Connect with us

Lajme

Kush janë krejt ata, të cilët kryeministri i Maqedonisë Zaev mund t’i fyejë për një minutë?

Published

on

Në kohën kur publiku në Maqedonin e Veriut mendonte se, në aferën “Reket” në të cilën në videot e publikuara nga e përditshmja italiane “La Verita”, sugjerohet korrupsion të nivelit të lartë për ndikim te prokurorë dhe gjyqtarë, aferë në të cilën është përfshirë një person i njohur kontrovers, do të dëgjohet madje edhe zëri i kryeministrit Zaev kjo nuk ndodhi, por ai vetë e ndërlikoi situatën, shkruan Meta.mk.

Zaev, në rastin e parë pas publikimit të videove, arriti të bëjë një nga deklaratat politikisht më jo korrektet dhe atë për gjysmë minuti “Nuk do të lejoj që një kriminelë, një gazetar sqimatar dhe një pederast të rrëzojnë këtë qeveri” brenda më pak se një minute i ofendoi homoseksualët dhe gazetarët, ofendoi si homoseksualët dhe gazetarët, e pastaj kur ai u përpoq të shpjegonte në Twitter se çfarë mendonte edhe më shumë u ngatërrua duke thënë se ai përdori fjalën “pederast” për të përshkruar “tiparet e personazheve, e jo orientimin seksual”.

Përdorimi i fjalëve “gazetari sqimatar” dhe “pederast” i ngriti në këmbë shoqatat e gazetarëve dhe luftëtarëve për të drejtat e komunitetit LGBTI, por edhe organizatat e shoqërisë civile në përgjithësi, të cilat në përdorimin e fjalëve nga Zaevi panë jo vetëm një adresim poshtëruese për homoseksualët dhe gazetarët, por edhe përhapje të gjuhës së urrejtjes.

OJQ-të e dënuan me ashpër deklaratën “skandaloze, të pahijshme, homofobike” të Zaevit, por edhe deklaratën me të cilën bëhet diskreditimi i gazetarëve të cilët në mënyrë kritike e mbikëqyrin punën e qeverisë dhe e pyetën “vallë përpjekjet e deritanishme për të promovuar të drejtat e LGBTI janë me të vërtetë thelbësore ose vetëm deklarative dhe formale”.

Zaev, pastaj, u përpoq të jep sqarime plotësuese përmes një bisede me agjencinë shtetërore të lajmeve të MIA, por e përsëriti mesazhin se nuk do të lejonte që kriminelë, manipulues dhe mashtrues të pengojnë suksesin e vendit.

Sa i përket kualifikimeve “kriminelë, pederastë, sqimatarë dhe idiotë”, Zaev thotë se ai dhe qeveria qëndrojnë me vendosmëri në mbrojtjen e lirisë së shprehjes, lirisë së mediave dhe mbrojtjes së të drejtave të njeriut për të gjithë, përfshirë komunitetin LGBTI.

Përshtypja është se në vend që ta bënte shpjegime plotësuese do të ishte më e më e thjeshtë vetë të kishte thënë: “Më vjen keq, gabova”

Përndryshe, në lëndën për zhvatjen të dyshuar janë dy persona, Bojan Jovanovski i njohur me nofkën “Boki 13”dhe Zoran Milevski i njohur si Zoki Kiçeec se kanë zhvatur biznesmenë nëpërmjet shefes së PSP-së në dorëheqje, Katica Janeva. Dyshimet e prokurorisë janë se ata kanë marrë 1,5 milionë euro nga biznesmeni Orce Kamçev për tia lehtësuar procedurën hetimore për pastrim parash, ndërsa duhej të merrnin edhe 4,5 milion euro të tjera.

Gazeta italiane “La Verita” ka publikuar disa video-audio materiale, në të cilat shihet se si Boki 13 ka marrë para prej biznesmenit Orce Kamçev në shtëpinë e tij.

Continue Reading

Lajme

Sela: Kemi duruar 20 vite dhe do të durojmë edhe dy ditë, e përfundimisht do e sjellim ndryshimin dhe fitoren e shqiptarëve

Published

on

By

Sela: Kemi duruar 20 vite dhe do të durojmë edhe dy ditë, e përfundimisht do e sjellim ndryshimin dhe fitoren e shqiptarëve

Kemi duruar 20 vite dhe do të durojmë edhe dy ditë, e përfundimisht do e sjellim ndryshimin dhe fitoren e shqiptarëve këtë në Maqedoninë e Veriut. Kështu tha kryetari i Aleancës për Shqiptarët, Ziadin Sela nga Tetova.

Sela tha se nuk do të mund gënjehet më tetovari dhe të gjithë shqiptarët me jetë dhe ambient jetësor kur 20 vite është punuar kundër jetës, kundër ambientit.

