Connect with us

Lajme

Taktizime për ndryshimet në Kodin Zgjedhor

Published

on

Partitë politike vazhdojnë konsultimet për ndryshimet në kodin zgjedhor, por ende pa ndonjë marrëveshje konkrete. Nisma është paraqitur nga presidenti i Maqedonisë së Veriut, Stevo Pendarovski, i cili pas konsultimeve, siç ka thënë, me disa partitë më të vogla, ka dal; me propozimin që Maqedonia e Veriut, në vend të gjashtë njësive zgjedhore, të ketë vetëm se një, ndërsa në vend të listave të mbyllura, partitë në zgjedhje të garojnë me lista të hapura.

Partitë, bazuar në qëndrimet e mëparshme, pranojnë nevojën për ndryshime, por derisa LSDM dhe VMRO, por dhe opozita shqiptare pranojnë që vendi të ketë një njësi zgjedhore, Bashkimi Demokratik për Integrim kërkon tre njësi, në vend të gjashtë sa janë aktualisht.

“Qëndrimi im mbetet i pandryshuar. Konsideroj se duhet të kemi një Parlament me më shumë parti politike. Besoj se në të ardhmen, Maqedonia e Veriut do të jetë shtet më demokratik nëse më shumë parti politike kemi të përfaqësuara në institucionin ligjvënës”, ka deklaruar presidenti i shteti, Stevo Pendarovski, i pyetur në paraqitjen e fundit para mediave se a do të ketë sukses nisma e tij për ndryshimin e Kodit Zgjedhor.

Njohësit e çështjeve politike, thonë se këto ndryshime janë shumë të rëndësishme për partitë, andaj edhe do të taktizojnë deri në momentin e fundit. Albert Musliu, thotë se me ndryshimet e propozuar, fituesit më të mëdhenj do të jenë votuesit.

“Me listat e hapura përfitojnë qytetarët. Ata mund të shprehin direkt vullnetin e tyre, mund të përzgjedhin ata kandidatë që vlerësojnë se mund t’i përfaqësojnë në mënyrë të denjë interesat e tyre. Nga ana tjetër, me një model të tillë humb lidershipi politik pasi deri tani të zgjedhurit janë varur nga lidershipi i tyre, i cili ka vendosur se kush do të jetë në lista zgjedhore, apo kush në cilën pozitë do të zgjidhet, ndërsa me listat e hapura atë të drejtë e fitojnë qytetarët”, thotë Musliu.

Por, ai thotë se partitë, në veçanti ato shqiptare, duhet të insistojnë nëndryshimin edhe të mënyrës së votimit për diasporën, që votimi të jetë elektronik, në mënyrë që ata të mund të shfrytëzojnë të drejtën e votimit prej atje ku jetojnë.

“Është një çështje tjetër për të cilën subjekti politik shqiptar nuk insiston, mënyra e votimit. Ne kemi një diasporë shumë të madhe, por asaj i pamundësohet të votojë. Derisa në vend një votuesi i nevojitet deri në 300 metra të shkojë të votojë, kurse në shtetet tjera ku votohet vetëm se nëpër përfaqësitë diplomatike, një mërgimtari i nevojitet edhe një mijë kilometra të udhëtojë për të realizuar të drejtën e votës. Konsideroj se partitë shqiptare duhet të insistojnë që edhe kjo çështje të rregullohet, e jo vetëm çështja e numrit të njësive zgjedhore apo e listave të hapura”, thotë Musliu.

Nga sektori civil, ndërkohë kërkojnë që në debatin për ndryshimet në Kodin Zgjedhor të përfshihen më shumë parti politike dhe ekspertë të fushave të ndryshme.

