Connect with us

Bota

A po i ecën plani?/Lëvizjet e rrezikshme të Salvinit

Published

on

Thirrja e Matteo Salvini për zgjedhje të parakohshme në fillim të këtij muaji kishte për qëllim lëvizjen e tij drejt majës së qeverisë.

Udhëheqësi i Lidhjes parashikoi një votim në tetor, duke rezultuar në emërimin e tij të shpejtë si kryeministër italian. Plani, megjithatë, po ecën ngadalë.

Kryeministri aktual Giuseppe Conte pritet të japë dorëheqjen, në vend që të presë një mocion besimi, dhe të lërë Italinë në duart e Presidentit Sergio Mattarella.

Disa në partinë Lidhja besojnë se Salvini bëri një gabim të madh në thirrjen për një votim të parakohshëm këtë muaj.

Ish-eurodeputeti i Lidhjes Mario Borghezio, duke u përpjekur të shpjegojë pse Salvini ndërmori atë që tani duket se është një rrezik i madh, tha “Nuk ishte një gabim, ai thjesht nuk mund të parashikonte disa ndryshime të papritura që askush nuk ishte në gjendje t’i imagjinonte,”, duke iu referuar bashkimit të lëvizjes Pesë Yjet dhe Partisë Demokratike në një aleancë të mundshme.

Është shumë herët për të thënë nëse e gjitha kjo do të sjellë fryte për Salvinin. Megjithatë, ai ka mohuar të bëjë çdo lloj kthese.

Nëse Conte jep dorëheqjen, siç besojnë shumë, të gjithë sytë do të kthehen nga Mattarella, i cili u kthye më herët nga pushimet e tij për t’u marrë me krizën. Presidenti ka të ngjarë të shqyrtojë nëse ekziston një shumicë tjetër e qëndrueshme në parlament dhe, nëse jo, kur duhet të jenë zgjedhjet e ardhshme. Kjo mund të jetë ose së shpejti ose vonë në 2023, pas zgjedhjeve të ardhshme presidenciale.

“Loja e vërtetë do të fillojë me dorëheqjen e Conte,” tha një zyrtar italian të hënën, dhe duket se ashtu do të jetë vërtet…

 

Continue Reading

Bota

Tym e zjarr në kampin ku ndodhen ushtarët shqiptarë, NATO gati kundër rusëve

Published

on

Forcat e NATO-s në Kamp Adazi të Letonisë kanë kryer stërvitjen e radhës me artileri të rëndë gjatë ditëve të fundit si një kundërpërgjigje ndaj kërcënimeve ruse ndaj aleancës dhe vendeve Balltike.

Stërvitja “Shigjeta e Hekurt” u zhvillua nga forcat e artilerisë së vendeve të NATO-s që gjenden prej disa vitesh pranë Rigas në Letoni, ku janë pozicionuar edhe ushtarët shqiptarë.

Këta të fundit shërbejnë si njësi e demontimit të minave. Në këtë mision humbën jetën dy vite më parë edhe dy ushtarakët shqiptarë Zarife Hasanaj dhe Klodian Tanushi.

NATO ka shtuar ndjeshëm prezencën e saj në vendet balltike pas kërcënimeve ruse, ndërkohë që sëfundmi pritet t’i bashkohen aleancës edhe Finlanda me Suedinë. /abcnews.al

Continue Reading

Bota

Lajmi i fundit / Marrëveshje midis Rusisë dhe Ukrainës

Published

on

Ushtria ruse urdhëroi një armëpushim në zonën e fabrikës së çelikut Azovstal dhe hapi një korridor humanitar, njoftoi sot Ministria e Mbrojtjes e Rusisë, transmeton Demokracia.com.

Është arritur një marrëveshje me përfaqësuesit e palës ukrainase për evakuimin e ushtarëve të plagosur në institucionet shëndetësore, transmeton RIA Novosti.

“Më 16 maj, si rezultat i negociatave me përfaqësuesit e personelit ushtarak ukrainas të bllokuar në territorin e uzinës metalurgjike Azovstal në Mariupol, u arrit një marrëveshje për evakuimin e të plagosurve”, tha ministria ruse në një deklaratë.

Të plagosurit u transferuan në një spital në Novoazovsk në territorin e Republikës së vetëshpallur Popullore të Donetsk (DNR). /Demokracia.com/

Continue Reading

Bota

Nuk ka durim në BE: Serbia duhet t’ia vendosë sanksionet Rusisë

Published

on

By

Nuk ka durim në BE: Serbia duhet t’ia vendosë sanksionet Rusisë

Dy mesazhe të pakëndshme ka marrë presidenti serb, Aleksandër Vuçiq në Bruksel nga Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell. E para ishte një mesazh i qartë se BE-ja pret që të gjitha vendet e rajonit të mbështesin sanksionet kundër Rusisë dhe e dyta ishte njoftimi i ministres së Punëve të Jashtme të Kosovës, Donika Gërvalla-Schwartz se vendi do të paraqiste kërkesë formale për anëtarësim në Këshillin e Evropës.

Siç e kishte pranuar edhe vetë Vuçiq, këto dy tema janë aq të vështira për Serbinë, saqë ai kishte thirrur një mbledhje urgjente të Këshillit të Sigurisë Kombëtare.

Deri më tani, Serbia ka arritur disi t’i rezistojë presionit për të vendosur sanksione ndaj Rusisë, siç kanë bërë të gjitha vendet e tjera.

Siç shkruan mediumi kroat Jutarni List, edhe pse disa përfaqësues të institucioneve të BE-së janë përpjekur të relativizojnë pikëpamjet e Serbisë dhe të tregojnë mirëkuptim, shumë shtete anëtare janë të indinjuara nga pikëpamjet e Beogradit dhe po kërkojnë qartë që Serbia të vendosë përfundimisht në cilën anë dëshiron të jetë.

Pakoja e gjashtë e sanksioneve ekonomike kundër Rusisë

Borrell ka falënderuar dje të gjitha vendet e Ballkanit Perëndimor që kanë mbështetur BE-në në qëndrimet e tyre në lidhje me Rusinë. Përveç Serbisë, të gjitha vendet në rajon mbështetën sanksionet kundër Rusisë.

Serbia kishte votuar në OKB për përjashtimin e Rusisë nga Këshilli i të Drejtave të Njeriut. Megjithatë, për BE-në kjo nuk mjafton dhe se ata po kërkojnë nga Serbia të mbështesë sanksionet dhe sigurisht të mos lejojë që ato të anashkalohen.

Në fjalimet e tij, Vuçiq u përpoq t’i shpjegojë publikut problemet me të cilat po përballet Serbia, aq më tepër që edhe nëse nuk vendos sanksione ndaj Rusisë, ajo mund të marrë naftë dhe gaz vetëm përmes vendeve të Bashkimit Evropian, kryesisht Kroacisë.

Sa i përket Kosovës, presidenti serb beson se me aplikimin për anëtarësim në Këshillin e Evropës, Kosova ka shkelur obligime të ndryshme, përfshirë Marrëveshjen e Uashingtonit.

Në anën tjetër, Kosova beson se angazhimi ka qenë për një moratorium njëvjeçar dhe kërkesa për anëtarësim në Këshillin e Evropës, e më pas në Partneritetin për Paqe në NATO, ku me këto pritet të forcohet subjektiviteti juridik ndërkombëtar i shtetit.

Këshilli i Evropës ka konfirmuar se ka pranuar aplikacionin zyrtar të Kosovës për anëtarësim.

Continue Reading

Aktuale