Gazetarët e projektit hulumtues nga IRL filluan shfaqjen e serialit ‘Sherifët lokalë’ me këshilltarin famëkeq të BDI-së, Nefi Useinin, transmeton in7.

Siç thotë autorja e projektit, Sashka Cvetkovska, ky serial synon të tregojë përmes investigimeve të problemeve lokale, absurditetin në të cilin ka rënë sistemi, i cili që nga pavarësimi e këndej po lundron në korrupcion të thellë, i cili është penetruar në çdo pore të jetës shoqërore.

Kështu është edhe historia e Nefi Usaini, ai portretizon jo vetëm një kriminel të zakonshëm, por edhe një sistem të kalbur të ndërtuar në atë mënyrë sa që duket normalitet shkelja e ligjit, shkruan ‘IRL‘, përcjell in7. Nefi Useini nuk është njeri i zakonshëm. Ai mund të bëjë krime (përfshirë këtu edhevnjë varg vjedhjesh serioze) dhe të mos vuaj asnjë dënimin me burg. Ai mund të marrë pjesë në përleshje qensh dhe të postojë video prej tyre në rrjetet sociale pa frikë se do kërkohet nga policia.

Në sjelljen e Nefit, pushteti gjyqësor, ai ekzekutiv dhe legjislativ nuk sheh asnjë problem, poashtu edhe partitë politike, deputetët, këshilltarët dhe kryetarët e komunave nga kjo nomenklaturë qeverisëse, por edhe nga ajo e kaluara. Me ndihmën e tyre ai mbetet mbi ligjin. Marrëdhëniet e biznesit të tij, përveç me Bashkësinë Fetare Islame (BFI), Useini ka edhe me qeverinë turke. Në Ohër ai është këshilltar dhe ka fuqinë të vendosë për pasurinë më të madhe kulturore dhe natyrore, thuhet në serinë e ILR-së.