“Për reformat në sistemin zgjedhor nuk mund të flasin vetëm tri, katër apo pesë parti politike. Në këtë proces duhet të përfshihen të gjitha partitë politike. Ky proces duhet të hapet për gjithë opinionin, dhe të sillen vendime e ligje në përputhje me standardet më të avancuara ndërkombëtare”, thotë Xhabir Deralla nga organizata joqeveritare “Civil”, e cila me aktivistë të saj ka mbikëqyrur shumë procese zgjedhore në Maqedoninë e Veriut.

Debati për ndryshimet në Kodin Zgjedhor, po zhvillohet në rritjen e kërkesave të opozitës për zgjedhje të parakohshme parlamentare, por edhe qëndrimit të Qeverisë, se zgjedhjet do të jetë të rregullta, me mundësi të mbahen të paktën dy muaj para afatit të paraparë, në dhjetor të vitit 2020.

 

BURIMI: REL

Continue Reading

Lajme

Nuk punoi aparati biometrik, votimi nuk filloi në kohë në një vendvotim në në Butel

Published

on

Aparatet biometrike, të cilat për herë të parë po përdoren në Maqedoninë e Veriut për të identifikuar votuesit, po bëhen pengesë për nisjen në kohë të procesit të votimit.

Kështu, në vendvotimin numër 2919/1 në shkollën fillore “Petar Zdravskovski – Penko” në Butel nuk punon aparati biometrik dhe procesi i votimit nuk ka filluar në orën 07:00, por me 30 minuta vonesë.

Priten llambat UV që të fillojë votimi sipas procedurës së vjetër, ku votuesit janë identifikuar në mënyrë manuale, raporton TV21./21Media/

Continue Reading

Lajme

Maqedonia voton në pandemi, këto janë këshillat për të pasur kujdes gjatë procesit

Published

on

Maqedonia e Veriut sot për 12 orë të votojë për fatin e udhëheqësve të komunave dhe për këtë në proces pritet të përfshihen më shumë se 1.8 milion qytetarë të cilët ligjërisht e kanë të drejtën e votës për kryetar komune dhe për këshill komunal.

80 komuna dhe Bashkia e Shkupit (me 10 komuna përbërëse) sot do të presin rezultatet e votimit dhe shprehjes së mendimit nga qytetarët për katër vitet e ardhshme.

Por, si do të realizohet procesi i votimit në kohë pandemie?

Komisioni Shtetëror Zgjedhor ka kërkuar ndihmë nga Komisioni për sëmundje ngjitëse për këtë proces dhe nga ta ka marrë këto rekomandime, që duhet të ndiqen nga votuesit:

-Para vendvotimit duhet të ketë një person që mba rend dhe rregullsi në vendvotim, për të garantuar distancë prej 1,5 deri në 2 metër të votuesve. Në rast se ka rrëmujë në vendvotim, personi përgjegjës duhet t’i njoftoj të gjithë për masat që duhet të merren për të mbrojtur shëndetin e tyre.

-Vendvotimi (klasa, korridore dhe sallat) duhet që të pastrohen dhe ajrosen sistematikisht që të parandalohet infektimi me COVID-19 nga ajri për votuesit dhe për komisionet nëpër vendvotime.

-Personi përgjegjës për rend dhe masa në vendvotim duhet që të dezifektojë duart e votuesve para hyrjes në vendvotim.

-Personi përgjegjës për rend dhe masa duhet që t’i përkujtojë votuesit se duhet të kenë maska nëpër korridore, vendvotim dhe jashtë vendvotimeve.

-Gjatë identifikimit me letërnjoftim apo pasaportë, votuesi për disa sekonda duhet ta menjanojë maskën nga fytyra që t’ju jep mundësi komisionerëve që ta identifikojnë.

-Personi për rend dhe siguri duhet që të parandalojë prezencë të më shumë njerëzve, aq sa ka paravana për votim.

-Votuesit duhet të ndjekin shenjëzimin gjatë hyrjes dhe daljes nga vendvotimi.

