Connect with us

Argëtim

Nganjëherë “më fal” i përkeqëson gjërat

Published

on

“Ne e dimë se njerëzit shpesh nuk duan ta pranojnë se kanë ndjenja të lënduara, kështu që në disa nga studimet shikuam se sa njerëzit donin të hakmerreshin”, tha psikologia dr. Gili Freedman.

Hulumtimi i ri sugjeron se “më fal” nuk e mpin therjen e një refuzimi shoqëror.

Çrregullimet shoqërore janë pjesë e jetës. Ndoshta mund ta ofroni vetëm një numër të kufizuar të ftesave për një aktivitet apo ngjarje. Ose ndoshta po përpiqeni ta shmangni një konfrontim midis dy miqve. Por si e refuzoni dikë, duke e minimizuar lëndimin që ata e ndiejnë, transmeton koha.net, përcjell in7.

“Hulumtimi ynë konstaton se përkundër qëllimeve të tyre të mira, njerëzit po e bëjnë këtë në mënyrë të gabuar”, tha dr. Gili Freedman, psikologe në Kolegjin Dartmouth, në një njoftim për shtyp.

“Ata shpeshherë kërkojnë falje, por kjo i bën njerëzit të ndihen më keq dhe duhet ta falin refuzuesin para se të jenë të gatshëm për ta bërë këtë”.

Për të zbuluar se si njerëzit ballafaqohen me refuzimin social, Freedman dhe kolegët e saj i kanë anketuar njerëzit që prisnin në radhë në festivalet në Hanover të New Hampshire.

Kur iu kërkua që ta shkruanin një refuzim për një kërkesë sociale, për t’u takuar për drekë apo për ta ndarë një apartament, pjesëmarrësit e përfshinin një kërkim-falje, ose “më vjen keq”, në 39 për qind të përgjigjeve. Kur pjesëmarrësve iu kërkua të vlerësonin se si ndjeheshin kur e lexonin një refuzim, ata që merrnin përgjigje ku kishte kërkim-faljeje raportuan më shumë ndjenja të lënduara.

Për shkak se njerëzit shpesh nuk duan të pranojnë se kanë lënduar ndjenja, hulumtuesit i bashkuan studimet e tyre me eksperimentet sociale që e përbënin refuzimin ballë për ballë.

“Ne e dimë se njerëzit shpesh nuk duan të pranojnë se kanë ndjenja të lënduara, kështu që në disa prej studimeve, kemi shikuar se sa donin njerëzit të kërkonin hakmarrje”, tha Freedman.

“Në mënyrë të veçantë, e shikuam shkallën në të cilën të refuzuarit e vendosën një provë të pakëndshme të shijes së salcës djegës në refuzuesit e tyre.

”Pjesëmarrësit të cilëve iu ishte mohuar ftesa për një provë të shijes së salcës djegës me një përgjigje apologjetike, kishin më shumë të ngjarë të kërkonin që refuzuesi i tyre të shërbehej me salcë ekstra djegës – edhe pse iu tha se personi që ua mohoi ftesën e tyre ishte veçanërisht i ndjeshëm ndaj ushqimeve djegës.

Hulumtuesit i detajuan rezultatet e anketës së tyre dhe eksperimentet sociale në një punim të ri të publikuar këtë javë në revistën” Frontiers in Psychology”.

Continue Reading

Argëtim

Jahti 80 milionë dollarësh, me “vrimë gjigante” në mes

Published

on

By

Jahti 80 milionë dollarësh, me “vrimë gjigante” në mes

Deri tani, konceptet e jahteve luksoze kanë ofruar modele të jashtëzakonshme, në formë mjelme, apo peshkaqeni, por studio e dizajnit “Lazzarini” ka prezantuar së fundmi një prej projekteve më të veçanta të para ndonjëherë.

