën e saj, ajo ka thënë se tensionet në veri të Kosovës përkujtojnë se është e nevojshme që të mbyllen kontestet midis Kosovës dhe Serbisë, shkruan lajmi.net.

Ajo më tutje ka thënë se marrëveshja finale duhet të jetë gjithëpërfshirëse dhe se marrëveshjet e arritura nga viti 2011 kanë krijuar përparësi të dukshme tek popullata në të dy palët.

“Zgjidhja e kontesteve mes Beogradit dhe Prishtinës është çështje e sigurisë evropiane. Tensionet e fundit në veri të Kosovës janë përkujtuese për këtë, në këtë aspekt ne mirëpresim marrëveshjet e bëra në Bruksel më 30 shtator me lehtësimin e Përfaqësuesit Special të BE-së Mirosllav Lajçak. Ne kërkojmë nga të dyja palët që të arrijnë deri te një zgjidhje afatgjate për këtë çështje. Kjo krizë është ilustrim i mëtutjeshëm i faktit se nuk ka alternativë tjetër ndaj dialogut, qoftë për Kosovën dhe qoftë për Serbinë. Nuk ka asnjë rrugë tjetër përpos një marrëveshje finale gjithëpërfshirëse ligjore për një zgjidhje të qëndrueshme për kontestin mes dy vendeve. Ne kërkojmë nga Beogradi dhe Prishtina që të vazhdojnë me dialog konstruktiv në frymën e kompromisit të lehtësuar nga BE-ja. Kemi nevojë që t’i ikim çfarëdo akti të njëanshëm që mund ta minojë këtë dialog. Marrëveshjet për këtë të arritura përmes dialogut që nga viti 2011 kanë krijuar përparësi të dukshme tek popullata dhe mbesin obligative për të dyja palët. Ne i kërkojmë që të gjitha palëve që të respektojnë dhe zbatojnë të gjitha obligimet e tyre të arritura përmes dialogut”.

“Presidenti jonë Emmanuel Macron është i përkushtuar plotësisht në këtë drejtim dhe në përpjekjet që bën Përfaëqësuesi Special i BE-së për dialogun Mirosllav Lajçak dhe ne gjithashtu dëshirojmë të mbështesim përpjekjet për reforma që po bën qeveria në Kosovë , veçanërisht për luftimin e korrupsionit, sundimin e ligjit dhe zhvillimin ekonomik”, tha ajo.

Continue Reading

Bota

Pamje nga Greqia, uji po merr para çdo gjë, mbyllen shkollat

Published

on

By

Ministri i Krizës Klimatike dhe Mbrojtjes Civile, Christos Stylianidis , në Greqi në një konferencë urgjente dha një raportim lidhur me mekanizmat shtetëror për të përballuar këtë situatë. Në fillim të konferencës, Stylianidis foli për një fenomen shumë të rrezikshëm, që po ndodh aktualisht në Greqi dhe që ka shkaktuar përmbytje masive.

Sidomos për Atikën, ministri grek përmendi se 385 thirrje janë bërë në Brigadën e Zjarrfikësve në më shumë se 20 zona, shumica prej tyre për përmbytje- më konkretisht, 340 prej tyre, ndërsa 11 ishin për evakuimin e qytetarëve. Siç e përmendi ai, problemet kryesore në lidhje me akumulimin e ujit dhe trafikun e automjeteve gjenden në Elefsina, Hamosternas, Petrou Ralli, Pire dhe Avenue Kifissias.

Shkollat do të mbyllen nesër në Evia, Halkidiki. “Ne kemi parandaluar shumë incidente, të cilat mund të zhvillohen në mënyrë të pakëndshme,” tha Stylianidis, duke folur për dy ditë kritike, ndërsa theksoi se të gjitha forcat në vend janë në gadishmëri të plotë.

“Le të shmangim çdo lëvizje të panevojshme për aq kohë sa të zgjasin fenomenet e motit,” rekomandoi edhe një herë Stylianidis.

 

Continue Reading

Bota

Vritet me thikë një deputet në Angli

Published

on

By

Vritet me thikë një deputet në Angli

Deputeti konservator britanik, Sir David Amess, ndërron jetë pasi u qëllua me thikë gjatë një takimi me zgjedhësit e tij këtë të premte.

Policia bëri me dije se një person është arrestuar lidhur me sulmin. Gjithashtu njoftoi se nuk ka ndonjë person tjetër të përfshirë në këtë ngjarje, raporton A2.

Fillimisht u raportua që deputeti Amess ishte plagosur rëndë dhe po operohej, por fatkeqësisht nuk ka mundur t’u shpëtojë plagëve. Ngjarja ka ndodhur brenda një kishe. Nuk dihen ende motivet, teksa policia ka nisur hetimet paraprake.

Continue Reading

Aktuale