“Ke djegur kallamin ose tallat në liqenin e Strugës, ke prerë drurin në malësinë e Tetovës dhe në Kërçovë e gjetiu, e sot të dalësh dhe të thuash se ke plan për ambient jetësor, janë gjëra që nuk shkojnë njëra me tjetrën. Këto gjëra janë vetëm për të rikujtuar, se shqiptarët janë vetëdijesuar, janë ngritur në këmbë, Tetova është ngritur në këmbë, dhe ne do ta sjellim ndryshimin dhe fitoren”, tha Sela, duke shtuar se fitorja do të nis nga Struga dhe do të përfundojë në kryeqendër në Çair të Shkupit.

Sela u tha qytetarëve që e kanë humbur besimin te politika se edhe ata janë njësojë si ju.

“Por mos e humbini besimin tek politika, edhe ne e kemi humbur besimin te politika e keqe, mashtruese, manipulatore dhe shantazhuese që udhëhiqet nga BDI. Edhe ne jemi zhgënjyer nga ata, por nuk rrimë në shtëpi, ne dalim dhe e luftojmë këtë politik dhe u bëjmë thirrje dhe u zgjasim dorën hajdeni ta luftojmë bashkë këtë politik të keqe 20 vjeçare që na e ka vrarë shpresën”, deklaroi Sela.

Sela u bëri thirrje të gjithë qytetarët që të votojnë me ndërgjegje të pastër, për të dënuar edhe ato të cilët po i mbron qeveria dhe prokuroria për tragjedinë e ndodhur në Tetovë ku humbën jetën 14 qytetarë.

“Ngushëllim kanë nevojë ata njerëz, ata kanë nevojë të kenë njerëz pranë tyre që kujdesen dhe nuk i humbin aq lehtë kujtimin dhe ngushëllimin që duhen ta ketë dhe ngushëllimi dhe forma më e mirë do të ishte që më 17 tetor të dilni dhe të dënonin me votë, këta që i ruan shteti, sepse ndryshe bëheni bashkë fajtor me ata”, tha Sela.

Continue Reading

Lajme

Gashi: Sonte fillon faza e mbrojtjes së votës, kësaj radhe nuk lejojmë nëpërkëmbjen e vullnetit të shqiptarëve

Published

on

By

Gashi: Sonte fillon faza e mbrojtjes së votës, kësaj radhe nuk lejojmë nëpërkëmbjen e vullnetit të shqiptarëve

Afrim Gashi tha se është i bindur se Tetova ka vullnet për ndryshim dhe se ky ndryshim do të ndodhë më 17 tetor.

Gashi tha se fushata ka dy faza, e para me grumbullimin e votave dhe e dyta me mbrojtjen e votës.

“Sonte përfundon faza e grumbullimit të votave. Kemi bërë çmos këto 20 ditë që nga tubimi i parë në Shkup, kemi vizatuar gjitha komunat, kemi promovuar kandidatët më të mirë të mundshëm, kemi gjetur programet më të mirë, kemi gjetur zgjidhjet më të mira për komunat e tona që BDI i ka lënë 20 vite prapa. Sonte bie perdja, sonte fjalët e tona heshtin. Por sonte fillon një fazë shumë e rëndësishme, prej sonte fillon mekanizmi, të gjitha shtabet tona duhet të shndërrohen në fuqi që e mbrojnë votën”, tha Gashi duke shtuar se duhet konceptim për ruajtjen e votës.

“Mbrojta e votës nënkupton mbrojtje të vullnetit të shqiptarëve, andaj patjetër duhet ta mbrojmë. Kësaj here jam shumë i bindur se kemi marrë masat e duhura dhe do të dalim faqebardhë”, tha Gashi.

Continue Reading

Lajme

Vullnet Murseli: Nuk do të lejojmë që Tetova të vazhdojë të shkatërrohet

Published

on

By

Kandidati i opozitës shqiptare për komunën e Tetovës, Vullnet Murseli, nga tubimi qendror në Tetovë, tha se gjatë tre javëve të kaluara kanë vizituar çdo vendbanim, lagje dhe fshat në Tetovë.

“Njerëzit kanë nevojë për ndryshim edhe atë menjëherë, ne do ta sjellim atë ndryshim ngase tetovarët e meritojnë më të mirën. Kemi dëgjuar shumë halle, kemi parë shumë probleme, nuk mund të pranojmë që Tetova të vazhdojë të shkatërrohet”, tha Vullnet Murseli.

Ai tha se Tetovës do të ja kthejnë krenarinë, dinjitetin, do ta bëjën vendbanim për jetesë më të mirë.

“Ata kanë shpifur, na kanë sulmuar por ne kemi vazhduar të punojmë. Ne kemi ekipin më të mirë, programin më të mirë, e kemi përkrahjen e tetovarëve, të gjithë atyre që ja duan të mirën qytetit, pa marrë parasysh përkatësinë partiake dhe etnike”, shtoi më tej Murseli.

Ai tha se me fitoren e Tetovës do të fitohet e gjithë Maqedonia.

“Ju ka ardhur fundi dhe ata e dinë, prandaj bëjnë si të çmendur dhe dëshirojnë të përhapin frikë. Ne nuk kemi frikës e jemi në rrugën e krenarisë, në rrugën e fitores”, tha Murseli.

Continue Reading

Aktuale