Connect with us

Bota

Fotoreporteri i rrëmbyer lutet për ndihmë dhe shpëtim nga rrëmbyesit në Siri

Published

on

Fotoreporteri Shiraaz Mohamed ka bërë një apel të dëshpëruar te qeveria e Republikës së Afrikës së Jugut dhe bashkësia ndërkombëtare që ta shpëtojnë nga duart e rrëmbyesve të armatosur në Siri, të cilët për lirimin e tij kërkojnë 1.5 milionë dollarë, raporton AA. përcjell in7.

Mohamed u rrëmbye në fillim të vitit 2017 teksa punonte në një dokumentar për vuajtjet e refugjatëve sirianë dhe që atëherë është peng në qytetin sirian Darkoush.

Në video, një person i armatosur me maskë, i veshur me uniformë ushtarake, shihet duke ecur në një burg nëntokësor, ku e gjen Mohamedin duke fjetur në dysheme. I veshur me rroba të grisura, Mohamed shihet se është me sytë e lidhura nga personi i armatosur dhe më vonë prangoset. Ai dërgohet në një dhomë tjetër, ku i hiqet lidhësja tek sytë dhe sulmuesi fillon t’ia rruajë mjekrën.

Shumë i lodhur, Mohamed ulet në gjunjë dhe apelon qeverinë e Republikës së Afrikës së Jugut dhe bashkësinë ndërkombëtare.

“Quhem Shiraaz Mohamed, jam fotoreporter nga Afrika e Jugut. Ju lutem që të më ndihmoni, qeveria ime, miqtë, doktori Fekri Shabaan apo te kushdo qoftë që mbërrin kjo video”, porositi Mohamed, duke shtuar se që tre vite është në robëri dhe se jetën e ka në rrezik.

Ai gjithashtu i bëri thirrje Shabanit që të bashkëpunojë me rrëmbyesit ose përndryshe ata do ta dëmtojnë atë.

“Dr. Fekri Shabaan, këta njerëz janë shumë të zemëruar me mënyrën se si jeni duke folur me ta. Me mënyrën se si po kryeni negociatat. Kushtet e mia të jetës deri herën e fundit që folët me ta ishin në rregull. Jeta ime është bërë shumë e vështirë. Ju lutem, ju lutem Dr. Fekri Shaban, ndryshoni mënyrën se si po flisni ose po negocioni me ta. Dëgjojini ata dhe jepuni atyre atë që dëshirojnë. Ju lutem! Jeta ime është shumë e vështirë”, tha Mohamed në video.

Mohamed gjithashtu tha se ai ka frikë se kapësit e tij mund të vendosin një plumb në kokën e tij nëse negociuesit e tij nuk bashkëpunojnë.

“Ata janë shumë të zemëruar për momentin. Unë nuk po ha siç duhet dhe ata thonë se nëse unë vritem, ju (Dr. Fekri) do të jeni përgjegjës për të. Më ndihmo të lutem! Përfundoni këtë makth ju lutem!”, tha ai.

Në muajin maj rrëmbyesit e Muhamedit publikuan videon e parë në të cilën kërkojnë 1.5 milionë dollarë për lirimin e tij.

Continue Reading

Bota

Rusia vazhdon përparimin, pushton qytetin e rradhës në Ukrainë

Published

on

Forcat ruse kanë marrë kontrollin e qytetit Svitlodarsk në distriktin Bakhmut të rajonit Donetsk të Ukrainës, sipas zyrtarëve ukrainas dhe Republikës Popullore të Donetskut – një zonë e kontrolluar nga rebelët në Ukrainën lindore, e formuar nga separatistët pro-rusë.

Ushtria ruse hyri në qytet herët këtë mëngjes, tha kreu i administratës ushtarake të Ukrainës Svetlodar, Sergei Goshko, për një radio ukrainase.

“Ata janë duke e varur leckën e tyre në ndërtesën administrative”, tha Goshko, duke iu referuar flamurit rus.

Para fillimit të luftës, Svitlodarsk kishte një popullsi prej 11,000 njerëz./albeu.com

Continue Reading

Bota

Gjermania porosit 40 mijë vaksina si përgatitje për përhapjen e lisë së majmunëve

Published

on

Gjermania ka porositur 40.000 vaksina të kompanisë “Bavarian Nordic” për t’i vaksinuar kontaktet e mundshme të personave të infektuar me linë e majmunit, nëse sëmundja përhapet më shumë në këtë vend.

Ministri i Shëndetësisë i Gjermanisë, Karl Mauterbach, tha të martën se masat si izolimi për tri javë, të rekomanduara për personat e infektuar, tash për tash do të mjaftojnë për ta mbajtur nën kontroll përhapjen.

“Nëse infeksionet përhapen tutje, ne do të duam që të jemi të përgatitur për vaksinim të mundshëm unazor, që ende nuk është rekomanduar në këtë pikë, por që mund të bëhet i nevojshëm”, shtoi ai, duke iu referuar strategjisë për vaksinimin e atyre që kanë pasur kontakt me një person të infektuar.

Continue Reading

Bota

Raketa ruse godet infrastrukturën hekurudhore në Dnipropetrovsk

Published

on

By

Raketa ruse godet infrastrukturën hekurudhore në Dnipropetrovsk

Kreu i Administratës Rajonale Ushtarake të Dnipropetrovskut, Valentyn Reznichenko, ka treguar të hënën se raketat ruse kanë goditur infrastrukturën hekurudhore në këtë rajon duke shkaktuar dëme serioze, njofton CNN.

“Një ditë e vështirë me alarme të pafundme. Raketat goditën infrastrukturën hekurudhore në Pavlograd dhe Synelnykiv. Ka dëme serioze në hekurudhë. Është e paqartë se kur do të rikthehet qarkullimi”, tha Rezhnichenko.

Forcat ruse duket se po godasin infrastrukturën hekurudhore të Ukrainës për të penguar furnizimin e forcave ukrainase.

Continue Reading

Aktuale