Kompania italiane, me seli në Romë, dëshiron të prodhojë një superjaht luksoz, 69-metra të gjatë, me një “vrimë gjigante” në mes. Koncepti, i quajtur “Forma”, parashikon që jahti të lëvizë vetëm me energji të pastër. Ai është konceptuar të jetë një superstrukturë me një siluetë tepër të veçantë.

Dizajni është sa i thjeshtë, aq madhështor. Në pjesën e sipërme, është menduar të vendoset një pishinë me dysheme prej xhami, që do t’i lejojë notarët të kenë një pamje magjike të pjesës së poshtme.

Vlera për prodhimin këtij jahti është parashikuar të jetë 69 milionë euro, ose 80 milionë dollarë. Ai do të lëvizë me një motor me hidrogjen, ndërsa mund të arrijë një shpejtësi prej 24 nyjesh detare, ose mbi 44 km/h. Në çati do të ketë të instaluar panele diellorë, për të karikuar të gjitha sistemet.

Nga momenti që një prodhues vendos të vërë në zbatim projektin, do të duhen 20 muaj për ta sjellë në jetë jahtin, sipas “Lazzarini”.

Continue Reading

Argëtim

Ndërton shtëpinë rrotulluese pasi Iodhet nga ankesat e gruas

Published

on

Shtëpia në Sërbac të BeH-së është projektuar dhe ndërtuar nga 72-vjeçari Vojin Kusiq. Me një fasadë të gjelbër dhe çati të kuqe metalike, ajo mund të bëjë një rreth të plotë për të kënaqur dëshirat e shumëllojshme të gruas së tij Lubica – ajo dëshiron të shohë shumëçka kur shikon nga dritaret e saj.

“Pasi arrita një moshë të shtyrë dhe pasi fëmijët e mi morën përsipër biznesin familjar, më në fund kisha kohë të mjaftueshme për t’i dhënë detyrë vetes që t’ia realizoja gruas sime dëshirën e saj” që të mundë të ndryshojë pozicionin e dhomave në shtëpinë e saj kur të dojë, tha Kusiqi, raporton AP.

Shumë vjet më parë, kur u martuan, Kusiqi kishte ndërtuar një shtëpi tjetër, të mjaftueshme për veten dhe gruan e tij, në të cilën ata rritën tre fëmijët e tyre. Në atë kohë, gruaja e tij donte që dhomat e tyre të gjumit të kishin pamje nga dielli dhe kështu bënë. Por kjo do të thoshte se dhoma e tyre e ndejës të kishte përballë rrugën. Pas një kohe, ai thotë se gruaja e tij u ankua se “nuk mund të shihte njerëzit që hynin në oborrin tonë të përparmë” dhe kështu Kusiqi u desh të rimodelonte gjithçka.

Continue Reading

Argëtim

Minus 500 Euro, restoranti britanik i hap “luftë” Nusret për biftekun me ar

Published

on

Një restorant që gatuan biftek po konkurron restorantin e famshëm të Nusret.

Ai po gatuan biftekun e famshëm me ar të Nusret për 500 Euro më pak.

Reakless Steak and Lobster House në Portsmouth u ofron klientëve biftekun më trend në Instagram për 500 euro më pak. Pronari Scott Mattheës mendon se Salt Bae duhet të ketë një fitim të madh nga biftekët, edhe pse ato kanë shije të njëjtë me të tijët.

“Shumë vende nuk do ta bëjnë këtë sepse kushton tre herë koston e mishit për ta lyer atë me ar, ne vendosim 20 deri në 25 gjethe në secilën. Për të, kjo do të jetë rreth 500 euro fitim në secilin biftek. E di që Londra është pak më e shtrenjtë, por 500 euro më shumë për një biftek? është saktësisht e njëjta gjë këtu – ata përdorin të njëjtin lloj të nënprodukteve /ë mishit nga ku marrim tonat. Ne ndjekim gjithçka në trend dhe e vendosim direkt në menunë tonë”, tha 35 vjeçari./albeu.com

Continue Reading

Aktuale