Connect with us

Lajme

Selimi për VOA: Data për anëtarësim në BE nuk është e sigurtë as në Tetor

Published

on

Në një untervistë për Zërin e Amerikës, Kaltrina Selimi nga Fondacioni Nacional për Demokraci në Uashingon, ka dhënë vlerësimin e saj në lidhje me aspiratat e Maqedonisë së Veriut për anëtarësim në BE.

Muaji Tetor sipas Selimit nuk duket si datë e mundshme për fillimin e negociatave dhe këtë e lidh me ngjarjet e fundit në skenën politike në Shkup, sidomos pas skandalit “Zhvatja”, përcjell in7.

“ Cili do proces që nuk sjell rezultate të dukshme në korniza të sundimit të mirë të së drejtës, kthimin e besimit të qytetarëve në institucionet shtetërore, në proceset politike, në proceset zgjedhore, njashtu bindja se ekzistojnë kapacitete vendore dhe vullnet për t`u zbatuar dhe implementuar këto reforma ende është një diskutim i madh publik në Maqedoninë e Veriut”- thotë Kaltrina Selimi nga FND.

Problem për Selimin paraqet edhe paqartësia rreth të ardhmes së Prokurorisë Speciale.

“Bashkimi Evropian pret që kjo paqartësi për të ardhmen e Prokurorisë Speciale Publike të pastrohet. Nëse nuk qartësohet e njëjta, madje shtetet më të sigurta të Bashkimit Evropian mund që të ndryshojnë përkrahjen e tyre.”, deklaroi Selimi.

 

Ndërsa sa i përket opozitës maqedonase dhe shqiptare, ajo tha se përgjegjësia e sjelljes së vendimeve në nivel nacional duhet që të jetë e ndarë.

“Të ndahet vet përgjegjësia në vendimet që sillen në nivel nacional.”, deklaroi Selimi.

Selimi shprehet me tone optimiste pas deklaratës së fundit të kryeministrit Zoran Zaev në lidhje me skandalin “Reket”. Është mirë se në Maqedoni kemi arritur në një nivel tjetër të komunikimit dhe pjekurisë.

“Vet ideja se mundet që të reagohet lirshëm kundër këtyre fenomeneve ose çfarë do tjetër me të cilën nuk pajtohet shumica, kjo është shenjë e pjekurisë, se jemi duke e arritur një nivel të pjekurisë dhe nuk d.m.th. se edhe jemi ku edhe duhet të jemi në atë nivel.”, deklaroi Selimi.

Burimi: Zëri i Amerikës

Continue Reading

Lajme

Shkupjanja me makinë “futet” në ndërtesën e BE-së (Foto)

Published

on

Gjatë mbrëmjes së djeshme një grua ma makinën e saj është aksidentuar në ndërtesën e BE-së në Shkup.

Si pasojë janë thyer dritaret e zyrës së BE-së. Ajo në makinë ka qenë së bashku me një person tjetër.

Continue Reading

Kosovë

​Gastronomët e Kosovës përmes borive të makinave shprehin pakënaqësinë e tyre me masat e reja antiCOVID-19

Published

on

Shoqata e Gastronomëve e Kosovës, në shenjë pakënaqësie me masat e fundit qeveritare, përmes borive të makinave, sonte për disa minuta ka protestuar në rrugën përballë objektit të Qeverisë së Kosovës.

Qeveria e Kosovës në kuadër të masave të reja për luftimin e pandemisë, vendosi dje për shtyrjen e orarit të gastronomisë deri në orën 23:00. Më herët ky sektor ishte lejuar të punojë deri në 21:30. Ndërkohë ora policore mbetet në fuqi nga mesnata e deri në pesë të mëngjesit, me përjashtim të rasteve emergjente.

Shoqata e Gastronomëve të Kosovës kërkon që të punohet sipas rregulloreve Komunale, që muzika të jetë në proporcion me këtë orar, dhe ora policore të hiqet.

“Masat nuk kanë kuptim që të kufizojnë veprimtaritë biznesore, por të stimulojnë vaksinimin e popullatës, si zgjidhja e vetme për daljen nga kjo krizë. Përderisa i lejojmë të hyjnë vetëm personat e vaksinuar dhe ata që ofrojnë dëshmi, pse të mos punojmë me kapacitete të plota?!”, thuhet në një reagim të kësaj shoqate e cila për nesër ka paralajmëruar mbledhjen e jashtëzakonshme të Kuvendit, në orën 14:00.

Ndryshe, edhe Asociacioni i Komunave të Kosovës ka paralajmëruar se do të kërkojë serish heqjen e orës policore, pasi që numri i rasteve të reja me koronavirus po shënon rënie dhe tash e sa ditë nuk ka asnjë rast me përfundim fatal.

Continue Reading

Kosovë

Ushtarët e FSK-së do të nisen për në stërvitjen qendrore të Forcave të Armatosura Sllovene

Published

on

Ministri i Mbrojtjes i Kosovës Armend Mehaj është deklaruar me rastin e dërgimit të një kontingjenti të FSK-së në stërvitjen e Forcave të Armatosura sllovene “Disaster Relief and Military Mobility Exercise 2021” (DRM2 EX21), me kolegët e tyre të forcave sllovene dhe 19 forcave të shteteve tjera të BE-së dhe NATO-s.

Në një postim në Facebook, ministri Mehaj thotë se kjo stërvitje synon të forcojë gatishmërinë e Forcave të Armatosura sllovene për të marrë pjesë në sistemin e mbrojtjes nga fatkeqësitë natyrore dhe fatkeqësitë e tjera në Slloveni, si dhe për të integruar sigurinë me shtetet anëtare të BE-së dhe forcat tjera partnere, sikurse Kosova, në fushën e mobilitetit ushtarak dhe mbështetjes logjistike.

“Mirënjohje dhe vlerësim i lartë për partneritetin me ministrinë dhe forcat homologe sllovene. Besim i plotë në shkathtësitë profesionale specialistike të ushtarakëve tanë dhe aftësive ndërvepruese me forcat partnere. Forca djem, për Nderin e Kombit dhe Flamurin tonë! Për më të mirën, për veten dhe miqtë tanë!”, shkruan Mehaj.

Stërvitja “Disaster Relief and Military Mobility Exercise 2021” ka nisur më 18 tetor dhe zgjat deri më 29 tetor. Përveç Kosovës, në këtë stërvitje marrin pjesë edhe Shqipëria, Austria, Belgjika, Kroacia, Mali i Zi, BeH, Franca, Gjermania, Italia, Luksemburgu, Maqedonia Veriore, Rumania, Çekia, Polonia, Rumania etj.

Continue Reading

Aktuale