-Gjatë daljes votuesi duhet edhe një herë të dezifektojë duart, që të parandalohet bartja e virusit nga stilolapsi, nga mjeti për shenjëzim i gishtave apo nga ambienti i vendvotimit.

Continue Reading

Kosovë

Zgjedhjet në Kosovë, 41 mijë e 12 qytetarë do të votojnë për herë të parë

Published

on

Komisioni Qendror i Zgjedhjeve kohë më parë ka certifikuar listën përfundimtare të votuesve, e cila tregon për numrin e votuesve brenda dhe jashtë Kosovës për Zgjedhjet Lokale 2021, ndërsa numri i votuesve të rinj, të cilët do të votojnë për herë të parë është 41 mijë e 12 votues.

KQZ njofton se prej 41 mijë e 12 votues, 24 mijë e 697 kanë arritur moshën 18 vjeç pas datës 14 shkurt 2021 dhe 8 mijë e 937 votues të cilët mund të konsiderohet se janë regjistruar për herë të parë në regjistrin qendror civil pas zgjedhjeve të fundit parlamentare.

Lista përfundimtare e votuesve për Zgjedhjet Lokale 2021, e cila do të shpërndahet në vendvotime, në ditën e zgjedhjeve më 17 tetor, përmban:

– 1 milion e 885 mijë e 448 emra të votuesve, apo 90 mijë e 586 votues më shumë në krahasim me zgjedhjet e parakohshme për Kuvendin e Kosovës që u mbajtën më 14 shkurt 2021.

– Numri i votuesve të rinj, të cilët do të votojnë për herë të parë, është: 41 mijë e 12 votues, prej të cilëve 24 mijë e 697 kanë arritur moshën 18 vjeç pas datës 14 shkurt 2021 dhe 8 mijë e 937 votues të cilët mund të konsiderohet se janë regjistruar për herë të parë në regjistrin qendror civil pas zgjedhjeve të fundit parlamentare.

Po ashtu, si votues të rinj, konsiderohen edhe 7 mijë e 378 votuesit të cilët janë pajisur me dokumente të Republikës së Kosovës pas zgjedhjeve të 14 shkurtit dhe që ishin larguar nga lista votuese sepse kanë pasur vetëm dokumente identifikimi të lëshuara nga UNMIK-u.

– Numri i emrave të personave që janë larguar si të vdekur nga lista votuese pas zgjedhjeve të parakohshme për Kuvendin e Kosovës të datës 14 shkurt 2021, është: 18 mijë e 252 votues, ndërsa numri i personave që janë larguar nga kjo listë për arsye se kanë hequr dorë nga shtetësia e Republikës së Kosovës, pas atyre zgjedhjeve, është 1 mijë e 158 votues.

– Numri i qendrave të votimit në të gjithë Republikën e Kosovës është 883 me gjithsej 2 mijë e 477 vendvotime.

Ndërkaq, numri i qytetarëve me të drejtë vote jashtë vendit, të cilët kanë arritur të regjistrohen suksesshëm si votues jashtë Kosovës është: 15 mijë e 532 votues.

– Periudha e aplikimit për t’u regjistruar si votues jashtë Kosovës ka filluar më 10 korrik dhe është përmbyllur më 18 gusht 2021. Gjatë kësaj kohe, Komisioni Qendror i Zgjedhjeve ka pranuar 18 mijë e 852 aplikacione për regjistrim, prej të cilave janë aprovuar 15 mijë e 532 ndërsa janë refuzuar 3 mijë e 320 aplikacione pasi nuk kanë plotësuar kriteret juridike.

– Të gjithë aplikuesit të cilët janë regjistruar suksesshëm si votues jashtë Kosovës kanë pasur mundësinë të votojnë përmes postës gjatë periudhës e cila ka filluar më 15 shtator, ndërkaq fletëvotimet është dashur të pranohen nga KQZ-ja më së largu deri më 15 tetor 2021.

Continue Reading

Aktuale