Connect with us

Bota

Akuzat e Rusisë dhe Kinës/“SHBA po nxit garën e re të armëve”

Published

on

Rusia dhe Kina kanë thënë se një test i ri i raketave amerikane ka rritur tensionet ushtarake dhe rreziqet për të shkaktuar një garë armësh, disa javë pasi Uashingtoni i dha fund një pakti të armëve të epokës së ftohtë me Moskën.

SHBA dhe Rusia ndërprenë traktatin e forcave bërthamore (INF) këtë muaj pasi akuzuan njëri-tjetrin për shkeljen e marrëveshjes.

“SHBA-të padyshim kanë ndërmarrë një rrugë drejt përshkallëzimit të tensioneve ushtarake. Ne nuk do të reagojmë ndaj provokimeve”, tha për agjencinë shtetërore të lajmeve Tass zëvendësministri i jashtëm i Rusisë, Sergei Ryabkov. “Ne nuk do ta lejojmë veten të futemi në një garë të kushtueshme të armëve.”

Ryabkov tha që testi tregoi se Uashingtoni kishte punuar për raketa të tilla shumë kohë para tërheqjes së saj zyrtare nga marrëveshja.

Në Pekin, zëdhënësi i ministrisë së jashtme kineze, Geng Shuang, tha: “Kjo masë nga SHBA do të shkaktojë një raund të ri të një gare armësh, duke çuar në një përshkallëzim të konfrontimit ushtarak.”

Ai tha se testi do të ketë një “ndikim serioz negativ” në situatën e sigurisë ndërkombëtare dhe rajonale. SHBA duhet të “heqë dorë nga mentaliteti i saj i luftës së ftohtë” dhe “të bëjë më shumë gjëra që janë të favorshme për paqen dhe qetësinë ndërkombëtare dhe rajonale”, shtoi Geng.

Raketa u lëshua nga ishulli San Nicolas i kontrolluar nga marinët amerikanë në brigjet e Kalifornisë.

Duke folur në Francë të hënën, Vladimir Putin tha që Rusia do të vendoste raketa në përgjigje të lëvizjeve të ngjashme nga SHBA. “Nëse Shtetet e Bashkuara prodhojnë sisteme të tilla, ne gjithashtu do ta bëjmë atë,” tha presidenti rus në një konferencë për shtyp para një takimi me liderin francez, Emmanuel Macron.

Moska dhe Uashingtoni kanë kritikuar për një kohë të gjatë traktatin, por Putin tha se ishte SHBA që kishte marrë vendimin për t’u tërhequr “në mënyrë të njëanshme”.

Raketa e testuar të Dielën ishte një version i raketës së lundrimit Tomahawk me aftësi bërthamore. Versioni fillestar i Tomahawk doli jashtë shërbimit pasi traktati INF u nënshkrua.

Continue Reading

Bota

Rusia vazhdon përparimin, pushton qytetin e rradhës në Ukrainë

Published

on

Forcat ruse kanë marrë kontrollin e qytetit Svitlodarsk në distriktin Bakhmut të rajonit Donetsk të Ukrainës, sipas zyrtarëve ukrainas dhe Republikës Popullore të Donetskut – një zonë e kontrolluar nga rebelët në Ukrainën lindore, e formuar nga separatistët pro-rusë.

Ushtria ruse hyri në qytet herët këtë mëngjes, tha kreu i administratës ushtarake të Ukrainës Svetlodar, Sergei Goshko, për një radio ukrainase.

“Ata janë duke e varur leckën e tyre në ndërtesën administrative”, tha Goshko, duke iu referuar flamurit rus.

Para fillimit të luftës, Svitlodarsk kishte një popullsi prej 11,000 njerëz./albeu.com

Continue Reading

Bota

Gjermania porosit 40 mijë vaksina si përgatitje për përhapjen e lisë së majmunëve

Published

on

Gjermania ka porositur 40.000 vaksina të kompanisë “Bavarian Nordic” për t’i vaksinuar kontaktet e mundshme të personave të infektuar me linë e majmunit, nëse sëmundja përhapet më shumë në këtë vend.

Ministri i Shëndetësisë i Gjermanisë, Karl Mauterbach, tha të martën se masat si izolimi për tri javë, të rekomanduara për personat e infektuar, tash për tash do të mjaftojnë për ta mbajtur nën kontroll përhapjen.

“Nëse infeksionet përhapen tutje, ne do të duam që të jemi të përgatitur për vaksinim të mundshëm unazor, që ende nuk është rekomanduar në këtë pikë, por që mund të bëhet i nevojshëm”, shtoi ai, duke iu referuar strategjisë për vaksinimin e atyre që kanë pasur kontakt me një person të infektuar.

Continue Reading

Bota

Raketa ruse godet infrastrukturën hekurudhore në Dnipropetrovsk

Published

on

By

Raketa ruse godet infrastrukturën hekurudhore në Dnipropetrovsk

Kreu i Administratës Rajonale Ushtarake të Dnipropetrovskut, Valentyn Reznichenko, ka treguar të hënën se raketat ruse kanë goditur infrastrukturën hekurudhore në këtë rajon duke shkaktuar dëme serioze, njofton CNN.

“Një ditë e vështirë me alarme të pafundme. Raketat goditën infrastrukturën hekurudhore në Pavlograd dhe Synelnykiv. Ka dëme serioze në hekurudhë. Është e paqartë se kur do të rikthehet qarkullimi”, tha Rezhnichenko.

Forcat ruse duket se po godasin infrastrukturën hekurudhore të Ukrainës për të penguar furnizimin e forcave ukrainase.

Continue Reading

Aktuale