Connect with us

Bota

Çmenduria e rradhës e Trump-it/ Tenton që të blejë territorin e shtetit evropian

Published

on

Mediat amerikane raportojnë se presidenti i Shteteve të Bashkuara, Donald Trump ka diskutuar me ndihmësit e tij, mundësinë e blerjes së Groenlandës nga Danimarka, megjithëse disa ndihmës të Shtëpisë së Bardhë thonë se biseda nuk ishte serioze.

Wall Street Journal raporton se Trump “ka shprehur vazhdimisht interes” për blerjen e Groenlandës, një territor autonom danez.

“Trump ka pyetur këshilltarët nëse SHBA-ja mund të përvetësojë Groenlandën, e vlerësuar si territor me interes për burimet e saj të shumta dhe rëndësinë gjeopolitike dhe sipas dy burimeve, Trump ka kërkuar nga këshilltarët e Shtëpisë së Bardhë që të shqyrtojnë idenë,” raportoi Wall Street Journal. Raporti, duke përmendur burime anonime, thotë se disa nga këshilltarët e Trump-it e kanë mbështetur idenë si një veprim të mirë ekonomik, ndërsa “të tjerët e kanë hedhur poshtë atë”.

Groenlanda ka një popullsi prej rreth 56.000 banorësh dhe është një pjesë vetëqeverisëse e Danimarkës. Pushteti vendor merret me punët e brendshme, por politikat e jashtme dhe ato të sigurisë trajtohen në Kopenhagen. Shtetet e Bashkuara e kanë tashmë një bazë ushtarake në Groenlandë. Zyrtarët amerikanë ose danezë nuk e komentuan ndërkohë raportet. Që në vitin 1946, në fakt, Shtetet e Bashkuara të Amerikës, nën Harry Trumanin, tentuan të blinin ishullin gjigant nga Danimarka për 100 milion dollarë, por marrëveshja u refuzua.

Groenlanda është ishulli më i madh i Tokës. Ishulli i mbuluar në 80% të tij nga akulli, bashkë me Antarktidën, ka dendësinë më të vogël të popullsisë në botë.

SHBA ndërkohë ka blerë Alaskën në vitin 1867 nga perandoria ruse e carëve, me një çmim prej 7.2 milionë dollarësh, në vlerën e sotme, 120 milionë dollarë amerikanë. Trump, i cili tani ndodhet me pushime në klubin e golfit, Bedminster do të qëndrojë në fillim të shtatorit gjatë vizitës në Evropë edhe në Danimarkë. Nuk ka të dhëna, nëse ai do të flasë në Danimarkë për blerjen e ishullit. Më herët Trump ka lëvduar edhe “plazhet fantastike” të Koresë së Veriut, si një vend ideal për apartamente pushimesh.

Continue Reading

Bota

Miliarderi gjendet i vdekur dy muaj pas martese

Published

on

Një 33-vjeçar, biznesmen dhe pronar i disa hoteleve ka ndërruar jetë në rrethana misterioze në Londër. Sipas mediave britanike mësohet se Vivek Chadha, i cili ishte i afërt me Partinë Konservatore, u rrëzua dhe ndërroi jetë pas një feste në klubin e natës Myfair të Londrës. Ai ishte donator i Partisë Konservatore dhe shfaqej rregullisht në evente të rëndësishme së bashku me ish-kryeministra si David Cameron dhe Theresa May.

Vdekja vjen vetëm tetë javë pasi ai u martua me modelen 29-vjeçare Stuttee Chadha, në një dasmë luksoze në hotelin JW Marriott Grosvenor House. Miqtë besojnë se ai mund të ketë pësuar një atak të papritur në zemër, por nuk dihej nëse vuante nga ndonjë sëmundje. “Jam e shokuar dhe ende përpiqem të kuptoj situatën. Ne u martuam vetëm tetë javë më parë dhe ishte diçka e bukur. Tani më duhet të përballem me humbjen e dashurisë së jetës sime. Jam e shtangur dhe zemërthyer”- tha partnerja e tij.

Continue Reading

Bota

Ndodh edhe kjo! Gjermanja lë në rrugë burrin shqiptar që ndaloi të pinte duhan në autostradë!

Published

on

Kush është dalllimi mes një shqiptari dhe një gjermani?

Rasti është mjaft domethënës. Një burrë me origjinë shqiptare në Gjermani nuk mund ta kishte menduar se ndalesa për të pirë një cigare në rrugë do t’i kushtonte shumë.

Ai udhëtonte me bashkëshorten e tij sipas mediave gjermane në autostradën A7 në Fussen, por për arsye ende të paditura ajo që ishte në vendin e shoferit vijoi udhëtimin duke e lënë në rrugë.

Disa minuta më vonë, burri bëri një telefonatë në policinë e Bavarisë duke i shpjeguar ngjarjen. Një patrullë policie e mori atë duke e bashkuar me bashkëshorten, ndërsa kur u pyet ajo tha se e kishte harruar burrin e saj në rrugë dhe vijoi udhëtimin.

Continue Reading

Bota

2% e pasurisë së Muskut mund të zgjidhë problemet e urisë në botë

Published

on

By

2% e pasurisë së Muskut mund të zgjidhë problemet e urisë në botë

Një grup i vogël i multimiliarderëve mund të zgjidhë çështjen e urisë në botë me vetëm një përqindje të vogël të pasurisë, ka thënë drejtori i Programit për Ushqim në kuadër të Kombeve të Bashkuara.

Miliarderët duhet “të ngrihen tani, vetëm një herë”, ka thënë David Beasley në një intervistë për CNN të martën – duke specifikuar dy më të pasurit në botë, Elon Muskun dhe Jeff Bezosin.

“6 miliardë dollarë për të ndihmuar 42 milionë njerëz në botë që do të vdesin po që se nuk u ndihmohet. Nuk është e komplikuar”, ka thënë ai.

Shefi ekzekutiv i Teslas, Musk, ka pasuri prej rreth 290 miliardë dollarësh, sipas Bloombergut, dhe Beasley ka kërkuar që ai të dhurojë vetëm dy për qind të pasurisë së tij.

Pasuria e miliarderëve në Shtetet e Bashkuara të Amerikës është dyfishuar që kur ka nisur pandemia, dhe tani ka vlerë prej 5 trilionë dollarësh.

Një përzierje krizash, si ajo e ndryshimeve klimatike dhe ajo e pandemisë, nënkupton që shumë vende do të godasin në duart e urisë.

Gjysma e popullatës në Afganistan – 22 milionë njerëz – përballen me krizë të urisë, sipas raporteve zyrtare.

Papunësia ka bërë që shteti të thellohet në krizë humanitare dhe 3.2 milionë fëmijë nën moshën pesëvjeçare janë në rrezik.

Një seri raportesh nga administrata e presidentit amerikan, Joe Biden, ka paralajmëruar se efektet e ndryshimeve klimatike do të rrisin problemet për secilën qeveri.

Në Etiopi, rreth 5.2 milionë njerëz janë në nevojë urgjente për ushqim, në një vend që po përballet me mijëra vrasje të civilëve e zhvendosje të milionave.

Continue Reading

Aktuale